സംസ്ഥാനത്ത് ഇന്ന്​​ ആർക്കും കോവിഡില്ല; ഏഴ്​ പേർക്ക്​ രോഗമുക്​തി

തിരുവനന്തപുരം: സംസ്ഥാനത്ത്​ ഇന്ന്​ ആർക്കും കോവിഡ്​ 19 വൈറസ്​ ബാധ സ്ഥിരീകരിച്ചിട്ടില്ലെന്ന്​ മുഖ്യമന്ത്രി പിണറായി വിജയൻ അറിയിച്ചു. ഏഴ്​ പേർ രോഗമുക്​തി നേടി. കോട്ടയത്ത്​ ആറ്​ പേരും പത്തനംതിട്ടയിൽ ഒരാളുമാണ്​ രോഗമുക്​തി നേടിയത്​. 208 പേരാണ്​ ആശുപത്രിയിൽ ചികിൽസയിലുള്ളത്​. 58 പേരെ ഇന്ന്​ ആശുപത്രിയിൽ പ്രവേശിപ്പിച്ചു. സംസ്ഥാനത്ത്​ എട്ട്​ ജില്ലകൾ കോവിഡ്​ മുക്​തമായെന്നും മുഖ്യമന്ത്രി വ്യക്​തമാക്കി.

നാളെ രണ്ട്​ വിമാനങ്ങളിൽ മറ്റ്​ രാജ്യങ്ങളിൽ കുടുങ്ങിയ മലയാളികൾ കേരളത്തിലെത്തും. ഇതുമായി ബന്ധപ്പെട്ട നിർദേശം കേന്ദ്രം നൽകിയിട്ടുണ്ട്​. 6,082 പേർ അന്യസംസ്ഥാനങ്ങളിൽ നിന്ന്​ കേരളത്തിൽ തിരിച്ചെത്തിയിട്ടുണ്ട്​. രാജ്യത്തി​​​​​െൻറ വിവിധ ഭാഗങ്ങളിൽ കുടുങ്ങിയ മലയാളികളെ നാട്ടിലെത്തിക്കാൻ ഡൽഹിയിൽ നിന്ന്​ ട്രെയിൻ അനുവദിക്കണമെന്ന്​ ആവശ്യപ്പെട്ടിട്ടുണ്ട്​. ഇക്കാര്യം കേന്ദ്രസർക്കാറിനോട്​ ഡൽഹി സർക്കാറും ആവശ്യപ്പെട്ടു. ജാമിയ മിലിയ സർവകലാശാല ഉൾപ്പ​ടെയുള്ള യൂനിവേഴ്​സിറ്റികൾ വിദ്യാർഥികളോട്​ ഹോസ്​റ്റൽ ഒഴിയാൻ ആവശ്യപ്പെട്ടിട്ടുണ്ട്​. ഇത്തരക്കാരെ എത്രയും പെ​ട്ടെന്ന്​ നാട്ടിലെത്തിക്കാനാണ്​ ഉദ്ദേശിക്കുന്നത്​.

മറ്റ്​ സംസ്ഥാനങ്ങളിൽ നിന്നും വിദേശത്ത്​ നിന്നും വരുന്ന ഗർഭിണികൾക്ക്​ സർക്കാറി​​​​​െൻറ ക്വറൻറീൻ നിർബന്ധമില്ല. അവർ വീടുകളിൽ നീരീക്ഷണത്തിൽ കഴിഞ്ഞാൽ മതിയാകുമെന്നും മുഖ്യമന്ത്രി പറഞ്ഞു. അന്തർജില്ലാ യാത്രകൾക്ക്​ ഓൺലൈൻ പാസ്​ ഏർപ്പെടുത്തിയിട്ടുണ്ട്​. ഓൺലൈനിലൂടെ അപേക്ഷിച്ചാൽ പാസി​​​െൻറ ലിങ്ക്​ മൊബൈൽ ഫോണിൽ വരും.