ശബരിമല: തുടക്കത്തിൽ പിഴച്ചെന്ന്​ സി.പി.എമ്മിൽ വിമർശനം

തിരുവനന്തപുരം: സുപ്രീംകോടതി വിധി നടപ്പാക്കുന്നതിൽ ശബരിമല ക്ഷേത്രവുമായി ബന്ധപ്പെട്ട തന്ത്രിമാർ, പന്തളം മുൻ രാജകുടുംബം എന്നിവരുമായി ആശയവിനിമയം നടത്തുന്നതിൽ തുടക്കത്തിൽ പിഴവ്​ പറ്റിയെന്ന്​ സി.പി.എം സംസ്ഥാന സെക്ര​േട്ടറിയറ്റിൽ വിമർശനം. വിധിക്ക്​ പിന്നാലെതന്നെ അത്​ പുറപ്പെടുവിക്കാനുണ്ടായ സാഹചര്യവും സർക്കാർ നിലപാടും വിശദീകരിച്ചിരുന്നുവെങ്കിൽ ബി.ജെ.പിക്കും സംഘ്​പരിവാറിനും കോൺ​ഗ്രസിനും മുതലെടുക്കാൻ കഴിയില്ലായിരുന്നു എന്ന അഭിപ്രായം ചൊവ്വാഴ്​ച അവൈലബിൾ സെക്ര​േട്ടറിയറ്റിൽ അംഗങ്ങൾ പ്രകടിപ്പിച്ചു.

ആചാര്യസഭയുടെ അഭിപ്രായം കൂടി പരിഗണിച്ച്​ തീരുമാനം എടുക്കണമെന്ന്​ സുപ്രീംകോടതിയിൽ സമർപ്പിച്ച സത്യവാങ്​മൂലത്തിൽ സർക്കാർ പറഞ്ഞിരിക്കുന്നത്​ അടക്കം വിശദീകരിക്കാൻ കഴിയുമായിരുന്നു. എന്നാൽ, തുടക്കത്തിൽ സർക്കാർ പുലർത്തിയ നിസ്സംഗത മുതലെടുത്താണ്​ കോൺഗ്രസും പിന്നാലെ ബി.ജെ.പിയും രാഷ്​ട്രീയമുതലെടുപ്പ്​ നടത്തുന്നതെന്നും അംഗങ്ങൾ ചൂണ്ടിക്കാട്ടി.

ശബരിമല: പ്രചാരണം പ്രതിരോധിക്കാൻ ഇടതുമുന്നണിയും

തിരുവനന്തപുരം: ശബരിമല സ്​ത്രീപ്രവേശനം സംബന്ധിച്ച സുപ്രീംകോടതി വിധിയെ തുടർന്നുണ്ടായ സാഹചര്യം ബി.ജെ.പിയും സംഘ്​പരിവാറും കോൺഗ്രസും മുതലെടുക്കുന്ന സാഹചര്യത്തിൽ വ്യാഴാഴ്​ച അടിയന്തര എൽ.ഡി.എഫ്​​ യോഗം വിളിച്ചു. സി.പി.എം, സി.പി.​െഎ സംസ്ഥാന സെക്രട്ടറിമാരുടെ ചർച്ചക്കു ​േശഷമാണ്​ തീരുമാനം.
ബി.ജെ.പിയുടെയും കോൺഗ്രസി​​​​െൻറയും പ്രചാരണത്തി​െനതിരായ പരിപാടിക്ക്​ രൂപം നൽകാൻ 12ന്​ സി.പി.എം സംസ്ഥാന സെക്ര​േട്ടറിയറ്റും 13ന്​ സംസ്ഥാന സമിതിയും ചേരും.

‘സ്​ത്രീ കൂട്ടായ്​മ’യിലൂടെ​ ജനാധിപത്യ മഹിള അസോസിയേഷൻ സ്​ത്രീകളിലേക്ക്​ ഇറങ്ങിയതിനു​ പിന്നാലെ ‘രണ്ടാം വിമോചനസമരം അനുവദിക്കില്ല’ എന്ന മുദ്രാവാക്യം ഉയർത്തി 13 മുതൽ 20 വരെ നവോത്ഥാന സദസ്സ്​ നടത്താൻ ഡി.വൈ.എഫ്​.​െഎയും തീരുമാനിച്ചു. അഖിലേന്ത്യ ജനാധിപത്യ മഹിള അസോസിയേഷ​ൻ ലിംഗനീതി, ആരാധന, സഞ്ചാര സ്വാതന്ത്ര്യം എന്നിവ ഉയർത്തി പ്രചാരണം തുടങ്ങിക്കഴിഞ്ഞു.

യഥാർഥ വസ്​തുത വിശ്വാസികൾ അടക്കമുള്ള പൊതുസമൂഹത്തിനു മുന്നിൽ അവതരിപ്പിക്കണമെന്ന നിലപാടിലാണ്​​​ സി.പി.എമ്മും സി.പി.​െഎയും. ഇതു മുൻനിർത്തി​ പ്രചാരണത്തിലേക്ക്​ കടക്കാൻ​ കോടിയേരി ബാലകൃഷ്​ണനും കാനം രാജേന്ദ്രനും തമ്മിലെ കൂടിക്കാഴ്​ചയിൽ ധാരണയായി.
നിയമവാഴ്​ചയെയും ഭരണഘടനയെയും വെല്ലുവിളിക്കുന്ന സമരമാണ്​ നടക്കുന്നതെന്നാണ്​​ സി.പി.എമ്മി​​​​െൻറ അ​ൈവലബിൾ സംസ്ഥാന സെക്ര​േട്ടറിയറ്റിൽ ഉണ്ടായത്​. സമരത്തിൽനിന്ന്​ ബി.ജെ.പിയും കോൺഗ്രസും പിന്തിരിയണമെന്ന്​ ആവശ്യപ്പെട്ട്​ വിപുല കാമ്പയിൻ സി.പി.എമ്മും സംഘടിപ്പിക്കും.