വോട്ടിനു മുമ്പേ കണ്ണൂരിൽ ആറിടത്ത് ജയം ഉറപ്പിച്ച് സി.പി.എം; എതിർസ്ഥാനാർഥികളില്ല

കണ്ണൂർ: നാമനിർദേശ പത്രിക സമർപ്പിക്കാനുള്ള സമയം അവസാനിച്ചതോടെ കണ്ണൂർ ജില്ലയിൽ ആറ് വാർഡുകളിൽ സി.പി.എമ്മിന് എതിർസ്ഥാനാർഥികളില്ല. തളിപ്പറമ്പിലെ ആന്തൂർ നഗരസഭയിലും മലപ്പട്ടം ഗ്രാമപഞ്ചായത്തിലും കല്യാശ്ശേരി മണ്ഡലത്തിലെ കണ്ണപുരം പഞ്ചായത്തിലും രണ്ടുവീതം വാർഡുകളിലാണ് എതിർസ്ഥാനാർഥികൾ പത്രിക സമർപ്പിക്കാതിരുന്നത്.

ആന്തൂർ നഗരസഭ രണ്ടാം വാർഡായ മോറാഴയിലും 19ാം വാർഡായ പൊടിക്കുണ്ടിലുമാണ് എതിരില്ലാത്തത്. മോറാഴ വാർഡിൽ കെ. രജിതയും പൊടിക്കുണ്ട് വാർഡിൽ കെ. പ്രേമരാജനുമാണ് സി.പി.എം സ്ഥാനാർഥികൾ. ഇതിൽ മോറാഴ വാർഡ് സി.പി.എം സംസ്ഥാന സെക്രട്ടറി എം.വി. ഗോവിന്ദന്റെ വാർഡുകൂടിയാണ്. സംസ്ഥാനത്ത് പ്രതിപക്ഷമില്ലാതെ ഇടതുപക്ഷം ഭരിക്കുന്ന ഏക നഗരസഭകൂടിയാണ് ആന്തൂർ. കണ്ണപുരം പഞ്ചായത്തിലെ

13-ാം വാർഡിൽ സി.പി.എമ്മില പി. രീതിക്കും 14-ാം വാർഡായ ഇടക്കേപ്പുറം സെന്‍ററിൽ പി.വി. രേഷ്മക്കുമാണ് എതിരില്ലാത്തത്. മലപ്പട്ടം ഗ്രാമപഞ്ചായത്തിലെ വാർഡ് അഞ്ച് അഡുവാപ്പുറം നോർത്ത്, വാർഡ് ആറ് അഡുവാപ്പുറം സൗത്ത് എന്നിവിടങ്ങളിലാണ് എൽ.ഡി.എഫിന് എതിരില്ലാത്തത്. അഡുവാപ്പുറം നോർത്തിൽ ഐ.വി. ഒതേനൻ, സൗത്തിൽ സി.കെ. ശ്രേയ എന്നിവരാണ് സി.പി.എം സ്ഥാനാർഥികൾ. സി.പി.എം കോട്ടയായ മലപ്പട്ടത്ത് കഴിഞ്ഞ തവണ അഞ്ച് വാർഡുകളിൽ എതിരില്ലായിരുന്നു.

ഡിജിറ്റൈസ്​ ചെയ്​തത്​​ 7.15 ശതമാനം അപേക്ഷകൾ

തി​രു​വ​ന​ന്ത​പു​രം: സം​സ്ഥാ​ന​ത്ത്​ എ​ന്യൂ​മ​റേ​ഷ​ൻ ഫോ​മു​ക​ളു​ടെ ഡി​ജി​റ്റൈ​സേ​ഷ​ൻ 19 ല​ക്ഷം പി​ന്നി​ട്ട​താ​യി മു​ഖ്യ​തെ​ര​ഞ്ഞെ​ടു​പ്പ്​ ഓ​ഫി​സ​ർ. ഇ​ത് മൊ​ത്തം വി​ത​ര​ണം ചെ​യ്ത ഫോ​മു​ക​ളു​ടെ 7.15 ശ​ത​മാ​നം വ​രും. സം​സ്​​ഥാ​ന​ത്ത്​ ഓ​ൺ​ലൈ​നാ​യി എ​ന്യൂ​മ​റേ​ഷ​ൻ ഫോം ​സ​മ​ർ​പ്പി​ച്ച​വ​രു​ടെ എ​ണ്ണം 45,249 ആ​ണ്.

ആ​കെ വോ​ട്ട​ർ​മാ​രു​ടെ 0.16 ശ​ത​മാ​ന​മാ​ണി​ത്. വോ​ട്ട​ർ​മാ​രെ ക​ണ്ടെ​ത്താ​ൻ ക​ഴി​യാ​ത്ത ഫോ​മു​ക​ളു​ടെ എ​ണ്ണം 1,01,856 ആ​യി. 100 ശ​ത​മാ​നം ഡി​ജി​റ്റൈ​സേ​ഷ​ൻ പൂ​ർ​ത്തീ​ക​രി​ച്ച ബി.​എ​ൽ.​ഒ​മാ​രു​മാ​യി മു​ഖ്യ തെ​ര​ഞ്ഞെ​ടു​പ്പ് ഓ​ഫി​സ​ർ വി​ഡി​യോ കോ​ൺ​ഫ​റ​ൻ​സ് ന​ട​ത്തി. ചി​ട്ട​യാ​ർ​ന്ന ആ​സൂ​ത്ര​ണ​ത്തി​ലൂ​ടെ നാ​ല്​ ദി​വ​സം​കൊ​ണ്ട്​ ഡി​ജി​റ്റൈ​സേ​ഷ​ൻ പൂ​ർ​ത്തീ​ക​രി​ക്കാ​നാ​യെ​ന്ന് ബി.​എ​ൽ.​ഒ​മാ​ർ അ​റി​യി​ച്ചു. ഡി​ജി​റ്റൈ​സേ​ഷ​ൻ പൂ​ർ​ത്തീ​ക​രി​ച്ച ബി.​എ​ൽ.​ഒ​മാ​ർ​ക്ക്​ ക​ല​ക്ട​ർ​മാ​ർ പോ​സ്റ്റ് കാ​ർ​ഡു​ക​ൾ വ​ഴി അ​ഭി​ന​ന്ദ​ന​മ​റി​യി​ക്കും.