കോവിഡ് പരിശോധന:  സാമ്പിൾ എടുക്കാൻ വിസ്‌ക് വാൻ

തൃശൂർ: കോവിഡ് പ്രതിരോധ പ്രവർത്തനത്തി​​െൻറ ഭാഗമായി ജില്ലയിൽ കോവിഡ് വിസ്‌ക് വാനി​​െൻറ സൗകര്യവും ലഭ്യമാകും. ഏത് സ്ഥലത്തും പോയി സാമ്പിൾ എടുക്കാനും രോഗിയുമായി നേരിട്ടുള്ള സമ്പർക്കം പരമാവധി കുറക്കാനും ഇത്​ ഉപകരിക്കും. വാനി​​െൻറ പുറ​ത്തേക്ക്​​ രണ്ടു ദ്വാരങ്ങളിലൂടെ ഘടിപ്പിച്ച കൈയുറകളിലൂടെയാണ് രോഗിയുടെ​ സാമ്പിൾ ശേഖരിക്കുക. 
പ്രത്യേക താപനില ക്രമീകരിച്ച്​ കൂടുതൽ സാമ്പിൾ ശേഖരിക്കാനുള്ള സൗകര്യവും സജ്ജീകരിച്ചിരിക്കുന്നു. അണുനശീകരണത്തിന്​ നാലു ലിറ്റർ സാനിറ്റൈസർ ഉൾക്കൊള്ളാവുന്ന സ്പ്രേയർ ടാങ്കും ഒരുക്കിയിട്ടുണ്ട്​​.

തുടർച്ചയായി 12 സാമ്പിൾ ശേഖരിക്കാം. മൂന്ന്​ ആരോഗ്യ  പ്രവർത്തകരെ വാനിന്​ അകത്തിരുത്താനും കഴിയും. തൃശൂർ ഗവ. എൻജിനീയറിങ്​ കോളജിലെ ഫാബ്‌ലബ് വിഭാഗമാണ് വിസ്‌ക് വാൻ രൂപകൽപന ചെയ്തത്. തൃശൂർ ഗവ. മെഡിക്കൽ കോളജിൽ കോവിഡ് വിസ്‌ക്, സാനിറ്റൈസർ കുഞ്ഞപ്പൻ റോബോട്ട്, പെഡൽ ഓപറേറ്റഡ് സാനിറ്റൈസിങ് യൂനിറ്റ്, എയറോസോൾ ബോക്സസ് തുടങ്ങിയവ രൂപകൽപന ചെയ്​തതും ഇതേ സംഘമാണ്. എൻജിനീയറിങ്​ കോളജ് കമ്പ്യൂട്ടർ സയൻസ് പ്രഫ. അജയ് ജയിംസി​​െൻറ മേൽനോട്ടത്തിൽ വിദ്യാർഥികളായ പി.എസ്. സൗരവ്, പ്രണവ് ബാലചന്ദ്രൻ, അശ്വിൻ കുമാർ എന്നിവരാണ് ഈ പ്രവർത്തനങ്ങൾക്ക്​ പിന്നിൽ. ആരോഗ്യ കേരളം ജില്ല പ്രോഗ്രാം മാനേജർ ഡോ. ടി. വി. സതീശനാണ് വാൻ കൈമാറിയത്.