എരുമേലി പഞ്ചായത്തിലേറ്റ തിരിച്ചടിക്ക് പാറത്തോട്ടിൽ പകരംവീട്ടി സി.പി.എം

പാ​റ​ത്തോ​ട്: പാ​റ​ത്തോ​ട് പ​ഞ്ചാ​യ​ത്തി​ൽ ന​ട​ന്ന സ്ഥി​രം​സ​മി​തി തെ​ര​ഞ്ഞെ​ടു​പ്പി​ൽ കേ​ര​ള കോ​ൺ​ഗ്ര​സി​നൊ​പ്പം പാറത്തോട് പഞ്ചായത്തിൽ പകരംവീട്ടി സി.പി.എംന്ന് സി.​പി.​ഐ അം​ഗ​ത്തെ പ​രാ​ജ​യ​പ്പെ​ടു​ത്തി.സി.​പി.​ഐ അം​ഗ​ത്തി​ന്‍റെ പി​ടി​വാ​ശി​മൂ​ലം എ​രു​മേ​ലി​യി​ൽ സി.​പി.​എ​മ്മി​ന് ഭ​ര​ണം ന​ഷ്ട​മാ​യ സം​ഭ​വ​ത്തി​ൽ ഉ​ട​ൻ തി​രി​ച്ച​ടി​യു​ണ്ടാ​വു​മെ​ന്ന് സി.​പി.​എം നേ​ര​ത്തേ വ്യ​ക്ത​മാ​ക്കി​യി​രു​ന്നു.

ആ​രോ​ഗ്യ വി​ദ്യാ​ഭ്യാ​സ സ്ഥി​രം​സ​മി​തി​യി​ലേ​ക്ക് ന​ട​ന്ന തെ​ര​ഞ്ഞെ​ടു​പ്പി​ൽ കേ​ര​ള കോ​ൺ​ഗ്ര​സി​നൊ​പ്പം ചേ​ർ​ന്നാ​ണ് സി.​പി.​ഐ അം​ഗ​ത്തെ സി.​പി.​എം പ​രാ​ജ​യ​പ്പെ​ടു​ത്തി​യ​ത്.ര​ണ്ട് ഒ​ഴി​വി​ലേ​ക്ക് ന​ട​ന്ന തെ​ര​ഞ്ഞെ​ടു​പ്പി​ൽ സി.​പി.​എ​മ്മി​ലെ ബീ​ന ജോ​സ​ഫും കേ​ര​ള കോ​ൺ​ഗ്ര​സ്​ എ​മ്മി​ലെ ഡ​യ​സ് മാ​ത്യു കോ​ക്കാ​ട്ടും സി.​പി.​ഐ​യി​ലെ ടി. ​രാ​ജ​നു​മാ​ണ് മ​ത്സ​രി​ച്ച​ത്.

ബീ​ന ജോ​സ​ഫി​നും ഡ​യ​സി​നും ഏ​ഴ്​ വീ​തം വോ​ട്ട്​ ല​ഭി​ച്ച​പ്പോ​ൾ സി.​പി.​ഐ അം​ഗ​ത്തി​ന് സി.​പി.​ഐ മെം​ബ​ർ​മാ​രു​ടെ മൂ​ന്ന്​ വോ​ട്ട്​ മാ​ത്ര​മാ​ണ് നേ​ടാ​നാ​യ​ത്. ആ​രോ​ഗ്യ വി​ദ്യാ​ഭ്യാ​സ, ക്ഷേ​മ​കാ​ര്യ സ്ഥി​രം​സ​മി​തി അ​ധ്യ​ക്ഷ സ്ഥാ​ന​ങ്ങ​ൾ പ​ര​സ്പ​രം വെ​ച്ചു​മാ​റാ​നാ​യി​രു​ന്നു എ​രു​മേ​ലി​യി​ലെ അ​വി​ശ്വാ​സ​ത്തി​ന് മു​മ്പ്​ സി.​പി.​ഐ, സി.​പി.​എം തീ​രു​മാ​നം. അ​വി​ശ്വാ​സ​ത്തി​ൽ തി​രി​ച്ച​ടി ഉ​ണ്ടാ​യ​തോ​ടെ ഈ ​ധാ​ര​ണ സി.​പി.​എം ഉ​പേ​ക്ഷി​ച്ച​താ​യാ​ണ് സൂ​ച​ന.

ഇ​ത​നു​സ​രി​ച്ച് ആ​രോ​ഗ്യ വി​ദ്യാ​ഭ്യാ​സ സ്ഥി​രം​സ​മി​തി അ​ധ്യ​ക്ഷ സ്ഥാ​നം സി.​പി.​എ​മ്മും ക്ഷേ​മ​കാ​ര്യ സ്ഥി​രം​സ​മി​തി അ​ധ്യ​ക്ഷ സ്ഥാ​നം കേ​ര​ള കോ​ൺ​ഗ്ര​സ് എ​മ്മും ഏ​റ്റെ​ടു​ക്കും. ഫ​ല​ത്തി​ൽ സി.​പി.​ഐ​ക്ക് സ്ഥി​രം​സ​മി​തി​ക​ൾ ഒ​ന്നും ല​ഭി​ക്കാ​നി​ട​യി​ല്ല.ഇ​ത് വ​രും​ദി​വ​സ​ങ്ങ​ളി​ൽ സി.​പി.​എം, സി.​പി.​ഐ പോ​ര് രൂ​ക്ഷ​മാ​ക്കാ​ൻ ഇ​ട​യാ​ക്കി​യേ​ക്കും.

