സി.പി.എം, ലീഗ്​ ബന്ധം: സമസ്തയിൽ ഭിന്നത മറനീക്കുന്നു

കോ​ഴി​ക്കോ​ട്​: സി.​പി.​എം, മു​സ്​​ലിം​ലീ​ഗ്​ പാ​ർ​ട്ടി​ക​ളോ​ട്​ സ്വീ​ക​രി​ക്കേ​ണ്ട സ​​മീ​പ​ന​ത്തെ​ച്ചൊ​ല്ലി സ​മ​സ്ത കേ​ര​ള ജം​ഇ​യ്യ​ത്തു​ൽ ഉ​ല​മ​യി​ൽ നി​ല​നി​ൽ​ക്കു​ന്ന അ​ഭി​പ്രാ​യ​ഭി​ന്ന​ത മ​റ​നീ​ക്കി പു​റ​ത്തു​വ​രു​ന്നു. സ​മ​സ്ത മ​ല​പ്പു​റം ജി​ല്ല സു​വ​ർ​ണ ജൂ​ബി​ലി സ​മ്മേ​ള​ന​ത്തി​ലെ ക​മ്യൂ​ണി​സ്റ്റ്​ വി​രു​ദ്ധ പ്ര​മേ​യ​ത്തെ ത​ള്ളി​യ സം​സ്ഥാ​ന അ​ധ്യ​ക്ഷ​ൻ ചൊ​വ്വാ​ഴ്ച കോ​ഴി​ക്കോ​ട്ടെ വാ​ർ​ത്ത​സ​മ്മേ​ള​ന​ത്തി​ൽ സ​മ​സ്ത​യെ മു​സ്​​ലിം​ലീ​ഗു​മാ​യി ബ​ന്ധി​പ്പി​ക്കു​ന്ന​തി​ലു​ള്ള നീ​ര​സം തു​റ​ന്നു പ്ര​ക​ടി​പ്പി​ച്ചു.

ക​മ്യൂ​ണി​സ​ത്തി​നെ​തി​രാ​യ ജി​ല്ല സ​മ്മേ​ള​ന​പ്ര​മേ​യം നി​രാ​ക​രി​ച്ച അ​ധ്യ​ക്ഷ​ൻ ജി​ഫ്​​രി മു​ത്തു​കോ​യ ത​ങ്ങ​ൾ, ലീ​ഗ്​ സ​മ​സ്ത​യു​ടേ​താ​ണെ​ന്നും സ​മ​സ്ത ലീ​ഗി​ന്‍റേ​താ​ണെ​ന്നു​മു​ള്ള സം​ഘ​ട​ന​യു​ടെ ഉ​പാ​ധ്യ​ക്ഷ​ൻ എം.​ടി. അ​ബ്​​ദു​ല്ല മു​സ്​​ലി​യാ​രു​ടെ നി​ല​പാ​ടും ത​ള്ളി​ക്ക​ള​ഞ്ഞു. സ​മു​ദാ​യ​ത്തി​ലെ മ​റ്റു സം​ഘ​ട​ന​ക​ളോ​ടു​ള്ള സ​മീ​പ​ന​ത്തി​ന്‍റെ കാ​ര്യ​ത്തി​ലും ഭി​ന്ന​സ്വ​ര​മു​ണ്ട്​. ശ​രീ​അ​ത്ത്​ വി​വാ​ദ​കാ​ല​ത്ത്​ സ​മു​ദാ​യ ഐ​ക്യ​ത്തി​ന്​ നേ​തൃ​ത്വം ന​ൽ​കി​യ പ​രേ​ത​നാ​യ ജ​ന​റ​ൽ സെ​​ക്ര​ട്ട​റി ഇ.​കെ. അ​ബൂ​ബ​ക്ക​ർ മു​സ്​​ലി​യാ​രു​ടെ പാ​ത​യി​ൽ​നി​ന്ന്​ വ്യ​തി​ച​ലി​ച്ച്, സ​മു​ദാ​യ​ത്തി​ന​ക​ത്തെ 'പു​ത്ത​ൻ ആ​ശ​യ​ക്കാ​രാ'​ണ്​ ഏ​റ്റ​വും വ​ലി​യ ഭീ​ഷ​ണി എ​ന്ന വാ​ദ​വു​മാ​യി ചി​ല നേ​താ​ക്ക​ൾ രം​ഗ​ത്തു​വ​ന്ന​ത്​ സം​ഘ​ട​ന​യി​ൽ പ്ര​തി​ഷേ​ധ​ത്തി​നി​ട​യാ​ക്കി​യി​രു​ന്നു.

