Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightസി.പി.എം ബ്രാഞ്ച്...

സി.പി.എം ബ്രാഞ്ച് സെക്രട്ടറിയെ തലക്കടിച്ചു കൊലപ്പെടുത്തി

text_fields
bookmark_border
സി.പി.എം ബ്രാഞ്ച് സെക്രട്ടറിയെ തലക്കടിച്ചു കൊലപ്പെടുത്തി
cancel

കൊട്ടാരക്കര: എഴുകോണിൽ സി.പി.എം ബ്രാഞ്ച് സെക്രട്ടറിയെ തലക്കടിച്ചു കൊലപ്പെടുത്തി. കൈതക്കോട് എരുതനങ്ങാട് ബ്ര ാഞ്ച് സെക്രട്ടറി കൈതക്കോട് എരുതനങ്ങാട് പൊയ്കവിള വീട്ടിൽ ദേവദത്തനാണ്​ (54-ബാബു) മരിച്ചത്. പ്രതി എരുതനങ്ങാട് ചരു വിള തെക്കതിൽ സുനിൽകുമാർ (മാറനാട് സുനി) ഒളിവിലാണ്. ശനിയാഴ്ച ഉച്ചക്ക് രണ്ടോടെയാണ് സംഭവം.

പവിത്രേശ്വരം സഹകരണ ബാങ്ക് ​​െതരഞ്ഞെടുപ്പുമായി ബന്ധപ്പെട്ട് മറ്റു പാർട്ടി പ്രവർത്തകർക്കൊപ്പം എരുതനങ്ങാട് വള്ളക്കടവ് ഭാഗത്ത് എത്തിയപ്പോഴാണ് ചെത്തിയൊരുക്കിയ കമ്പുമായെത്തിയ സുനിൽകുമാർ തലക്കടിച്ചത്. ഒപ്പമുണ്ടായിരുന്നവരും നാട്ടുകാരും ചേർന്ന് കൊല്ലത്തെ സ്വകാര്യ ആശുപത്രിയിലെത്തിച്ചെങ്കിലും മരിച്ചു. ദേവദത്ത​​​െൻറ വീടിന് സമീപത്തെ ബാബു എന്നയാളും സുനിൽകുമാറും തമ്മിൽ വസ്തു സംബന്ധമായ ത‌ർക്കം നിലനിന്നിരുന്നു. ദേവദത്തൻ സുനിൽകുമാറിനെതിരെ നിലപാടെടുക്കുകയും ഇടപെടുകയും ചെയ്തതി​​െൻറ വിരോധത്തിലാണ് കൊലപാതകം നടത്തിയതെന്നാണ് പൊലീസ് പറയുന്നത്.

സുനിൽകുമാർ അടിപിടി കേസുകളിലും അബ്കാരി കേസുകളിലും പ്രതിയാണ്. റാന്നിയിലും തിരുവല്ലയിലും ഇയാൾക്കെതിരെ കേസുകൾ നിലവിലുണ്ട്. പ്രതിയെ ​െതരഞ്ഞു പോയ പൊലീസ് വാഹനം ചിറ്റുമല ചിറയിലേക്കു മറിഞ്ഞ് അപകടമുണ്ടായി. ഉദ്യോഗസ്ഥർ അത്ഭുതകരമായാണ് രക്ഷപ്പെട്ടത്. മൃതദേഹം ഞായറാഴ്ച തിരുവനന്തപുരം മെഡിക്കൽ കോളജ് ആശുപത്രിയിൽ പോസ്​റ്റ്​മോർട്ടം നടത്തിയ ശേഷം ബന്ധുക്കൾക്ക് വിട്ടുകൊടുക്കും. കൊലപാതകത്തെ തുടർന്ന് പവിത്രേശ്വരം പഞ്ചായത്തിൽ ഞായറാഴ്ച സി.പി.എം ഹർത്താൽ നടത്തും. ദേവദത്തൻറ ഭാര്യ: കുമാരി, മക്കൾ: അതുല്യ, അച്ചുദേവ്. മരുമകൻ: ബെൻസി.

Show Full Article
TAGS:CPIM Branch Secretary killed crime news kerala news malayalam news 
Web Title - CPIM Branch Secretary Killed-Kerala News
Next Story