അഴിമതിക്കെതിരെ പ്രതികരിച്ച കൗൺസിലർമാരെ സി.പി.എം പുറത്താക്കിയത്​​ തിരിഞ്ഞുകൊത്തുമെന്ന്​ പ്രവർത്തകർ

കാ​യം​കു​ളം: കാ​യം​കു​ളം നഗരസഭയിലെ അ​ഴി​മ​തി​ക്കെ​തി​രെ പ്ര​തി​ക​രി​ച്ച കൗ​ൺ​സി​ല​ർ​മാ​രെ പു​റ​ത്താ​ക്കി​യ​ത്​ തെ​ര​ഞ്ഞെ​ടു​പ്പ് പ​ടി​വാ​തി​ൽ​ക്ക​ൽ എ​ത്തി​യ സ​മ​യ​ത്ത് തി​രി​ഞ്ഞു​കൊ​ത്തു​മെ​ന്ന അ​ഭി​​പ്രാ​യം സി.​പി.​എ​മ്മി​ൽ സ​ജീ​വ​മാ​കു​ന്നു. സി.​പി.​എം പാ​ർ​ല​മ​െൻറ​റി പാ​ർ​ട്ടി ലീ​ഡ​റും ഏ​രി​യ ക​മ്മി​റ്റി അം​ഗ​വു​മാ​യ എ​സ്. കേ​ശു​നാ​ഥ്, ലോ​ക്ക​ൽ ക​മ്മി​റ്റി അം​ഗ​വും ഫ്രാ​ക്​​ഷ​ൻ ലീ​ഡ​റു​മാ​യ എ. ​അ​ബ്​​ദു​ൽ ജ​ലീ​ൽ, ബ്രാ​ഞ്ച് സെ​ക്ര​ട്ട​റി​കൂ​ടി​യാ​യ അ​ബ്​​ദു​ൽ മ​നാ​ഫ്, റ​ജി​ല നാ​സ​ർ, അ​നി​ത ഷാ​ജി, സു​ഷ​മ അ​ജ​യ​ൻ തു​ട​ങ്ങി​യ​വ​ർ​ക്കെ​തി​രെ കഴിഞ്ഞദിവസം എടുത്ത ന​ട​പ​ടി​യാ​ണ് വി​വാ​ദ​മാ​കു​ന്ന​ത്. 

മൂ​ന്നു​വ​ർ​ഷ​ത്തെ അ​ഴി​മ​തി അ​ക്ക​മി​ട്ട് നി​ര​ത്തി​യ ഒാ​ഡി​റ്റ് റി​പ്പോ​ർ​ട്ട് ച​ർ​ച്ച ചെ​യ്യാ​ൻ ചേ​ർ​ന്ന കൗ​ൺ​സി​ൽ ത​ന്ത്ര​പ​ര​മാ​യി പി​രി​ച്ചു​വി​ട്ട​തി​നെ​തി​രെ പ​ര​സ്യ നി​ല​പാ​ട് സ്വീ​ക​രി​ച്ച​താ​ണ് ന​ട​പ​ടി​ക്ക് കാ​ര​ണ​മാ​യ​ത്. യു.​ഡി.​എ​ഫ്-​ബി.​ജെ.​പി കൗ​ൺ​സി​ല​ർ​മാ​ർ വ​രെ പു​റ​ത്തു​പോ​യി​ട്ടും കൗ​ൺ​സി​ൽ ഹാ​ളി​നു​ള്ളി​ൽ​ത​ന്നെ​യി​രു​ന്ന ഇ​വ​രു​ടെ പ്ര​തി​ഷേ​ധം ശ്ര​ദ്ധ നേ​ടി​യി​രു​ന്നു.  ഇ​വ​ർ​ക്കൊ​പ്പ​മു​ണ്ടാ​യി​രു​ന്ന മ​റ്റ് മൂ​ന്ന് കൗ​ൺ​സി​ല​ർ​മാ​രെ മാ​പ്പു​സാ​ക്ഷി​യാ​ക്കി​യാ​ണ് അ​ന്വേ​ഷ​ണ റി​പ്പോ​ർ​ട്ട് ത​യാ​റാ​ക്കി​യ​ത്. 

