അധികാര മത്തു കാ​േട്ടണ്ട: അവശ്യമെങ്കിൽ ഗവർണറുടെ അധികാരം നിയ​ന്ത്രിക്കണമെന്ന്​ സി.പി.എം

തി​രു​വ​ന​ന്ത​പു​രം: നി​ല​വി​ലെ മാ​ന​ദ​ണ്ഡ​ങ്ങ​ൾ​ക്ക്​ പു​റ​ത്തേ​ക്ക്​ ത​ന്‍റെ അ​ധി​കാ​രം പ്ര​യോ​ഗി​ച്ചാ​ൽ, അ​വ​ശ്യ​മെ​ങ്കി​ൽ ബ​ന്ധ​പ്പെ​ട്ട നി​യ​മ​ങ്ങ​ളും ച​ട്ട​ങ്ങ​ളും ഭേ​ദ​ഗ​തി​ ചെ​യ്ത്​ ഗ​വ​ർ​ണ​റു​ടെ അ​ധി​കാ​രം നി​യ​ന്ത്രി​ക്ക​ണ​മെ​ന്ന്​ സി.​പി.​എം കേ​ന്ദ്ര നേ​തൃ​ത്വം. ഗ​വ​ർ​ണ​റെ സം​സ്ഥാ​ന സ​ർ​വ​ക​ലാ​ശാ​ല​ക​ളി​ലെ ചാ​ൻ​സ​ല​ർ പ​ദ​വി​യി​ൽ അ​വ​രോ​ധി​ക്കു​ന്ന നി​യ​മ​ങ്ങ​ൾ വേ​ണ്ടി​വ​ന്നാ​ൽ ഭേ​ദ​ഗ​തി ചെ​യ്യ​ണ​മെ​ന്നും ആ​രി​ഫ്​ മു​ഹ​മ്മ​ദ്​ ഖാ​നെ നി​ശി​ത​മാ​യി വി​മ​ർ​ശി​ച്ച്​ സി.​പി.​എ​മ്മി​ന്‍റെ ദേ​ശീ​യ മു​ഖ​പ​ത്ര​മാ​യ 'പീ​പ്പി​ൾ​സ്​ ഡെ​മോ​ക്ര​സി'​യു​ടെ മു​ഖ​പ്ര​സം​ഗം നി​ർ​ദേ​ശി​ച്ചു. ക​ണ്ണൂ​ർ വൈ​സ്​ ചാ​ൻ​സ​ല​ർ പു​ന​ർ​നി​യ​മ​ന​ത്തി​ൽ ഉ​ൾ​പ്പെ​ടെ സ​ർ​ക്കാ​റു​മാ​യി ഗ​വ​ർ​ണ​ർ ആ​രി​ഫ്​ മു​ഹ​മ്മ​ദ്​ ഖാ​ൻ ഇ​ട​ഞ്ഞു​നി​ൽ​ക്കു​ന്ന സാ​ഹ​ച​ര്യ​ത്തി​ലാ​ണ്​ സി.​പി.​എം കേ​ന്ദ്ര നേ​തൃ​ത്വം നി​ല​പാ​ട്​ വ്യ​ക്ത​മാ​ക്കി​യ​ത്.

തെ​ര​ഞ്ഞെ​ടു​ക്ക​പ്പെ​ട്ട സം​സ്ഥാ​ന സ​ർ​ക്കാ​റു​ക​ളു​ടെ അ​ധി​കാ​ര​ത്തി​ന്മേ​ലു​ള്ള ക​ട​ന്നു​ക​യ​റ്റം ജാ​ഗ്ര​ത​യോ​ടെ പ​രി​ശോ​ധി​ക്ക​ണം. ഭ​ര​ണ​ഘ​ട​നാ മാ​ന​ദ​ണ്ഡ​ങ്ങ​ൾ​ക്ക്​ അ​നു​സൃ​ത​മ​ല്ലാ​തെ അ​ങ്ങേ​യ​റ്റം മോ​ശ​മാ​യാ​ണ്​ കേ​ര​ള ഗ​വ​ർ​ണ​ർ സം​സാ​രി​ക്കു​ന്ന​ത്. നി​യ​മ​സ​ഭ​യു​ടെ ബ​ജ​റ്റ്​ സ​മ്മേ​ള​നം ആ​രം​ഭി​ക്കാ​നി​രി​ക്കെ ന​യ​പ്ര​ഖ്യാ​പ​ന​ത്തി​ൽ ഒ​പ്പു​വെ​ക്കാ​ൻ അ​ദ്ദേ​ഹം വി​സ​മ്മ​തി​ച്ചു. അ​വ​സാ​ന നി​മി​ഷ​മാ​ണ്​ അ​തി​ന്​ വ​ഴ​ങ്ങി​യ​തും സ​ഭ​യെ അ​ഭി​സം​ബോ​ധ​ന ചെ​യ്ത​തും.

