തിരുവഞ്ചൂർ രാധാകൃഷ്​ണന്​ സി.പി.എം പ്രവർത്തകരുടെ വധഭീഷണി ​-വി.ഡി.സതീശൻ

തിരുവനന്തപുരം: തിരുവഞ്ചൂർ രാധാകൃഷ്​ണന്​ സി.പി.എം പ്രവർത്തകരുടെ വധഭീഷണിയുണ്ടെന്ന് പ്രതിപക്ഷ നേതാവ്​​ വി.ഡി.സതീശൻ. ഇതിന്​ പിന്നിൽ ടി.പി കേസ്​ പ്രതികളാണെന്ന്​ കോൺഗ്രസ്​ ആരോപിച്ചു. സർക്കാർ ഇക്കാര്യം ഗൗരവമായി അന്വേഷിക്കണമെന്നും വി.ഡി.സതീശൻ ആവശ്യപ്പെട്ടു.

തിരുവഞ്ചൂർ രാധകൃഷ്​ണനേയും ഭാര്യയേയും മക്കളേയും കൊല്ലുമെന്ന​ ഊമക്കത്താണ്​​ ലഭിച്ചത്​. ഭീഷണിക്കത്ത്​ വന്നത്​ ജയിലിൽ നിന്നാണെന്നും സതീശൻ ആരോപിച്ചു. കേരളത്തിൽ ക്രിമിനിലുകളുടെ അഴിഞ്ഞാട്ടമാണെന്നും അദ്ദേഹം പറഞ്ഞു. സതീശനൊപ്പം കെ.പി.സി.സി പ്രസിഡന്‍റ്​ കെ.സുധാകരനും വാർത്ത സമ്മേളനത്തിൽ പ​ങ്കെടുത്തിരുന്നു.