മാനന്തേരിയിൽ രണ്ടു സി.പി.എം പ്രവർത്തകർക്ക് വെട്ടേറ്റു 

കൂത്തുപറമ്പ്: മാനന്തേരി മുടപ്പത്തൂർ നായനാർസ്മാരക വായനശാലക്ക്​ സമീപം രണ്ടു സി.പി.എം പ്രവർത്തകർക്ക് വെട്ടേറ്റു. മാനന്തേരി മുടപ്പത്തൂരിലെ കൊവ്വൽ ഹൗസിൽ എം. റിജു (32), കെ. അനിരുദ്ധ് (38) എന്നിവർക്കാണ് വെട്ടേറ്റത്​. ഞായറാഴ്ച രാത്രി 8.30ഓടെ മാരകായുധങ്ങളുമായി സംഘടിച്ചെത്തിയ ആർ.എസ്​.എസ്​ പ്രവർത്തകർ വെട്ടിപ്പരിക്കേൽപിക്കുകയായിരുന്നുവെന്ന്​​ സി.പി.എം ആരോപിച്ചു.
തലക്കും കൈകൾക്കും വെട്ടേറ്റ അനിരുദ്ധിനെ തലശ്ശേരി ഗവ. ആശുപത്രിയിലും റിജുവിനെ കൂത്തുപറമ്പ് ഗവ. ആശുപത്രിയിലും പ്രവേശിപ്പിച്ചു. കണ്ണവം പൊലീസ് സ്ഥലത്തെത്തി അന്വേഷണം തുടങ്ങി.