കണ്ണൂരിൽ ബി.ജെ.പി-സി.പി.എം സംഘർഷം; മൂന്നുപേർക്ക് വെട്ടേറ്റു

പാനൂർ: പാലക്കൂലിൽ ബി.ജെ.പി-സി.പി.എം സംഘർഷത്തെ തുടർന്ന്​ മൂന്നുപേർക്ക്​ വെ​േട്ടറ്റു. ആർ.എസ്.എസ് മണ്ഡലം കാര്യവാഹക്​ എലാങ്കോട്ടെ സുജീഷ്​, സി.പി.എം പ്രവർത്തകരായ കെ.പി. ശരത്​ (24), മുളിയാച്ചേരിൻറവിടെ നിഖിൽ (22) എന്നിവർക്കാണ് വെട്ടേറ്റത്​. തിങ്കളാഴ്ച രാത്രി 9.30ഓടെയാണ് പാനൂർ പൊലീസ് സ്​റ്റേഷൻ പരിധിയിലെ പാലക്കൂൽ രാമൻപീടികക്കടുത്ത്​​ അക്രമം അരങ്ങേറിയത്. കൈക്ക് വെട്ടേറ്റ സുജീഷിന്​ പാനൂർ സാമൂഹിക ആരോഗ്യകേന്ദ്രത്തിൽ പ്രഥമശുശ്രൂഷ നൽകിയതിനുശേഷം തലശ്ശേരി ആശുപത്രിയിലേക്ക് കൊണ്ടുപോയി. വെ​േട്ടറ്റ സി.പി.എം പ്രവർത്തകരെ തലശ്ശേരി സഹകരണ ആശുപത്രിയിൽ പ്രവേശിപ്പിച്ചു. 

സി.പി.എം പാലക്കൂൽ മഠപ്പുര ബ്രാഞ്ച് സെക്രട്ടറി പി.എം. മോഹന​​​െൻറയും താവിൽ ഭാസ്കര​​​െൻറയും വീടുകൾ ആക്രമിച്ചു. ഭാസ്കര​​​െൻറ വീടി​​​െൻറ ജനൽചില്ലുകളും മുറ്റത്തുണ്ടായിരുന്ന വാട്ടർപൈപ്പുൾപ്പെടെയുള്ളവയും തകർത്തു. ആക്രമണത്തിനിടെ താവിൽ നാണി, മഹിജ, മോഹന​​​െൻറ ഭാര്യ ശ്രീജ എന്നിവർക്കും പരിക്കേറ്റു. ഇവരെ തലശ്ശേരി സഹകരണ ആശുപത്രിയിൽ പ്രവേശിപ്പിച്ചു. ഈസ്​റ്റ്​ എലാങ്കോട്​ ഭാഗത്തുനിന്ന്​ ബോംബുകളും മാരകായുധങ്ങളുമായെത്തിയ അമ്പതോളം വരുന്ന സംഘമാണ് അക്രമം നടത്തിയതെന്ന് സി.പി.എം ആരോപിച്ചു.

മുഖംമൂടിയണിഞ്ഞ ഒരുസംഘം പാലക്കൂൽ രാമൻപീടികയിലെ സി.പി.എം ഏരിയ സമ്മേളനത്തി​​​െൻറ സ്വാഗതസംഘം ഓഫിസ് അടിച്ചുതകർത്തതോടെയാണ് സംഘർഷങ്ങളുടെ തുടക്കം. ഇവിടെ റോഡിൽ നിർത്തിയിട്ട ബൈക്കുകളും അടിച്ചുതകർത്തു. ബോംബേറുമുണ്ടായി. ഇതിനിടെയാണ് ആർ.എസ്​.എസ്​ നേതാവിന്​ വെ​േട്ടറ്റത്​. പ്രദേശത്ത് സംഘർഷസാധ്യത നിലനിൽക്കുകയാണ്. സ്​ഥലത്ത്​ പൊലീസ് ക്യാമ്പ് ചെയ്യുന്നു.