കോവിഡ് വാക്സിൻ: സംസ്​ഥാനത്ത്​ നാലിടത്ത്​ ട്രയൽ റൺ തുടങ്ങി

തിരുവനന്തപുരം: കേരളത്തിലെ നാ​ല് ജി​ല്ല​ക​ളി​ൽ കോവിഡ് വാക്സിൻ വിതരണത്തിന് മുന്നോടിയായുള്ള ഡ്രൈ ​റ​ണ്‍ തുടങ്ങി. തി​രു​വ​ന​ന്ത​പു​രം പേ​രൂ​ര്‍ക്ക​ട ജി​ല്ലാ മാ​തൃ​ക ആ​ശു​പ​ത്രി, പൂ​ഴ​നാ​ട് പ്രാ​ഥ​മി​കാ​രോ​ഗ്യ കേ​ന്ദ്രം, കിം​സ് ആ​ശു​പ​ത്രി, ഇ​ടു​ക്കി വാ​ഴ​ത്തോ​പ്പ് പ്രാ​ഥ​മി​കാ​രോ​ഗ്യ കേ​ന്ദ്രം, പാ​ല​ക്കാ​ട് നെ​ന്മാ​റ സാ​മൂ​ഹി​കാ​രോ​ഗ്യ കേ​ന്ദ്രം, വ​യ​നാ​ട് കു​റു​ക്കാ​മൂ​ല പ്രാ​ഥ​മി​കാ​രോ​ഗ്യ കേ​ന്ദ്രം എ​ന്നി​വി​ട​ങ്ങ​ളിലാണ് ​ഡ്രൈ ​റ​ൺ നടക്കുന്നത്.

വാക്സിൽ കുത്തിവെപ്പിന് മുന്നോടിയായുള്ള നടപടി ക്രമങ്ങളും സൗകര്യങ്ങളും ഫലപ്രദമെന്ന് പരിശോധിക്കുകയാണ് ട്രയൽ റൺ നടത്തുക വഴി ലക്ഷ്യമിടുന്നത്. രാ​വി​ലെ ഒ​മ്പ​തിന് ആരംഭിച്ച ഡ്രൈ റൺ 11ന് അവസാനിക്കും. ആദ്യ ഘട്ടത്തിൽ വാക്സിൻ ലഭിക്കുന്ന ആരോഗ്യ പ്രവർത്തകരുടെ പ്രതിനിധികളായി 25 പേർ വീതം ഒാരോ കേന്ദ്രത്തിലും ട്രയലിൽ പങ്കെടുക്കും. പേ​രൂ​ര്‍ക്ക​ട ജി​ല്ലാ മാ​തൃ​ക ആ​ശു​പ​ത്രിയിലെ ട്രയൽ റണ്ണിൽ ആരോഗ്യ മന്ത്രി കെ.കെ. ശൈലജ പങ്കെടുത്തു.

കോവിഡ് വാക്സിൻ വിതരണത്തിന് കേരളം പൂർണ സജ്ജമെന്ന് ആരോഗ്യ മന്ത്രി പറഞ്ഞു. സംസ്ഥാനത്തിന് എത്ര വാക്സിൻ യൂണിറ്റുകൾ ലഭിക്കുമെന്ന് ഇപ്പോൾ പറയാനാവില്ല. വൈകാതെ തന്നെ വാക്സിൻ എത്തുമെന്നാണ് പ്രതീക്ഷ. കോ​വി​ഷീ​ൽ​ഡ്​ വാക്സിനെ കുറിച്ച് ആശങ്കകളില്ലെന്നും മന്ത്രി ശൈലജ മാധ്യമങ്ങളോട് വ്യക്തമാക്കി.

വാ​ക്​​സി​ൻ വി​ത​ര​ണ​ത്തി​നു​ള്ള ട്ര​യ​ൽ മറ്റ് സം​സ്​​ഥാ​ന​ങ്ങ​ളി​ലും ഇന്ന് ന​ട​ക്കുന്നുണ്ട്. പ​ഞ്ചാ​ബ്, അ​സം, ആ​ന്ധ്ര​പ്ര​ദേ​ശ്, ഗു​ജ​റാ​ത്ത് എ​ന്നി​വി​ട​ങ്ങ​ളി​ലെ എ​ട്ടു ജി​ല്ല​ക​ളി​ല്‍ ന​ട​ത്തി​യ റി​ഹേ​ഴ്‌​സ​ല്‍ വി​ജ​യ​ക​ര​മാ​യി​രു​ന്നു.

വാ​ക്​​സി​ൻ ന​ൽ​കു​ന്ന​തി​നു​ള്ള മു​ൻ​ഗ​ണ​ന പ​ട്ടി​ക ത​യാ​റാ​ക്കാ​ൻ സം​സ്​​ഥാ​ന​ങ്ങ​ൾ​ക്ക്​ നേ​ര​ത്തേ കേ​ന്ദ്രം നി​ർ​ദേ​ശം ന​ൽ​കിയിരുന്നു. ആ​ദ്യ​ഘ​ട്ട​ത്തി​ൽ ആ​രോ​ഗ്യ ​പ്ര​വ​ർ​ത്ത​ക​ർ, മു​ന്ന​ണി ​പ്ര​വ​ർ​ത്ത​ക​ർ, പ്രാ​യ​മാ​യ​വ​ർ, ഗു​രു​ത​ര അ​സു​ഖ​ങ്ങ​ളു​ള്ള​വ​ർ എ​ന്നി​ങ്ങ​നെ ക്ര​മ​ത്തി​ൽ 30 കോ​ടി പേ​ർ​ക്കാ​ണ് വാ​ക്‌​സി​ൻ ന​ൽ​കു​ക.

