കേരളത്തിൽ വീണ്ടും കോവിഡ്​ മരണം

തിരുവനന്തപുരം: കേരളത്തിൽ കോവിഡ്​ 19 വൈറസ്​ ബാധിച്ച്​ ഒരാൾ കൂടി മരിച്ചു. തിരുവനന്തപുരം മെഡിക്കൽ കോളജിൽ ചികിൽ സയിലുണ്ടായിരുന്ന പോത്തൻകോട്​ സ്വദേശി അബ്​ദുൽ അസീസ്​(68) ആണ്​ മരിച്ചത്​. അബ്​ദുൽ അസീസി​​​​​​​​​​​െൻറ ആരോഗ്യ നില ഗുരുതരമാണെന്ന്​ മുഖ്യമന്ത്രി കഴിഞ്ഞ ദിവസം തന്നെ വ്യക്​തമാക്കിയിരുന്നു.

ഇന്നലെ അർധരാത്രിയോടെയാണ്​ മരണം സംഭവിച്ചത്​. ശ്വാസകോശ, വൃക്ക സംബന്ധമായ അസുഖങ്ങളുണ്ടായിരുന്നതിനാൽ ആശുപത്രിയിൽ പ്രവേശിപ്പിക്കു​േമ്പാൾ തന്നെ ഇയാളുടെ നില ഗുരുതരമായിരുന്നു. തുടർന്ന്​ ദിവസങ്ങളായി ഇയാൾ വ​​​​​െൻറിലേറ്ററി​​​​​​െൻറ സഹായത്തോടെയാണ്​ ജീവൻ നില നിർത്തിയിരുന്നത്​. വൃക്കകളുടെ പ്രവർത്തനം പൂർണമായും തകരാറിലായതിനെ തുടർന്ന്​ ഡയാലിസിസും ആരംഭിച്ചിരുന്നു. മാർച്ച്​ 13നാണ്​ ഇദ്ദേഹത്തിന്​ രോഗലക്ഷണങ്ങൾ പ്രകടമായത്​. മാർച്ച്​ 23നാണ്​ ആശുപത്രിയിൽ പ്രവേശിപ്പിച്ചത്​. ആദ്യ നടത്തിയ പരിശോധനയിൽ ഫലം നെഗറ്റീവായിരുന്നെങ്കിലും രണ്ടാമത്തെ പരിശോധനയിൽ പോസിറ്റീവാവുകയായിരുന്നു. ​

വെ​ങ്ങോട്​ പ്രാഥമിക ആരോഗ്യ കേന്ദ്രത്തിൽ ജലദോഷം ബാധിച്ചാണ്​ ആദ്യം ചികിൽസ തേടിയത്​. ​വെഞ്ഞാറംമൂടുള്ള സ്വകാര്യ ആശുപത്രിയിൽ നിന്നാണ്​ കോവിഡ്​ സംശയിച്ച്​ ​തിരുവനന്തപുരം മെഡിക്കൽ കോളജിലേക്ക്​ മാറ്റിയത്​.എന്നാൽ, ഇയാൾക്ക്​ എങ്ങനെയാണ്​ രോഗം ബാധിച്ചതെന്നത്​ സംബന്ധിച്ച്​ ആരോഗ്യവകുപ്പിനും വ്യക്​തതയില്ല. ഇതുമൂലം ഭാഗിക റൂട്ട്​മാപ്പാണ്​ ആരോഗ്യവകുപ്പ് കഴിഞ്ഞ ദിവസം​ പ്രസിദ്ധീകരിച്ചത്​. മരണാനന്തര ചടങ്ങിലും വിവാഹ ചടങ്ങിലും ഇയാൾ പ​ങ്കെടുത്തിരുന്നു. ഇൗ ചടങ്ങുകളിൽ പ​ങ്കെടുത്തവർ ആരോഗ്യവകുപ്പി​​​​​​െൻറ നിരീക്ഷണത്തിലാണ്​.