സി.പി.എം: തെറ്റുതിരുത്തൽ ഇനി തുടർപ്രക്രിയ

തി​രു​വ​ന​ന്ത​പു​രം: സി.​പി.​എ​മ്മി​ൽ തെ​റ്റു​തി​രു​ത്ത​ൽ ന​ട​പ​ടി​ക​ൾ തു​ട​ർ​പ്ര​ക്രി​യ​യാ​ക്കു​ന്ന​ത്​ സം​ബ​ന്ധി​ച്ച സം​ഘ​ട​നാ​രേ​ഖ​ക്ക്​ സം​സ്ഥാ​ന സ​മി​തി അം​ഗീ​കാ​രം ന​ൽ​കി. ഒ​രാ​ൾ പാ​ർ​ട്ടി​യി​ൽ തു​ട​രു​ന്ന കാ​ല​​ത്തോ​ളം നി​ര​ന്ത​ര ​പ​രി​ശോ​ധ​ന​യും തി​രു​ത്ത​ലു​മെ​ന്ന​താ​ണ്​ സം​ഘ​ട​ന രേ​ഖ മു​ന്നോ​ട്ടു​വെ​ക്കു​ന്ന സ​മീ​പ​നം. സം​സ്ഥാ​ന​ത​ലം മു​ത​ൽ ബ്രാ​ഞ്ച്​​ത​ലം വ​രെ ഈ ​രീ​തി​യി​ലാ​കും പാ​ർ​ട്ടി മു​ന്നോ​ട്ടു​പോ​കു​ക. എം.​വി. ​ഗോ​വി​ന്ദ​ൻ സം​സ്ഥാ​ന സെ​ക്ര​ട്ട​റി​യാ​യ​തി​നു​ പി​ന്നാ​ലെ​യാ​ണ്​ തെ​റ്റു​തി​രു​ത്ത​ൽ ന​ട​പ​ടി​ക്ര​മ​ങ്ങ​ൾ ക​ർ​ശ​ന​മാ​ക്കു​ന്ന​ത്. ഈ ​നീ​ക്ക​ത്തി​ലൂ​ടെ ​ഗോ​വി​ന്ദ​ൻ പാ​ർ​ട്ടി​യി​ൽ കൂ​ടു​ത​ൽ പി​ടി​മു​റു​ക്കു​ക​യാ​ണ്.

ക​ഴി​ഞ്ഞ സം​സ്ഥാ​ന സ​മി​തി ​ത​യാ​റാ​ക്കി​യ തെ​റ്റു​തി​രു​ത്ത​ൽ രേ​ഖ ജി​ല്ല ക​മ്മി​റ്റി​ക​ളി​ൽ റി​പ്പോ​ർ​ട്ട്​ ചെ​യ്ത്​ ന​ട​ത്തിയ ച​ർ​ച്ച​ക​ളു​ടെ അ​ടി​സ്ഥാ​ന​ത്തി​ൽ പു​തു​ക്കി​താണ്​ വെ​ള്ളി​യാ​ഴ്ച അം​ഗീ​ക​രി​ച്ച​ത്. ഇ​ത്​ ബ്രാ​ഞ്ച്​​ത​ലം വ​രെ റി​പ്പോ​ർ​ട്ട്​ ചെ​യ്ത്​ ന​ട​പ്പി​ൽ​വ​രു​ത്തും. പാ​ർ​ട്ടി കേ​ഡ​ർ​മാ​ർ​ക്കെ​തി​രാ​യ പ​രാ​തി​ക​ളും ആ​ക്ഷേ​പ​ങ്ങ​ളും ബ​ന്ധ​പ്പെ​ട്ട ക​മ്മി​റ്റി മു​മ്പാ​കെ​യോ നേ​തൃ​ത്വ​ത്തി​ന്​ മു​ന്നി​ലോ ഉ​ന്ന​യി​ക്കാ​ൻ പ്രോ​ത്സാ​ഹ​നം ന​ൽ​കു​ന്ന​താ​ണ്​ പു​തി​യ സം​ഘ​ട​നാ രേ​ഖ. ഇ​ങ്ങ​നെ ഉ​ന്ന​യി​ക്കു​ന്ന ഒ​രു പ​രാ​തി​യും ഫ​ല​പ്ര​ദ​മാ​യി അ​ന്വേ​ഷി​ക്കാ​തെ​യോ ക​ഴ​മ്പു​ണ്ടെ​ന്ന്​ ക​ണ്ടെ​ത്തി​യാ​ൽ ന​ട​പ​ടി സ്വീ​ക​രി​ക്കാ​തെ​യോ പോ​ക​രു​തെ​ന്ന്​ രേ​ഖ നി​ർ​ദേ​ശി​ക്കു​ന്നു. എ​ല്ലാ ഘ​ട​ക​ങ്ങ​ളി​ലും യോ​ഗ​ങ്ങ​ളി​ൽ തെ​റ്റു​തി​രു​ത്ത​ൽ ഇ​നി പ​തി​വ്​ അ​ജ​ണ്ട​യാ​യി​രി​ക്കും.

പാ​ർ​ട്ടി​യു​ടെ വി​വി​ധ ഘ​ട​ക​ങ്ങ​ളി​ലെ നേ​താ​ക്ക​ൾ​ക്കും ക​മ്മി​റ്റി​ക​ൾ​ക്കു​മെ​തി​രെ നി​ര​വ​ധി പ​രാ​തി​ക​ൾ ക​ത്തു​ക​ളാ​യും മ​റ്റും നേ​തൃ​ത്വ​ത്തി​നു​ മു​ന്നി​ലെ​ത്തി​യി​ട്ടു​ണ്ട്. ​സെ​ക്ര​ട്ട​റി​യാ​യി ചു​മ​ത​ല​യേ​റ്റ​തി​നു​ പി​ന്നാ​ലെ, തെ​റ്റാ​യ കാ​ര്യ​ങ്ങ​ൾ അ​നു​വ​ദി​ക്കി​ല്ലെ​ന്നും പ​രാ​തി കി​ട്ടി​യാ​ൽ എ​ത്ര ഉ​ന്ന​ത​രാ​യാ​ലും അ​ന്വേ​ഷി​ക്കു​മെ​ന്നും എം.​വി. ഗോ​വി​ന്ദ​ൻ വ്യ​ക്ത​മാ​ക്കി​യ​തി​നു​ പി​ന്നാ​ലെ​യാ​ണ്​ പ​രാ​തി​ക​ളു​ടെ കു​ത്തൊ​ഴു​ക്ക്.

ഈ ​പ​രാ​തി​ക​ളെ​ല്ലാം പ​രി​ശോ​ധി​ച്ച്​ ആ​വ​ശ്യ​മാ​യ​തി​ൽ ന​ട​പ​ടി സ്വീ​ക​രി​ക്കു​മെ​ന്നും എം.​വി. ഗോ​വി​ന്ദ​ൻ പ​റ​ഞ്ഞു. ന​ട​പ​ടി സം​ബ​ന്ധി​ച്ച്​​ പ​റ​യേ​ണ്ട​താ​ണെ​ങ്കി​ൽ മാ​ത്രം മാ​ധ്യ​മ​ങ്ങ​ളോ​ട്​ പ​റ​യു​മെ​ന്നും അ​ദ്ദേ​ഹം തു​ട​ർ​ന്നു.