'കോ​വി​ഷീ​ൽ​ഡ്'​​ വാ​ക്​​സി​ന്‍റെ അ​ടി​യ​ന്ത​ര ഉ​പ​യോ​ഗ​ത്തി​ന്​​ വെ​ള്ളി​യാ​ഴ്​​ച ചേ​ർ​ന്ന കേ​ന്ദ്ര മ​രു​​ന്ന്​ നി​ല​വാ​ര നി​യ​ന്ത്ര​ണ സ്​​ഥാ​പ​നം (സെ​ൻ​ട്ര​ൽ ഡ്ര​ഗ്​​സ്​ സ്​​റ്റാ​ൻ​ഡേ​ർ​ഡ്​ ക​ൺ​ട്രോ​ൾ ഓ​ർ​ഗ​നൈ​സേ​ഷ​ൻ) ശി​പാ​ർ​ശ ചെ​യ്​​ത​ിരുന്നു. അ​ടു​ത്താ​ഴ്​​ച ത​ന്നെ രാ​ജ്യ​ത്ത്​ വാ​ക്​​സി​ൻ വി​ത​ര​ണം തു​ട​ങ്ങി​യേ​ക്കും.

കോ​വി​ഡി​നെ​തി​രാ​യ പോ​രാ​ട്ട​ത്തെ അ​ടു​ത്ത ഘ​ട്ട​ത്തി​ലേ​ക്ക്​ ന​യി​ക്കു​ന്ന​താ​ണ്​ സ​മി​തി​യു​ടെ നി​ർ​ണാ​യ​ക തീ​രു​മാ​നം. ബ്രി​ട്ട​നും അ​ർ​ജ​ൻ​റീ​ന​യും കോ​വി​ഷീ​ൽ​ഡ്​ അ​ടി​യ​ന്ത​ര ഉ​പ​യോ​ഗ​ത്തി​ന്​ അ​ടു​ത്തി​ടെ അ​നു​മ​തി ന​ൽ​കി​യി​രു​ന്നു.

ഇ​ന്ത്യ​യി​ൽ പു​ണെ ആ​സ്ഥാ​ന​മാ​യു​ള്ള സി​റം ഇ​ൻ​സ്​​റ്റി​റ്റ്യൂ​ട്ട്​ ഓ​ഫ്​ ഇ​ന്ത്യ​യാ​ണ്​​ കോ​വി​ഷീ​ൽ​ഡ് വാ​ക്​​സിൽ​ നി​ർ​മി​ക്കു​ന്ന​ത്​. അ​ഞ്ചു​കോ​ടി ഡോ​സ് വാ​ക്​​സി​ൻ ഇ​തി​ന​കം സം​ഭ​രി​ച്ചു ​ക​ഴി​ഞ്ഞ​താ​യി സി​റം ഇ​ൻ​സ്​​റ്റി​റ്റ്യൂ​ട്ട് മേ​ധാ​വി അ​ദ​ർ പൂ​ന​വാ​ല ക​ഴി​ഞ്ഞ​ ദി​വ​സം അ​റി​യി​ച്ചി​രു​ന്നു.

ഫൈ​സ​ർ, മൊ​ഡേ​ണ വാ​ക്​​സി​നു​ക​ളെ അ​പേ​ക്ഷി​ച്ച്​ കോ​വി​ഷീ​ൽ​ഡ്​ സാ​ധാ​ര​ണ റ​ഫ്രി​ജ​റേ​റ്റ​റി​െൻറ ഊ​ഷ്​​മാ​വി​ൽ സൂ​ക്ഷി​ക്കാ​മെ​ന്ന​തും ഒ​രാ​ൾ​ക്ക്​ ര​ണ്ട്​ ഡോ​സ്​ വാ​ക്​​സി​ൻ എ​ടു​ക്കാ​ൻ 1000 രൂ​പ​യേ ചെ​ല​വ്​ വ​രൂ​യെ​ന്ന​തും കോ​വി​ഷീ​ൽ​ഡിന്‍റെ നേ​ട്ട​മാ​യാ​ണ്​ ക​ണ​ക്കാ​ക്കു​ന്ന​ത്.

ഹൈ​ദ​രാ​ബാ​ദ്​ ആ​സ്​​ഥാ​ന​മാ​യ ഭാ​ര​ത്​ ബ​യോ​ടെ​ക്, ​ഇ​ന്ത്യ​ൻ ​കൗ​ൺ​സി​ൽ ഓ​ഫ്​ മെ​ഡി​ക്ക​ൽ റി​സ​ർ​ച്ചു​മാ​യി (ഐ.​സി.​എം.​ആ​ർ) ചേ​ർ​ന്ന്​ ത​ദ്ദേ​ശീ​യ​മാ​യി വി​ക​സി​പ്പി​ച്ച വാ​ക്​​സി​നും രാ​ജ്യം ഉ​ട​ൻ അ​നു​മ​തി ന​ൽ​കി​യേ​ക്കും.