സം​സ്ഥാ​ന​ത്തെ സ​ർ​വ​ക​ലാ​ശാ​ല​ക​ളു​ടെ ചാ​ൻ​സ​ല​ർ എ​ന്ന നി​ല​യി​ൽ വി.​സി നി​യ​മ​ന​ത്തി​ൽ ഗ​വ​ർ​ണ​റു​ടെ റോ​ൾ വി​വാ​ദ​മാ​യി​രു​ന്നു. ക​ണ്ണൂ​ർ സ​ർ​വ​ക​ലാ​ശാ​ല വി.​സി​യു​ടെ പു​ന​ർ​നി​യ​മ​ന ഉ​ത്ത​ര​വി​ൽ ആ​ദ്യം ഒ​പ്പു​വെ​ച്ചെ​ങ്കി​ലും പി​ന്നീ​ട്​ അ​വി​ശ്വാ​സം പ്ര​ക​ടി​പ്പി​ച്ചു. ആ ​നി​യ​മ​നം കേ​ര​ള ഹൈ​കോ​ട​തി ശ​രി​വെ​ച്ചു. പ​ശ്ചി​മ ബം​ഗാ​ളി​ലും മ​ഹാ​രാ​ഷ്ട്ര​യി​ലും ഗ​വ​ർ​ണ​ർ​മാ​ർ ന​ട​ത്തു​ന്ന ഇ​ട​പെ​ട​ലു​ക​ൾ ചൂ​ണ്ടി​ക്കാ​ട്ടി​യ പീ​പ്പി​ൾ​സ്​ ഡെ​മോ​ക്ര​സി, 2021 ഡി​സം​ബ​റി​ൽ മ​ഹാ​രാ​ഷ്ട്ര സ​ർ​ക്കാ​ർ 'മ​ഹാ​രാ​ഷ്ട്ര പ​ബ്ലി​ക്​ യൂ​നി​വേ​ഴ്​​സി​റ്റീ​സ്​ ആ​ക്ട്​' ഭേ​ദ​ഗ​തി ചെ​യ്​​ത​ത്​ എ​ടു​ത്തു​പ​റ​യു​ന്നു.

ഈ ​ഭേ​ദ​ഗ​തി​യി​ലൂ​ടെ വി.​സി നി​യ​മ​ന​ത്തി​ൽ സ​ർ​ക്കാ​ർ ശി​പാ​ർ​ശ ചെ​യ്യു​ന്ന ര​ണ്ട്​ പേ​രു​ക​ൾ ഉ​ൾ​പ്പെ​ട്ട പാ​ന​ലി​ൽ​നി​ന്ന്​ 30 ദി​വ​സ​ത്തി​ന​കം നി​യ​മ​നം അം​ഗീ​ക​രി​ക്കു​ന്ന​തി​ലേ​ക്ക്​​ ഗ​വ​ർ​ണ​റു​ടെ അ​ധി​കാ​ര​ത്തെ ചു​രു​ക്കി​യെ​ന്നും വി​ശ​ദീ​ക​രി​ക്കു​ന്നു. ക​ണ്ണൂ​ർ വി.​സി പു​ന​ർ​നി​യ​മ​നം ഉ​യ​ർ​ത്തി സ​ർ​വ​ക​ലാ​ശാ​ല​ക​ളി​ൽ രാ​ഷ്ട്രീ​യ അ​തി​പ്ര​സ​രം ആ​രോ​പി​ച്ച ആ​രി​ഫ്​ മു​ഹ​മ്മ​ദ്​ ഖാ​ൻ ത​ന്‍റെ ചാ​ൻ​സ​ല​ർ പ​ദ​വി മു​ഖ്യ​മ​ന്ത്രി ഏ​റ്റെ​ടു​ക്ക​ണ​മെ​ന്ന്​ ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ, ചാ​ൻ​സ​ല​ർ പ​ദ​വി​യി​ൽ ത​ന്നെ തു​ട​ര​ണ​മെ​ന്ന നി​ല​പാ​ടാ​ണ്​ മു​ഖ്യ​മ​ന്ത്രി​യും എ​ൽ.​ഡി.​എ​ഫ്​ സ​ർ​ക്കാ​റും സ്വീ​ക​രി​ച്ച​ത്.