Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightസി.പി.എം...

സി.പി.എം ലക്ഷ്യമിടുന്നത് ബി.ജെ.പിയുമായി രഹസ്യധാരണ -ആർ.എം.പി

text_fields
bookmark_border
n venu
cancel

കോഴിക്കോട്​: സർക്കാറി​‍െൻറ അഴിമതിയും ധൂർത്തും കെടുകാര്യസ്ഥതയും നിയമസഭ തെരഞ്ഞെടുപ്പിൽ പ്രതികൂലമാകുമെന്നതിനാൽ ബി.ജെ.പിയുമായി സി.പി.എം രഹസ്യധാരണയുണ്ടാക്കിയതായി ആർ.എം.പി.ഐ സംസ്ഥാന സെക്രട്ടറി എൻ. വേണു. സി.പി.എം നേതാക്കൾ ഇപ്പോൾ നടത്തിക്കൊണ്ടിരിക്കുന്ന മുസ്​ലിം ന്യൂനപക്ഷ വിരുദ്ധ പ്രചാരണം ബി.ജെ.പി ധാരണക്ക് കളമൊരുക്കാൻ വേണ്ടിയാണ്​.

കണ്ണൂർ ജില്ല പഞ്ചായത്ത് തില്ലങ്കേരി ഡിവിഷനിൽ നടന്ന ഉപതെരഞ്ഞെടുപ്പിൽ യു.ഡി.എഫി​‍െൻറ പരാജയം ഉറപ്പാക്കാൻ വൻ തോതിൽ ബി.ജെ.പി വോട്ടുകൾ മറിച്ചത് യാദൃച്ഛികമല്ല. ലീഗിനെതിരെ ശക്തമായ വർഗീയ പ്രചാരണമാണ് ഇപ്പോൾ നടത്തിക്കൊണ്ടിരിക്കുന്നത്​. എക്കാലത്തും മതനിരപേക്ഷ രാഷ്​ട്രീയത്തി‍െൻറ ഈറ്റില്ലമായ പാണക്കാട്ട് കോൺഗ്രസ്​ നേതാക്കൾ പോയതുപോലും വർഗീയമായി ചിത്രീകരിക്കുന്നത് അപലപനീയമാണ്.

വർഗീയത ഉയർത്തിപ്പിടിക്കുന്ന അബ്​ദുന്നാസിർ മഅ്​ദനിയെ സ്വീകരിച്ചതും എസ്.ഡി.പി.ഐയുമായി ഇക്കഴിഞ്ഞ പഞ്ചായത്ത് തെരഞ്ഞെടുപ്പിൽ സഖ്യമുണ്ടാക്കിയതും ജനങ്ങൾ മറന്നിട്ടില്ല. കോൺഗ്രസ്​ മുക്ത ഭാരതമെന്ന ബി.ജെ.പി മുദ്രാവാക്യവും കോൺഗ്രസ്​ മുക്ത കേരളമെന്ന സി.പി.എം ലക്ഷ്യവും ഇവിടെ ഒരുമിക്കുകയാണ്- വേണു പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:rmpcpim-bjp
Next Story