‘‘സ്പ്രിൻക്ലർ ഇടപാട്​ അസാധാരണമായ സാഹചര്യത്തിലെടുത്ത അസാധാരണ നടപടി’’

തിരുവനന്തപുരം: സ്പ്രിൻക്ലറുമായുള്ള കരാർ സംബന്ധിച്ച വിഷയത്തിലെ ശരി തെറ്റുകൾ കോവിഡ്​ നിയന്ത്രിച്ച ശേഷം വിശദ മായി ചർച്ച ചെയ്യാമെന്ന്​ സി.പി.എം പോളിറ്റ്​ ബ്യൂറോ അംഗം എസ്​. രാമചന്ദ്രൻ പിള്ള.

അസാധാരണമായ സാഹചര്യത്തിലെ ടുത്ത അസാധാരണ നടപടിയാണ്​ സ്പ്രിൻക്ലർ ഇടപാടിൽ സർക്കാർ കൈക്കൊണ്ടത്​​​. ഉത്തമ വിശ്വാസത്തിലാണ്​ ഈ നടപടികൾ സർക്ക ാർ നടപ്പാക്കിയത്​. സാധാരണ നില പുനഃസ്ഥാപിക്കപ്പെടുമ്പോൾ ശരി തെറ്റുകൾ ഉൾപ്പെടെ എല്ലാം പരിശോധിക്കാം. ഇനി ഇത്തരമൊരു സ്ഥിതിവിശേഷം വന്നാൽ ഏതെല്ലാം നടപടിക്രമങ്ങളാണ്​ പാലിക്കേണ്ടതെന്നും പരിശോധിക്കാം. സാധാരണ നിലയിലെ സ്വകാര്യത സംബന്ധിച്ചിട്ടുള്ള വിഷയവും അസാധാരണ നിലയിലെ സ്വകാര്യത സംബന്ധിച്ചിട്ടുള്ള വിഷയവും രണ്ടും രണ്ടാണെന്നും രാമചന്ദ്രൻ പിള്ള അഭിപ്രായപ്പെട്ടു.​

ലോകത്താകമാനംപടർന്നു പിടിച്ച കോവിഡ്​ എന്ന മഹാമാരിയെ ഫലപ്രദമായി നിയന്ത്രിക്കാൻ സംസ്ഥാന സർക്കാറിന്​ സാധിച്ചു​വെന്നും. ലോകത്താകമാനമുള്ള ജനത സംസ്ഥാന സർക്കാറിൻെറ നടപടികളെ ശ്ലാഘിച്ചിട്ടുണ്ടെന്നും അദ്ദേഹം വ്യക്തമാക്കി. കേരളത്തിൽ ഉത്തരവാദിത്തമുള്ള പ്രതിപക്ഷം കോവിഡ്​ പ്രതിരോധത്തിൽ സംസ്ഥാന സർക്കാറിൻെറ നടപടികളെ പിന്തുണക്കുകയാണ്​ വേണ്ടത്​. അത്തരമൊരു നിലപാട്​ അവർ സ്വീകരിക്കുന്നില്ലെന്നും രാമചന്ദ്രൻ പിള്ള കുറ്റപ്പെടുത്തി.

അസാധാരണമായ പരിതസ്ഥിതിയെ നേരിടുന്നതിന്​ സർക്കാർ അതിവേഗത്തിൽ നടപടികളെടുത്തു, രോഗ ബാധിതരുടെ വിവരം ശേഖരിക്കാനും വിശകലനം ചെയ്യുവാനും നടപടികളെട​ുത്തു. അതിനായി അടിയന്തരമായി സർക്കാറിൻെറ ശ്രദ്ധയിലുണ്ടായിരുന്ന സ്ഥാപനത്തെ ഈ കാര്യങ്ങൾ നിർവഹിക്കുന്നതിനായി ഏൽപിച്ചു. അത്​ ഉത്തമ വിശ്വാസത്തോടെ സർക്കാർ എട​ുത്ത ഒരു നടപടിയാണെന്നും അദ്ദേഹം പറഞ്ഞു.