Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightന്യൂനപക്ഷങ്ങളെ...

ന്യൂനപക്ഷങ്ങളെ അടുപ്പിക്കാൻ​​ പുതിയ വേദിയുമായി സി.പി.എം; കെ.ടി. ജലീലിന്​ ചുമതല

text_fields
bookmark_border
ന്യൂനപക്ഷങ്ങളെ അടുപ്പിക്കാൻ​​ പുതിയ വേദിയുമായി സി.പി.എം; കെ.ടി. ജലീലിന്​ ചുമതല
cancel

കോ​​ഴിക്കോട്​: ന്യൂനപക്ഷങ്ങളെ സി.പി.എമ്മിനോടൊപ്പം നിർത്താൻ കെ.ടി. ജലീലിന്​ പുതിയ ചുമതല. മുസ്​ലിം ലീഗിൽനിന്നും കോൺഗ്രസിൽനിന്നും വിഘടിച്ചു നിൽക്കുന്നവരെയും അസംതൃപ്​തരെയും പാർട്ടി പ്ലാറ്റ്​​േഫാമിലെത്തിക്കുന്നതിന്​ 'മുഖ്യധാര റീ​േഡ​ഴ്​സ്​ ഫോറം' എന്ന പേരിൽ വേദി രൂപവത്​കരിച്ച്​ പ്രവർത്തിക്കാനാണ്​ സി.പി.എം നേതൃത്വം പദ്ധതിയിട്ടിരിക്കുന്നത്​. ഇതി​‍െൻറ ചുമതലയാണ്​ ജലീലിന്​ നൽകിയത്​.

2012ൽ പാർട്ടിയുടെ ആശിർവാദത്തോടെ ജലീലി​ന്‍റെ പത്രാധിപത്യത്തിൽ മുഖ്യധാര ത്രൈ മാസികയായി പ്രസിദ്ധീകരണം ആരംഭിച്ചിരുന്നു. അന്നത്തെ സി.പി.എം സംസ്​ഥാന സെക്രട്ടറി പിണറായി വിജയനാണ്​ പ്രകാശനം നിർവഹിച്ചത്​. എന്നാൽ, ജലീൽ മന്ത്രിയായതോടെ പ്രസിദ്ധീകരണം മുടങ്ങി. ഇപ്പോൾ പുനരാരംഭിച്ച്​ അതി​‍െൻറ പേരിൽ റീഡേഴ്​സ്​ ഫോറം രുപവൽക്കരിക്കാനാണ് പാർട്ടി തീരുമാനം. ഇത്​ സംബന്ധിച്ച്​ സംസ്​ഥാന കമ്മിറ്റി കീഴ്​ഘടകങ്ങൾക്ക്​ സർക്കുലർ അയച്ചതായി അറിയുന്നു.

ഇതി​‍െൻറ അടിസ്​ഥാനത്തിൽ റീഡേഴ്​സ്​ ഫോറത്തിന്​ സംസ്​ഥാന, ജില്ല, മണ്ഡലം, പഞ്ചായത്ത്​ തലങ്ങളിൽ വരെ കമ്മറ്റികൾ രൂപവത്​കരിക്കും. സാമൂഹ്യ സാംസ്​കാരിക രംഗത്ത്​ സജീവ സാന്നിധ്യമാക്കി ഉയർത്തിക്കൊണ്ടുവരാനും ന്യൂനപക്ഷ വിഭാഗങ്ങളിൽ പാർട്ടിക്ക്​ സ്വീകാ​ര്യത വർധിപ്പിക്കാനുമാണ്​ ഇതിലൂടെ​ സിപിഎം ലക്ഷ്യമിടുന്നത്​. അതോടൊപ്പം ലീഗിലേയും കോൺഗ്രസിലെയും വിഘടിച്ചു നിൽക്കുന്നവരെ ഭാരവാഹിത്വം നൽകി ഫോറത്തി​‍െൻറ നേതൃത്വത്തിലേക്ക്​ കൊണ്ട്​ വരാനും പരിപാടിയുണ്ടെന്ന്​ അറിയുന്നു. മതവിശ്വാസികൾക്കിടയിലേക്ക്​ നേരിട്ട്​ കടന്നു ചെല്ലാനുള്ള വേദിയായും ഫോറത്തെ ഉപയോഗപ്പെടുത്തും.

മുഖ്യധാര റീഡേഴ്​സ്​ ​േഫാറം രൂപവത്​കരണത്തെ കുറിച്ച്​ ചോദിച്ചപ്പോൾ ഇത്​ സംബന്ധിച്ച്​ പാർട്ടിയിൽ നിന്ന്​ ഔദ്യോഗിക അറിയിപ്പൊന്നും ലഭിച്ചിട്ടില്ലെന്നാണ്​ ജലീൽ പതികരിച്ചത്​. അറിയിപ്പ്​ ലഭിക്കുന്ന മുറക്ക്​ സ​േന്താഷത്തോടെ ഉത്തരവാദിത്വം ഏറ്റെടുക്കും. ജനപ്രതിനിധികളായ പി.ടി.എ റഹീം, വി. അബ്​ദുറഹിമാൻ, പി.വി. അൻവർ തുടങ്ങിയവരുടെയൊക്കെ സേവനം റീഡേഴ്​സ്​ ഫോറത്തി​‍െൻറ സംഘാടനത്തിനും പ്രചാരണത്തിനും​ ഉപയോഗപ്പെടുത്തുമെന്നും ജലീൽ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:minorityKT JaleelCPMmukhyadhara
News Summary - CPM launches new platform for minorities In charge of K.T. Jaleel
Next Story