ശബരിമല: വിശ്വാസികളുടെ വികാരം മാനിക്കണം; യുവതീപ്രവേശനത്തിന്​ നിർബന്ധിക്കരുത്​ -സി.പി.എം

തിരുവനന്തപുരം: ശബരിമല വിഷയത്തില്‍ വിശ്വാസികളുടെ വികാരത്തെ മാനിക്കണമെന്ന് സി.പി.എം സംസ്ഥാന സമിതി. ശബരിമലയില് ‍ നിലപാട് മാറ്റേണ്ട സാഹചര്യമില്ല. യുവതികളെ മലകയറാന്‍ നിര്‍ബന്ധിക്കേണ്ടെന്ന നിലപാട് ജനങ്ങളോട് വിശദീകരിക്കാന ാണ്​ സി.പി.എം സംസ്ഥാന സമിതിയുടെ തീരുമാനം. വിശ്വാസകാര്യങ്ങളില്‍ നിന്ന് മാറി നില്‍ക്കണമെന്നായിരുന്നു പാലക്കാട് പ്ലീനത്തിലെ തീരുമാനം. എന്നാൽ ഈ തിരുമാനം തിരുത്താനാണ്​ പാർട്ടി നീക്കം.

പ്രാദേശിക ക്ഷേത്രങ്ങളുടെ ഭരണകാര്യങ്ങളില്‍ പ്രവര്‍ത്തകര്‍ സജീവമായി ഇടപെടണമെന്നും സംസ്ഥാന കമ്മിറ്റി യോഗത്തില്‍ അഭിപ്രായം ഉയര്‍ന്നു. എന്നാൽ തിരുത്തല്‍ രേഖയില്‍ ഇക്കാര്യം ഉള്‍പ്പെടുത്തണമോയെന്ന കാര്യം തീരുമാനിച്ചിട്ടില്ല.

കഴിഞ്ഞ ദിവസം നടന്ന യോഗത്തിൽ പ്രവർത്തകരിൽ നിന്നും മന്ത്രിമാർ ഒഴിഞ്ഞുമാറി നടക്കുകയാണെന്നും അത്​ തിരുത്തണമെന്നും ആവശ്യമുയർന്നിരുന്നു. വീടുകളിൽ നിന്ന്​ നിർബന്ധിത പിരിവ്​ നടത്തുന്നത്​ പാർട്ടിയുടെ പ്രതിച്ഛായയെ മോശമായി ബാധിക്കുന്നെന്നും വിമർശനമുണ്ടായി​.

തെറ്റ് തിരുത്തല്‍ രേഖ സംബന്ധിച്ച് ചര്‍ച്ച നടക്കുന്ന സി.പി.എമ്മി​​െൻറ സംസ്ഥാന സമിതി ഇന്നവസാനിക്കും. കരട് രേഖയില്‍ ഭേദഗതി വരുത്തിയായിരിക്കും സംസ്ഥാന സമിതി അംഗീകരിക്കുന്നത്. മന്ത്രിമാര്‍ക്കെതിരെയും പൊലീസിനെതിരെയും നേതൃത്വത്തിനെതിരെയും കഴിഞ്ഞ ദിവസം വിമര്‍ശനം ഉയര്‍ന്നിരുന്നു.