Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഎല്ലാ മേഖലയിലും...

എല്ലാ മേഖലയിലും രോഗവ്യാപനം; ഉത്തരേന്ത്യയെ പോലെ ആശങ്കപ്പെടേണ്ട സാഹചര്യമില്ല -മുഖ്യമന്ത്രി

text_fields
bookmark_border
pinarayi vijayan
cancel

തിരുവനന്തപു​രം: സംസ്ഥാനത്തിന്‍റെ എല്ലാ മേഖലയിലും കോവിഡ്​ വ്യാപനമു​ണ്ടെന്നും എന്നാൽ ഉത്തരേന്ത്യയിലേതു പോലെ ആശങ്കപ്പെടേണ്ട സാഹചര്യമില്ലെന്നും മുഖ്യമന്ത്രി പിണറായി വിജയൻ. ഉത്തരേന്ത്യൻ സംസ്ഥാനങ്ങളിൽ കോവിഡ്​ വിതക്കുന്ന വിപത്തുകളെ കുറിച്ചുള്ള വാർത്തകൾ നമ്മുടെ സംസ്ഥാനത്തും പരിഭ്രാന്തി സൃഷ്​ടിക്കുന്നുണ്ട്​. അത്തരത്തിൽ ഭയചകിതരാകേണ്ട സ്ഥിതിവിശേഷം നിലവിൽ കേരളത്തിലില്ലെന്നും അദ്ദേഹം പറഞ്ഞു.

ജനങ്ങളിൽ പരിഭ്രാന്തി പരത്തുന്ന വസ്​തുതാവിരുദ്ധമായ പല സന്ദേശങ്ങളും സമൂഹമാധ്യമങ്ങളിൽ പ്രചരിക്കുന്നുണ്ട്​. ഇതിനെതിരെയുംജാഗ്രത പുലർത്തണം​. ഇത്തരം പ്രചരണങ്ങൾ നടത്തുന്നവർക്കെതിരെ ആവശ്യമായ നിയമനടപടികൾ സ്വീകരിക്കും. കോവിഡുമായി ബന്ധപ്പെട്ട കാര്യങ്ങൾ മനസ്സിലാക്കാൻ ആരോഗ്യവകുപ്പ്​ നൽകുന്ന വിവരങ്ങളേയും ആധികാരികമായ സംവിധാനങ്ങളേയുമാണ്​ ആശ്രയിക്കേണ്ടതെന്നും മുഖ്യമന്ത്രി പറഞ്ഞു.

ജാഗ്രത പുലർത്തലാണ്​ ഏറ്റവും പ്രധാനം. അങ്ങനെ നമുക്ക്​ ഈ പ്രതിസന്ധിയെ മറി കടക്കാൻ കഴിയും. ആദ്യ തരംഗത്തെ പിടിച്ചു നിർത്താൻ ഉപയോഗിച്ച അടിസ്ഥാന തത്വങ്ങളിലേക്ക് ശക്തമായി​ തിരിച്ച്​ പോകണം. മാസ്​ക്​ കൃത്യമായി ധരിക്കുകയും കൈകൾ ശുചിയാക്കുകയും ശാരീരിക അകലം പാലിക്കുകയും വേണം. ആൾക്കൂട്ടങ്ങൾ ