Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമാവേലിക്കരയിൽ സി.പി.എം ...

മാവേലിക്കരയിൽ സി.പി.എം നേതാവ്​ ബി.ജെ.പി സ്ഥാനാർഥി

text_fields
bookmark_border
മാവേലിക്കരയിൽ സി.പി.എം നേതാവ്​ ബി.ജെ.പി സ്ഥാനാർഥി
cancel

ആലപ്പുഴ: സംവരണ മണ്ഡലമായ മാവേലിക്കരയിൽ സി.പി.എം അംഗവും മുൻ ഭരണിക്കാവ്​ ബ്ലോക്ക്​ പഞ്ചായത്ത്​ അംഗവും ഡി.വൈ.എഫ്​.ഐ നേതാവുമായ കെ. സഞ്​ജു ബി.ജെ.പി സ്ഥാനാർഥി.

തദ്ദേശ തെരഞ്ഞെടുപ്പിൽ ചുനക്കര പഞ്ചായത്തിൽ സി.പി.എം സ്ഥാനാർഥിയായി തോറ്റശേഷം അപ്രതീക്ഷിതമായി ബി.ജെ.പി സ്ഥാനാർഥിയായത്​ സി.പി.എമ്മിനെ ​െഞട്ടിച്ചിരിക്കുകയാണ്​. ആറുവർഷം ഡി.വൈ.എഫ്​.ഐ ചാരുമൂട്​ ഏരിയ സെക്രട്ടറിയും മൂന്നുവർഷം ജില്ല കമ്മിറ്റി അംഗവുമായിരുന്നു.

10 വർഷമായി സി.പി.എം ചുനക്കര ലോക്കൽ കമ്മിറ്റി അംഗമാണ്​. ചുനക്കര നടുവിൽ ശ്യാംനിവാസ് വീട്ടിലാണ്​ താമസം. എസ്.എഫ്.ഐ ചുനക്കര യൂനിറ്റ് ഭാരവാഹിയായാണ്​ പൊതുരംഗത്ത്​ എത്തിയത്​. വ്യാപാരി വ്യവസായി ചാരുംമൂട് ഏരിയ സെക്രട്ടറി, ചുനക്കര സർവിസ് സഹകരണ സംഘം ബോർഡ്‌ മെംബർ ചുമതലകൾ വഹിച്ചിട്ടുണ്ട്.

കെ.പി.എം.എസ് ചുനക്കര നടുവിൽ കിഴക്ക് ശാഖ മുൻ സെക്രട്ടറിയാണ്​. അതേസമയം, സി.പി.എം ചുനക്കര നടുവിൽ കിഴക്ക് എ ബ്രാഞ്ച്​ അംഗമായ കെ. സഞ്​ജുവിനെ പാർട്ടി അംഗത്വത്തിൽനിന്ന് പുറത്താക്കിയതായി ചാരുംമുട് ഏരിയ സെക്രട്ടറി ബി. ബിനു അറിയിച്ചു.

Show Full Article
TAGS:assembly election 2021 CPM BJP candidate 
News Summary - CPM leader BJP candidate in Mavelikkara
Next Story