ലോക്സഭ തെരഞ്ഞെടുപ്പി​െനാരുങ്ങാൻ സി.പി.എം

തിരുവനന്തപുരം: ലോക്​സഭ തെരഞ്ഞെടുപ്പിന്​ മുന്നോടിയായി സംഘടന സംവിധാനം സജ്ജമാക്കാനുള്ള കരട്​ പദ്ധതികൾക്ക്​ രൂപം നൽകി സി.പി.എം സംസ്ഥാന സെ​ക്രട്ടേറിയറ്റ്​. കോൺഗ്രസും ബി.ജെ.പിയും തെരഞ്ഞെടുപ്പ്​ ഒരുക്കങ്ങളിലേക്ക്​ കടന്നതോടെയാണ്​ സി.പി.എമ്മും സംഘടന സംവിധാനം ശക്തിപ്പെടുത്തുന്നത്​. പിണറായി വിജയൻ സർക്കാറി​ന്‍റെ ഭരണനേട്ടങ്ങൾ മുൻനിർത്തിയുള്ള പ്രചാരണത്തിനൊപ്പം കീഴ്​ഘടകങ്ങളെ സജീവമാക്കാൻ​ പലതട്ടിലുള്ള പരിപാടികൾക്കാണ്​ രൂപം നൽകുന്നത്​. ബുധനാഴ്​ച ആരംഭിക്കുന്ന മൂന്നു ദിവസത്തെ സംസ്ഥാന സമിതി ഇതിന്​ അന്തിമരൂപം നൽകും.

കേന്ദ്ര കമ്മിറ്റി ആഹ്വാനപ്രകാരം ബി.ജെ.പി സർക്കാറിന്‍റെ ജനവിരുദ്ധ നയങ്ങൾക്കെതിരായി സംഘടിപ്പിക്കേണ്ട പ്രചാരണ പരിപാടിയും യോഗം തീരുമാനിക്കും. സെപ്​റ്റംബർ 14 മുതൽ 24 വരെയാണ്​ പ്രചാരണ പരിപാടികൾ​. വിവിധ ജില്ലകളിൽ നടക്കുന്ന പരിപാടികൾ തലസ്ഥാനത്ത്​ സംഘടിപ്പിക്കുന്ന ബഹുജന സമ്മേളനത്തോടെയാണ്​ അവസാനിക്കുക.

ആനാവൂർ നാഗപ്പൻ സംസ്ഥാന സെക്രട്ടേറിയറ്റ്​ ​അംഗമായതിനെ തുടർന്ന്​ തിരുവനന്തപുരം ജില്ല സെക്രട്ടറിയെ തെരഞ്ഞെടുക്കുന്നത്​ സംബന്ധിച്ച തീരുമാനം സംസ്ഥാന സമിതി അവസാനിക്കുന്ന വെള്ളിയാഴ്​ചയുണ്ടാകുമെന്നാണ്​ സൂചന. തൽക്കാലം നാഗപ്പൻ തന്നെ തുടര​ട്ടെ എന്ന അഭിപ്രായം നേതൃത്വത്തിലുണ്ട്​. കർക്കടക വാവ്​ സംബന്ധിച്ച പി. ജയരാജന്‍റെ വിവാദ പ്രസ്​താവനയിൽ സംസ്ഥാന സമിതിയിൽ ചർച്ച ഉയർന്നാൽ നേതൃത്വത്തിന്​ നിലപാട്​ പരസ്യമാക്കേണ്ടിവരും. സംസ്ഥാന നേതൃത്വത്തി​ന്‍റെ നിർദേശപ്രകാരം ത​ന്‍റെ നിലപാടിൽ അയവ്​ വരുത്തിയെങ്കിലും പൂർണമായി തള്ളാൻ ജയരാജൻ തയാറായിട്ടില്ല. കരുവന്നൂർ സഹകരണ ബാങ്ക്​ തട്ടിപ്പ്​ സംബന്ധിച്ച്​ തൃശൂർ ജില്ല ഘടകത്തിലെ വിഷയവും സംസ്ഥാന സമിതി പരിഗണിക്കും.