വിവാദമായി ലാലൂരിലെ തോട്:അടച്ചുകെട്ടിയുള്ള നിർമാണത്തിന് പാർട്ടിയുടെ ‘സ്​റ്റോപ്പ് മെമ്മോ’

തൃ​ശൂ​ര്‍: നി​യ​ന്ത്ര​ണ​മി​ല്ലാ​തെ നീ​ങ്ങി​യി​രു​ന്ന കോ​ർ​പ​റേ​ഷ​ൻ ഭ​ര​ണ​ത്തി​ൽ നേ​രി​ട്ട് ഇ​ട​പെ​ട്ട് സി.​പി.​എം നേ​തൃ​ത്വം. വി​വാ​ദ​മാ​യ ലാ​ലൂ​ര്‍ ഡി​വി​ഷ​നി​ലെ തോ​ട് അ​ട​ച്ചു​കെ​ട്ടി​യു​ള്ള റോ​ഡ് നി​ർ​മാ​ണ പ്ര​വൃ​ത്തി നി​ർ​ത്തി​വെ​ക്കാ​ൻ പാ​ർ​ട്ടി നി​ർ​​ദേ​ശി​ച്ചു. സം​ഭ​വ​ത്തി​ൽ വി​ശ​ദ അ​ന്വേ​ഷ​ണ​വും പാ​ർ​ട്ടി തീ​രു​മാ​നി​ച്ചു. സി.​പി.​എം കോ​ർ​പ​റേ​ഷ​ൻ സ​ബ് ക​മ്മി​റ്റി യോ​ഗ​ത്തി​ലാ​ണ് തീ​രു​മാ​നം. സം​സ്ഥാ​ന നേ​താ​ക്ക​ളും ജി​ല്ല സെ​ക്ര​ട്ട​റി​യ​ട​ക്ക​മു​ള്ള​വ​രും പ​ങ്കെ​ടു​ത്ത യോ​ഗ​ത്തി​ലേ​ക്ക് കോ​ർ​പ​റേ​ഷ​നി​ലെ സി.​പി.​എം ചു​മ​ത​ല​യു​ള്ള ജി​ല്ല ക​മ്മി​റ്റി​യം​ഗം വ​ർ​ഗീ​സ് ക​ണ്ടം​കു​ള​ത്തി​യെ​യും ഏ​രി​യ ക​മ്മി​റ്റി​യം​ഗം അ​നൂ​പ് ഡേ​വീ​സ് കാ​ട​യെ​യും വി​ളി​ച്ചു​വ​രു​ത്തി.

വെ​ള്ളി​യാ​ഴ്ച ചേ​രു​ന്ന കൗ​ൺ​സി​ൽ യോ​ഗ​ത്തി​ൽ ഇ​ക്കാ​ര്യം ച​ർ​ച്ച​ക്ക് വ​രും. ക​ഴി​ഞ്ഞ യോ​ഗ​ത്തി​ൽ വി​ഷ​യ​ത്തി​ൽ ഭ​ര​ണ​പ​ക്ഷ​ത്തു​നി​ന്നും എ​തി​ർ​പ്പു​യ​ർ​ന്നി​രു​ന്നു. സ്വ​കാ​ര്യ വ്യ​ക്തി​ക്ക് മാ​ത്രം ഗു​ണ​ക​ര​മാ​കും​വി​ധം പ്ലാ​ന്‍ ഫ​ണ്ടി​ല്‍ ഉ​ള്‍പ്പെ​ടു​ത്തി​യ പ​ദ്ധ​തി​ക്ക് ഓ​ണ്‍ഫ​ണ്ടി​ല്‍നി​ന്ന്​ തു​ക അ​നു​വ​ദി​ച്ച​താ​ണ് വി​വാ​ദ​മാ​യ​ത്. തോ​ട് സം​ര​ക്ഷ​ണ​പ​ദ്ധ​തി എ​ന്ന നി​ല​യി​ൽ രൂ​പം ന​ൽ​കി​യ പ​ദ്ധ​തി​യി​ൽ തോ​ട് അ​ട​ച്ചു​ള്ള റോ​ഡ് നി​ർ​മാ​ണ​മാ​ണ്​ ന​ട​ത്തി​യ​ത്.

പ്ലാ​ൻ ഫ​ണ്ടി​ൽ​നി​ന്ന്​ 55 ല​ക്ഷം അ​നു​വ​ദി​ച്ച് മു​ൻ​കൂ​ർ അ​നു​മ​തി ന​ൽ​കി​യി​രു​ന്നു. കൂ​ടാ​തെ ഓ​ൺ​ഫ​ണ്ടി​ൽ​നി​ന്നും 51 ല​ക്ഷം കൂ​ടി അ​നു​വ​ദി​ച്ചു. നേ​ര​ത്തെ ഭ​ര​ണ​വു​മാ​യി ബ​ന്ധ​പ്പെ​ട്ട് ഏ​റെ വി​വാ​ദ​ങ്ങ​ളും പ​രാ​തി​ക​ളും ഉ​യ​ർ​ന്നി​രു​ന്നു​വെ​ങ്കി​ലും സി.​പി.​എം നേ​രി​ട്ട്​ ഇ​ട​പെ​ട്ടി​രു​ന്നി​ല്ല. ആ​ദ്യ​മാ​യി​ട്ടാ​ണ് നേ​തൃ​ത്വം ഗൗ​ര​വ​ക​ര​മാ​യി വി​ഷ​യ​ത്തി​ൽ ഇ​ട​പെ​ട്ട് നി​ർ​ദേ​ശം ന​ൽ​കു​ന്ന​ത്. തെ​ര​ഞ്ഞെ​ടു​പ്പ് അ​ടു​ത്ത സാ​ഹ​ച​ര്യ​ത്തി​ലാ​ണി​തെ​ന്നാ​ണ്​ സൂ​ച​ന.