കോവിഡ് മുക്തമായി ആറ് ജില്ലകൾ; ഇന്ന് രോഗമുക്തി നേടിയവരുടെ കണക്ക് ഇങ്ങനെ
text_fieldsതിരുവനന്തപുരം: തിരുവനന്തപുരം, മലപ്പുറം, കോഴിക്കോട് ജില്ലകൾ കൂടി കോവിഡ് മുക്തി നേടി. ഈ ജില്ലകളിൽ കോവിഡ് ബാധിച്ച് ചികിത്സയിലുണ്ടായിരുന്ന മുഴുവനാളുകളും രോഗമുക്തി നേടിയിരിക്കുകയാണ്. നേരത്തെ, തൃശൂർ, ആലപ്പുഴ, എറണാകുളം ജില്ലകൾ സമ്പൂർണ രോഗമുക്തി നേടിയിരുന്നു.
തിങ്കളാഴ്ച സംസ്ഥാനത്തെ 61 പേരാണ് കോവിഡ് മുക്തി നേടിയത്. കണ്ണൂര് ജില്ലയില്നിന്നുള്ള 19 പേരും കോട്ടയം ജില്ലയില്നിന്നുള്ള 12 പേരും ഇടുക്കി ജില്ലയില്നിന്നുള്ള 11 പേരും കൊല്ലം ജില്ലയില്നിന്നുള്ള ഒമ്പത് പേരും കോഴിക്കോട് ജില്ലയില് നിന്നുള്ള നാല് പേരും മലപ്പുറം, കാസര്ഗോഡ്, തിരുവനന്തപുരം ജില്ലകളില് നിന്നുള്ള രണ്ടു പേരുടെ വീതവും പരിശോധനാ ഫലമാണ് തിങ്കളാഴ്ച നെഗറ്റീവായത്.
നിലവിൽ 34 പേരാണ് കോവിഡ് ബാധിച്ച് ചികിത്സയിലുള്ളത്. കൊല്ലം -മൂന്ന്, പത്തനംതിട്ട -ഒന്ന്, കോട്ടയം -ആറ്, ഇടുക്കി -ഒന്ന്, പാലക്കാട് -ഒന്ന്, വയനാട് -ഒന്ന്, കണ്ണൂർ -18, കാസർകോട് -മൂന്ന് എന്നിങ്ങനെയാണ് ചികിത്സയിലുള്ളവരുടെ എണ്ണം.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.