അവിശ്വാസത്തിന് പിന്നാലെ സമൂഹമാധ്യമത്തിലൂടെ പഴിചാരൽ

എ​രു​മേ​ലി: കോ​ൺ​ഗ്ര​സ് കൊ​ണ്ടു​വ​ന്ന അ​വി​ശ്വാ​സ​ത്തി​ലൂ​ടെ എ​ൽ.​ഡി.​എ​ഫി​ന് പ​ഞ്ചാ​യ​ത്ത് ഭ​ര​ണം ന​ഷ്ട​മാ​യ​തി​നു പി​ന്നാ​ലെ സ​മൂ​ഹ​മാ​ധ്യ​മ​ത്തി​ലൂ​ടെ പ​ഴി​ചാ​ര​ൽ സ​ജീ​വം. ഇ​രു​മു​ന്ന​ണി​യി​ലെ​യും ചി​ല പ്ര​വ​ർ​ത്ത​ക​ർ പ​ര​സ്പ​രം പോ​ർ​വി​ളി ന​ട​ത്തു​മ്പോ​ൾ ഭ​ര​ണം ന​ഷ്ട​പ്പെ​ടാ​ൻ കാ​ര​ണം സ്വ​ന്തം പാ​ർ​ട്ടി​യി​ലെ ചി​ല​രു​ടെ പി​ടി​വാ​ശി​യാ​ണെ​ന്ന ത​ര​ത്തി​ലും പോ​സ്റ്റ​റു​ക​ൾ സ​മൂ​ഹ​മാ​ധ്യ​മ​ത്തി​ൽ പ്ര​ത്യ​ക്ഷ​പ്പെ​ട്ടു.

സ്വ​ത​ന്ത്ര​ന്‍റെ പി​ന്തു​ണ​യി​ൽ ഭ​ര​ണം തീ​രു​മാ​നി​ക്കു​ന്ന എ​രു​മേ​ലി പ​ഞ്ചാ​യ​ത്തി​ൽ ആ​ദ്യം മു​ത​ൽ സ്വ​ത​ന്ത്ര​ൻ യു.​ഡി.​എ​ഫി​നൊ​പ്പം ആ​യി​രു​ന്നു. എ​ന്നാ​ൽ, നി​ർ​ഭാ​ഗ്യം കൊ​ണ്ടാ​ണ് ഭ​ര​ണം എ​ൽ.​ഡി.​എ​ഫി​ൽ എ​ത്തി​യ​ത്. കോ​ൺ​ഗ്ര​സ് സ്വ​ത​ന്ത്ര​നെ കൂ​ടെ​നി​ർ​ത്തി അ​വി​ശ്വാ​സം കൊ​ണ്ടു​വ​രാ​ൻ ര​ണ്ടാം​ത​വ​ണ ന​ട​ത്തി​യ ശ്ര​മം ത​ക​ർ​ക്കാ​ൻ എ​ൽ.​ഡി.​എ​ഫ് ശ്ര​മി​ച്ചെ​ങ്കി​ലും പ​രാ​ജ​യ​പ്പെ​ട്ടു.സ്വ​ത​ന്ത്ര​ന് വൈ​സ് പ്ര​സി​ഡ​ന്റ് സ്ഥാ​നം ന​ൽ​കി ഒ​പ്പം നി​ർ​ത്താ​മെ​ന്ന​ത​ര​ത്തി​ൽ എ​ൽ.​ഡി.​എ​ഫി​ൽ ച​ർ​ച്ച ഉ​ണ്ടാ​യെ​ന്നും എ​ന്നാ​ൽ, സി.​പി.​ഐ അം​ഗം വൈ​സ് പ്ര​സി​ഡ​ന്റ് സ്ഥാ​നം രാ​ജി​വെ​ക്കാ​ൻ ത​യാ​റാ​യി​ല്ലെ​ന്നു​മാ​ണ് അ​ഭ്യൂ​ഹം.

ഇ​തി​നി​ടെ പ​ഞ്ചാ​യ​ത്ത് ജീ​വ​ന​ക്കാ​രി​യു​ടെ പ​രാ​തി​യി​ൽ കോ​ൺ​ഗ്ര​സി​ലെ ഒ​രം​ഗ​ത്തി​നെ​തി​രെ കേ​സെ​ടു​ത്തെ​ങ്കി​ലും പൊ​ലീ​സ് ത​ണു​പ്പ​ൻ ന​ട​പ​ടി സ്വീ​ക​രി​ച്ചെ​ന്ന ത​ര​ത്തി​ൽ എ​രു​മേ​ലി പൊ​ലീ​സി​നെ പ​ഴി​ചാ​രി​യും പോ​സ്റ്റ​റു​ക​ൾ പ്ര​ത്യ​ക്ഷ​പ്പെ​ട്ടു തു​ട​ങ്ങി.എ​ന്നാ​ൽ, പ​ഴി​ചാ​ര​ലും വാ​ച​ക​പ്ര​യോ​ഗ​ങ്ങ​ളും ആ​ഘോ​ഷ​മാ​ക്കു​ക​യാ​ണ് സ​മൂ​ഹ​മാ​ധ്യ​മം.