കേരളത്തിൽ നിന്ന് നീലഗിരിയിലേക്ക് വരുന്നവർക്ക് കോവിഡ് ടെസ്​റ്റ് നിർബന്ധം

ഗൂഡല്ലൂർ: കേരളത്തിൽ നിന്ന് നീലഗിരിയിലേക്ക് വരുന്ന എല്ലാവർക്കും കോവിഡ് ടെസ്​റ്റ് നടത്തണമെന്ന് നീലഗിരി ജില്ല കലക്ടർ ജെ.ഇന്നസെൻറ് ദിവ്യ വാർത്താക്കുറിപ്പിൽ അറിയിച്ചു. ഇതിനായി എല്ലാ അതിർത്തി ചെക്കുപോസ്​റ്റിലും കോവിഡ് പരിശോധനക്കായി ആരോഗ്യവിഭാഗത്തിനെ നിയോഗിച്ചതായും കലക്ടർ വ്യക്തമാക്കി.

നാടുകാണി,ചോലാടി,താളൂർ,പാട്ടവയൽ എന്നീ ചെക്കുപോസ്​റ്റുകളിൽ ബുധനാഴ്ച മുതൽ പരിശോധന ആരംഭിച്ചു. ഇ.രജിസ്​േട്രഷൻ സംവിധാനം തുടരുന്നുണ്ട്. അതേസമയം ഈ പാസ്​ ആവശ്യമില്ല. 72 മണിക്കൂർവരെയൂള്ള കോവിഡ് നെഗറ്റീവ് ഫലം കൈവശമുള്ളവർക്ക് പരിശോധന ആവശ്യമില്ല.

ഇതിനിടെ ജില്ലയിൽ രണ്ടു സ്വകാര്യ സ്​കുളിലെ അധ്യാപകർക്ക് കോവിഡ് സ്​ഥീകരിച്ചു. ഇവർ പഠിപ്പിക്കുന്ന സ്​കൂളിലെ വിദ്യാർഥികൾക്കും അധ്യാപകർക്കും കോവിഡ് പരിശോധന നടത്തിയതിൽ മറ്റാർക്കും ബാധിച്ചിട്ടില്ലന്ന് കലക്ടർ വ്യക്തമാക്കി.