അ​തി​നി​ട​യി​ലാ​ണ്​ പു​ത്ത​ൻ ആ​ശ​യ​ക്കാ​രു​ടെ പ​രി​പാ​ടി​യി​ൽ പോ​യി അ​ത്​ വി​ജ​യി​പ്പി​ക്കു​ന്ന പ​ണി സു​ന്നി​ക​ൾ ചെ​യ്യ​രു​തെ​ന്ന്​ ജി​ഫ്​​രി ത​ങ്ങ​ൾ മ​ല​പ്പു​റം സ​മ്മേ​ള​ന​ത്തി​ൽ മു​ന്ന​റി​യി​പ്പു ന​ൽ​കി​​യ​ത്. ഇ​ത്​ മു​സ്​​ലിം ലീ​ഗ്​ നേ​താ​ക്ക​ൾ​ക്കെ​തി​രാ​യാ​ണെ​ന്നാ​ണ്​ വി​ല​യി​രു​ത്ത​ൽ. രാ​ഷ്ട്രീ​യ പാ​ർ​ട്ടി​യി​ൽ ആ​ളെ ചേ​ർ​ക്ക​ല​ല്ല സ​മ​സ്ത​യു​ടെ പ​ണി​യെ​ന്ന്​ ചൊ​വ്വാ​ഴ്ച വാ​ർ​ത്ത​സ​മ്മേ​ള​ന​ത്തി​ലും ആ​വ​ർ​ത്തി​ച്ച​തി​ലൂ​ടെ നി​ല​പാ​ടി​ൽ മാ​റ്റ​മി​ല്ലെ​ന്ന സ​ന്ദേ​ശ​മാ​ണ്​ ജി​ഫ്​​രി ത​ങ്ങ​ൾ ന​ൽ​കു​ന്ന​ത്.

വ​ഖ​ഫ്​ വി​ഷ​യ​ത്തി​ൽ മു​സ്​​ലിം സം​ഘ​ട​ന​ക​ളു​ടെ യോ​ഗം വി​ളി​ച്ച്​ പ​രി​ഹാ​ര​മു​ണ്ടാ​ക്കു​മെ​ന്ന മു​ഖ്യ​മ​ന്ത്രി​യു​ടെ ഉ​റ​പ്പ്​ ഉ​യ​ർ​ത്തി​ക്കാ​ട്ടി പ്ര​തി​ഷേ​ധ പ​രി​പാ​ടി​ക​ളി​ൽ​നി​ന്ന്​ സ​മ​സ്ത പി​ന്മാ​റു​ന്ന​താ​യി ജി​ഫ്​​രി ത​ങ്ങ​ൾ പ്ര​ഖ്യാ​പി​ച്ച​ത് സി.​പി.​എം വി​ധേ​യ​ത്വ​മാ​ണെ​ന്ന വി​മ​ർ​ശ​നം സം​ഘ​ട​ന​പ്ര​വ​ർ​ത്ത​ക​ർ സ​മൂ​ഹ​മാ​ധ്യ​മ​ങ്ങ​ളി​ലു​യ​ർ​ത്തി​യി​രു​ന്നു. സ​ർ​ക്കാ​ർ ഇ​ക്കാ​ര്യ​ത്തി​ൽ തു​ട​ർ​ന​ട​പ​ടി സ്വീ​ക​രി​ക്കാ​തി​രു​ന്നി​ട്ടും പ്ര​തി​ഷേ​ധി​ക്കാ​ൻ ത​യാ​റാ​കാ​ത്ത​തി​ലും സം​ഘ​ട​ന​ക്ക​ക​ത്ത്​ അ​മ​ർ​ഷ​മു​ണ്ട്. വ​ഖ​ഫ്​ വി​ഷ​യ​ത്തി​ൽ സ​ർ​ക്കാ​ർ നി​ല​പാ​ടി​നെ വി​മ​ർ​ശി​ച്ചും സ​മ​സ്ത​ക്ക്​ ന​ൽ​കി​യ ഉ​റ​പ്പ്​ പാ​ലി​ക്ക​ണ​മെ​ന്നാ​വ​ശ്യ​പ്പെ​ട്ടും സ​മ​സ്ത പോ​ഷ​ക​സം​ഘ​ട​ന​യാ​യ മ​ഹ​ല്ല്​ ഫെ​ഡ​റേ​ഷ​ൻ ക​ഴി​ഞ്ഞ​ദി​വ​സം രം​ഗ​ത്തു​വ​ന്നി​രു​ന്നു.