ചാർ​ട്ടേഡ്​ വിമാനത്തിലെത്തുന്നവർക്ക്​​ സ്വന്തം ചെലവിൽ കോവിഡ്​ പരിശോധന നിർബന്ധമാക്കി സർക്കാർ

തിരുവനന്തപുരം: ചാർ​ട്ടേഡ്​ വിമാനങ്ങളിലെത്തുന്നവർക്ക്​ സ്വന്തം ചെലവിൽ കോവിഡ്​ പരിശോധന നിർബന്ധമാക്കി സംസ്ഥാന സർക്കാർ. കോവിഡ്​ പരിശോധനക്ക്​ ശേഷം നെഗറ്റീവായവർക്ക്​ മാത്രമായിരിക്കും യാത്രാനുമതി നൽകുക. ജൂൺ 20 മുതൽ പുതിയ തീരുമാനം നിലവിൽ വരുമെന്നും സർക്കാർ അറിയിച്ചതായി ‘മീഡിയ വൺ’ റിപ്പോർട്ട്​ ചെയ്​തു.

ചാർ​​ട്ടേഡ്​ വിമാനം ബുക്ക്​ ചെയ്യുന്നവരാണ്​ യാത്രക്കാർ പരിശോധന നടത്തിയിട്ടുണ്ടോയെന്ന്​ ഉറപ്പാക്കേണ്ടത്​. അതേസമയം, വന്ദേഭാരത്​ മിഷ​​െൻറ ഭാഗമായുള്ള വിമാനങ്ങളിലെത്തുന്നവർക്ക്​ കോവിഡ്​ പരിശോധന നിർബന്ധമാക്കിയിട്ടില്ല. കേരളത്തിലേക്ക്​ വരും ദിവസങ്ങളിൽ വലിയതോതിൽ ചാർ​ട്ടേഡ്​ വിമാനങ്ങളെത്താനിരിക്കെയാണ്​ സംസ്ഥാന സർക്കാർ തീരുമാനം.