വി.എൻ. വാസവൻ സി.പി.എം കോട്ടയം ജില്ല സെക്രട്ടറിയായി തുടരും

കോട്ടയം: സി.പി.എം ജില്ല സെക്രട്ടറിയായി വി.എൻ. വാസവൻ വീണ്ടും തെരഞ്ഞെടുക്കപ്പെട്ടു. അഞ്ച് പുതുമുഖങ്ങൾ ഉൾപ്പെടെ 37 അംഗ ജില്ല കമ്മിറ്റിയെയും കോട്ടയത്ത്​ നടന്ന ജില്ല സമ്മേളനം തെരഞ്ഞെടുത്തു. എസ്​.എഫ്​.​െഎ സംസ്ഥാന പ്രസിഡൻറ്​ ജെയ്​ക്​ സി​. തോമസ്​, ഡി.വൈ.എഫ്​.​െഎ ജില്ല സെക്രട്ടറി പി.എൻ. ബിനു, മഹിള അസോസിയേഷൻ ജില്ല സെക്രട്ടറി തങ്കമ്മ ജോർജ്​​കുട്ടി, ഏറ്റുമാനൂര്‍ ഏരിയ സെക്രട്ടറി കെ.എന്‍. വേണുഗോപാൽ, ചങ്ങനാശ്ശേരി എരിയ സെക്രട്ടറി കെ.സി. ജോസഫ്​ എന്നിവരാണ്​ പുതിയതായി എത്തിയത്. പൂഞ്ഞാറിലെ എൽ.ഡി.എഫ്​ സ്ഥാനാർഥിയുടെ തോൽവിയുടെ പേരിൽ നടപടിക്ക്​ വിധേയനായ വി.പി. ഇബ്രാഹിമിനെ കമ്മിറ്റിയിലേക്ക്​ തിരി​ച്ചെടുത്തു. അച്ചടക്കനടപടിക്ക്​ വിധേയനായ ആളെ ​വീണ്ടും ഉൾപ്പെടുത്തിയത്​ വിവാദത്തിനും തുടക്കമിട്ടിട്ടുണ്ട്​. എന്നാൽ, അദ്ദേഹത്തി​​​​െൻറ ജനകീയതയാണ്​ ഒൗദ്യോഗികപക്ഷം ചൂണ്ടിക്കാട്ടുന്നത്​.

എതിർപ്പ്​ ഉയരുമെന്ന്​ കണ്ടതിനെത്തുടർന്ന്​ എരിയ കമ്മിറ്റിയിലേക്ക്​ മത്സരിച്ച്​ തോറ്റ ചിലരെ ജില്ല കമ്മിറ്റിയിൽ ഉൾപ്പെടുത്താനുള്ള തീരുമാനത്തിൽനിന്ന്​ നേതൃത്വം പിന്മാറി. മത്സരത്തിനുള്ള  സാഹചര്യം ഒഴിവാക്കണമെന്ന്​ സംസ്ഥാന സെക്രട്ടറി കോടിയേരി ബാലകൃഷ്​ണനും നിർദേശിച്ചു. ഇതോടെ ഇവരില്ലാതെ പാനൽ അവതരിപ്പിക്കുകയും ​​െഎകകണ്​​​േഠ്യന അംഗീകരിക്കുകയുമായിരുന്നു. നിലവിലെ 33 അംഗ ജില്ല കമ്മിറ്റി​ 37 ആക്കി ഉയർത്തി.  

പ്രായാധിക്യത്തെ തുടര്‍ന്ന്‌ വി.ആർ. ഭാസ്​കരനെയും പുതുപ്പള്ളിയിൽനിന്നുള്ള  കെ.സി. ജോസഫിനെയും ഒഴിവാക്കി. എന്നാൽ, പുതുപ്പള്ളി എരിയ കമ്മിറ്റി തെരഞ്ഞെടുപ്പിൽ വി.എൻ. വാസവ​​​​െൻറ അടുപ്പക്കാരനുമായ മുന്‍ ഏരിയ സെക്രട്ടറി ഇ.എസ്‌. സാബു പരാജയപ്പെട്ടതി​​​​െൻറ ​പ്രതികാരമായാണ്​ ജോസഫിനെ ഒഴിവാക്കിയതെന്ന്​ ഒരുവിഭാഗം ആക്ഷേപം ഉയർത്തുന്നുണ്ട്​.പാമ്പാടി സ്വദേശിയായ വി.എൻ. വാസവൻ തുടർച്ചയായ രണ്ടാംതവണയാണ്​ ജില്ല സെക്രട്ടറിയാകുന്നത്​. സംസ്ഥാന സെക്ര​േട്ടറിയറ്റ്​ അംഗമായി തെരഞ്ഞെടുക്ക​െപ്പട്ടതിനെ തുടർന്ന്​  കെ.ജെ. തോമസ്​ സ്ഥാനം ഒഴിഞ്ഞതോടെയാണ്​ കഴിഞ്ഞ സമ്മേളനത്തിൽ സെക്രട്ടറിയാകുന്നത്​. വിദ്യാർഥി രാഷ്​ട്രീയത്തിലൂ​െട​ പൊതുപ്രവർത്തനരംഗത്ത്​ സജീവമായ വാസവൻ 2006ൽ കോട്ടയത്തുനിന്ന്​ നിയമസഭയിലേക്ക്​ തെരഞ്ഞെടുക്കപ്പെട്ടിരുന്നു.