കാൽ മാത്രമല്ല, കൈയും വെട്ടാനറിയാം -വനംവകുപ്പ് ഉദ്യോഗസ്ഥർക്കെതിരെ സി.പി.എം

കോ​ന്നി: വ​നം വ​കു​പ്പ് ജീ​വ​ന​ക്കാ​രെ കൈ​യേ​റ്റം ചെ​യ്ത സം​ഭ​വ​ത്തി​ൽ സി.​പി.​എം പ്ര​വ​ർ​ത്ത​ക​ർ​ക്കെ​തി​രെ കേസെടുത്തതിന് പിന്നാലെ ഭീഷണിയുമായി ഏരിയ കമ്മിറ്റി അംഗം. വനംവകുപ്പിനെതിരെ പത്തനംതിട്ട കൊച്ചുകോയിക്കൽ ഫോറസ്റ്റ് സ്റ്റേഷനിലേക്ക് സിപിഎം ലോക്കൽ കമ്മിറ്റി നടത്തിയ പ്രതിഷേധ മാർച്ചിൽ നടത്തിയ പ്രസംഗത്തിൽ പെരുനാട് ഏരിയ കമ്മിറ്റി അംഗം ജെയ്‌സൺ സാജനാണ് ഭീഷണി ഉയർത്തിയത്.

കള്ളക്കേസും അതിക്രമവും കൊണ്ട് ഇവിടെ അഴിഞ്ഞാടാമെന്നാണ് വിചാരിക്കുന്നതെങ്കിൽ, ഞങ്ങൾക്ക് ജനകീയ ജനാധിപത്യ വിപ്ലവം മാത്രമല്ല സായുധ വിപ്ലവവും നടത്താൻ അറിയാം. കാൽ മാത്രമല്ല, കൈയും വെട്ടി നിങ്ങളുടെ ഈ അതിക്രമങ്ങൾ അവസാനിപ്പിക്കാൻ അറിയാവുന്നവരാണ് ഞങ്ങൾ -ഏരിയ കമ്മിറ്റി അംഗം പറഞ്ഞു.

ഇന്നലെ, വ​നം വ​കു​പ്പ് ജീ​വ​ന​ക്കാ​രെ കൈ​യേ​റ്റം ചെ​യ്ത സം​ഭ​വ​ത്തി​ൽ ക​ണ്ടാ​ല​റി​യാ​വു​ന്ന 12 സി.​പി.​എം പ്ര​വ​ർ​ത്ത​ക​ർ​ക്കെ​തി​രെ ചി​റ്റാ​ർ പൊ​ലീ​സ് കേ​സെടുത്തിരുന്നു. സി.​പി.​എം നേ​താ​വ്​ ജേ​ക്ക​ബ് വ​ള​യം​പ​ള്ളി അ​ട​ക്ക​മു​ള്ള 12 പേ​ർ​ക്കെ​തി​രെ​യാ​ണ്​ കേ​സ്.

ക​ഴി​ഞ്ഞ ചൊ​വ്വാ​ഴ്ച​യാ​ണ് കേ​സി​നാ​സ്പ​ദ​മാ​യ സം​ഭ​വം. റോ​ഡ​രി​കി​ൽ മു​റി​ച്ചി​ട്ട മ​ര​ങ്ങ​ൾ പ​രി​ശോ​ധി​ക്കു​ന്ന​തി​നി​ടെ​​ വ​നം വ​കു​പ്പ് കൊ​ച്ചു​കോ​യി​ക്ക​ൽ ഫോ​റ​സ്റ്റ് സ്റ്റേ​ഷ​ൻ അ​ധി​കൃ​ത​രെ സി.​പി.​എം പ്ര​വ​ർ​ത്ത​ക​ർ കൈ​യേ​റ്റം ചെ​യ്യാ​ൻ ശ്ര​മിക്കുകയായിരുന്നു. കൊ​ച്ചു​കോ​യി​ക്ക​ൽ ഫോ​റ​സ്റ്റ് സെ​ക്ഷ​ൻ ഫോ​റ​സ്റ്റ് ഓ​ഫി​സ​ർ സു​രേ​ഷ് കു​മാ​റി​ന്‍റെ പ​രാ​തി​യി​ലാ​ണ്​ കേ​സ് ര​ജി​സ്റ്റ​ർ ചെ​യ്ത​ത്. ജീ​വ​ന​ക്കാ​രി​യു​ടെ കൈ​പി​ടി​ച്ച്​ തി​രി​ച്ചെ​ന്നും ജീ​വ​ന​ക്കാ​രെ കൈ​യേ​റ്റം ചെ​യ്​​തെ​ന്നും എ​ഫ്.​ഐ.​ആ​റി​ൽ പ​റ​യു​ന്നു.