തദ്ദേശസ്ഥാപനങ്ങളിൽ ഇനി പ്രതിവാര കോവിഡ്​ പരി​ശോധന

തി​രു​വ​ന​ന്ത​പു​രം: കോ​വി​ഡ് വ്യാ​പ​നം രൂ​ക്ഷ​മാ​യ​തോ​ടെ ​കോ​വി​ഡ്​ പ​ശ്ചാ​ത്ത​ല​മി​ല്ലാ​ത്ത പൊ​തു​വി​ഭാ​ഗ​ങ്ങ​ളി​ൽ ന​ട​ത്തു​ന്ന പ​രി​ശോ​ധ​ന​യാ​യ സെൻറി​ന​ൽ സ​ർ​വ​യ​ൻ​ല​ൻ​സ് വ്യാ​പി​പ്പി​ക്കാ​ൻ തീ​രു​മാ​നം.

എ​ല്ലാ ത​ദ്ദേ​ശ സ്ഥാ​പ​ന​ങ്ങ​ളി​ലും ആ​ഴ്ച​യി​ൽ പ​രി​ശോ​ധ​ന ന​ട​ത്ത​ണ​മെ​ന്ന​താ​ണ്​ നി​ർ​ദേ​ശം. ഓ​ഫി​സു​ക​ളും, ഷോ​പ്പി​ങ്​ മാ​ളു​ക​ളും, മാ​ർ​ക്ക​റ്റു​ക​ളു​മ​ട​ക്കം പ​ത്ത് വി​ഭാ​ഗ​ങ്ങ​ൾ​ക്കി​ട​യി​ൽ പ​രി​ശോ​ധ​ന വ്യാ​പി​പ്പി​ക്കും. ത​ദ്ദേ​ശ​സ്ഥാ​പ​ന​ങ്ങ​ൾ കേ​ന്ദ്രീ​ക​രി​ച്ചാ​കും മു​ൻ​ഗ​ണ​ന വി​ഭാ​ഗ​ത്തെ നി​ശ്ച​യി​ക്കു​ക. അ​ടു​ത്ത​മാ​സം കോ​വി​ഡ് വ്യാ​പ​നം കു​ത്ത​നെ ഉ​യ​രു​മെ​ന്നാ​ണ് മു​ന്ന​റി​യി​പ്പ്. ഈ ​സാ​ഹ​ച​ര്യം ക​ണ​ക്കി​ലെ​ടു​ത്താ​ണ് പ​രി​ശോ​ധ​ന വ്യാ​പി​പ്പി​ക്കു​ന്ന​ത്.

സ​ർ​ക്കാ​ർ ഓ​ഫി​സു​ക​ൾ, ബാ​ങ്കു​ക​ൾ, ഷോ​പ്പി​ങ്​ മാ​ളു​ക​ൾ, ഫാ​ക്ട​റി​ക​ൾ തു​ട​ങ്ങി​യ സ്ഥാ​പ​ന​ങ്ങ​ളി​ലെ ജീ​വ​ന​ക്കാ​രെ ഒ​രു​വി​ഭാ​ഗ​ത്തി​ൽ ഉ​ൾ​പ്പെ​ടു​ത്തും.

പ​ഞ്ചാ​യ​ത്ത് പ​രി​ധി​യി​ലാ​ണെ​ങ്കി​ൽ അ​ഞ്ചും, മു​നി​സി​പ്പാ​ലി​റ്റി​യി​ലാ​ണെ​ങ്കി​ൽ 20ഉം, ​കോ​ർ​പ​റേ​ഷ​ൻ ആ​ണെ​ങ്കി​ൽ 30ഉം ​സാ​മ്പി​ളു​ക​ൾ ആ​ഴ്ച​യി​ൽ ഈ ​വി​ഭാ​ഗ​ത്തി​ൽ പ​രി​ശോ​ധി​ക്ക​ണം.

ഇ​തേ​രീ​തി​യി​ൽ ആ​രോ​ഗ്യ​പ്ര​വ​ർ​ത്ത​ക​ർ, അ​തി​ഥി​ത്തൊ​ഴി​ലാ​ളി​ക​ൾ, അ​സം​ഘ​ടി​ത തൊ​ഴി​ലാ​ളി​ക​ൾ, ക്ല​സ്​​റ്റ​റു​ക​ൾ, ക​െ​ണ്ട​യ്​​ൻ​മെൻറ്​ സോ​ണു​ക​ൾ, പ്രാ​യ​മാ​യ​വ​ർ തു​ട​ങ്ങി 10 വി​ഭാ​ഗ​മാ​ണ് ഉ​ൾ​പ്പെ​ടു​ന്ന​ത്.

ആ​ൻ​റി​ജ​ൻ പ​രി​ശോ​ധ​ന​യാ​കും ന​ട​ത്തു​ക. പ​രി​ശോ​ധ​ന​ഫ​ലം പോ​സി​റ്റീ​വാ​യാ​ൽ നേ​ര​ത്തെ ഉ​ള്ള മാ​ർ​ഗ​നി​ർ​ദേ​ശ പ്ര​കാ​രം സ​മ്പ​ർ​ക്കം ക​ണ്ടെ​ത്തു​ന്ന​തും ക്വാ​റ​ൻ​റീ​നു​മെ​ല്ലാം ന​ട​പ​ടി തു​ട​രും.