അ​തേ​സ​മ​യം, പാ​ർ​ല​മ​െൻറ​റി പാ​ർ​ട്ടി​കൂ​ടി വി​ഷ​യ​ത്തി​ൽ നി​ല​പാ​ട് സ്വീ​ക​രി​ക്കാ​തി​രു​ന്ന​താ​ണ് ഹാ​ളി​ൽ ഇ​രി​ക്കാ​ൻ കാ​ര​ണ​മാ​യ​തെ​ന്ന​താ​യി​രു​ന്നു ഇ​വ​രു​ടെ വി​ശ​ദീ​ക​ര​ണം. പാ​ർ​ല​മ​െൻറ​റി പാ​ർ​ട്ടി ലീ​ഡ​റെ വ​രെ നോ​ക്കു​കു​ത്തി​യാ​ക്കി​യ സ്ഥി​തി​യാ​ണെ​ന്ന ആ​ക്ഷേ​പ​വും ഉ​ന്ന​യി​ച്ചി​രു​ന്നു. സി.​പി.​എ​മ്മി​െൻറ പ്ര​തി​ച്ഛാ​യ ത​ക​ർ​ക്കു​ന്ന അ​ഴി​മ​തി​ക​ളാ​ണ് ഉ​ദ്യോ​ഗ​സ്ഥ​ർ ന​ട​ത്തു​ന്ന​തെ​ന്നാ​യി​രു​ന്നു പ്ര​ധാ​ന ആ​ക്ഷേ​പം. ഭ​ര​ണ​വീ​ഴ്ച​ക​ൾ​ക്കെ​തി​രെ കേ​ശു​നാ​ഥ്, ജ​ലീ​ൽ, മ​നാ​ഫ് എ​ന്നി​വ​ർ കൗ​ൺ​സി​ലി​ൽ പ​ര​സ്യ​മാ​യ പ്ര​തി​ക​ര​ണ​വും ന​ട​ത്തി. 

കൈ​ക്കൂ​ലി വാ​ങ്ങു​ന്ന​തി​നി​ടെ ന​ഗ​ര​സ​ഭ എ​ൻ​ജി​നീ​യ​ർ വി​ജി​ല​ൻ​സ് പി​ടി​യി​ലാ​യ വി​ഷ​യം കൗ​ൺ​സി​ലി​ൽ ച​ർ​ച്ച ചെ​യ്യ​ണ​മെ​ന്ന ആ​വ​ശ്യ​ത്തെ ചൊ​ല്ലി ജ​ലീ​ലും ചെ​യ​ർ​മാ​നാ​യ സി.​പി.​എം ജി​ല്ല ക​മ്മി​റ്റി അം​ഗം എ​ൻ. ശി​വ​ദാ​സ​നും ത​മ്മി​ൽ പ​ര​സ്യ വാ​ദ​പ്ര​തി​വാ​ദം ന​ട​ന്ന​തും ഒൗ​ദ്യോ​ഗി​ക​പ​ക്ഷ​ത്തെ ചൊ​ടി​പ്പി​ച്ചി​രു​ന്നു. 

കോ​ടി​ക​ളു​ടെ അ​ഴി​മ​തി ആ​രോ​പ​ണ​മു​യ​ർ​ന്ന സ്വ​കാ​ര്യ​ബ​സ്​ സ്​​റ്റാ​ൻ​ഡ്​ വി​ഷ​യ​ത്തി​ൽ ഇ​വ​ർ സ്വീ​ക​രി​ച്ച നി​ല​പാ​ടും ന​ട​പ​ടി​ക്ക്​ കാ​ര​ണ​മാ​യ​താ​യി ചൂ​ണ്ടി​ക്കാ​ണി​ക്ക​പ്പെ​ടു​ന്നു.  പ്ര​ബ​ല വി​ഭാ​ഗ​ത്തി​െൻറ എ​തി​ർ​പ്പി​നെ അ​വ​ഗ​ണി​ച്ചു​ള്ള ന​ട​പ​ടി​യി​ൽ ജി​ല്ല ക​മ്മി​റ്റി​യു​ടെ​യും കീ​ഴ്ഘ​ട​ക​ങ്ങ​ളു​ടെ​യും നി​ല​പാ​ട് പ്ര​വ​ർ​ത്ത​ക​ർ ഉ​റ്റു​നോ​ക്കു​ക​യാ​ണ്. അ​തേ​സ​മ​യം, തെ​ര​ഞ്ഞെ​ടു​പ്പ് അ​ടു​ത്തി​രി​ക്കു​ന്ന സ​മ​യ​ത്ത് അ​നാ​വ​ശ്യ വി​വാ​ദ​മു​ണ്ടാ​ക്കി വി​ഭാ​ഗീ​യ​ത രൂ​ക്ഷ​മാ​ക്കി​യ​തി​ലും പാ​ർ​ട്ടി​ക്കു​ള്ളി​ൽ അ​സം​തൃ​പ്തി പു​ക​യു​ക​യാ​ണ്.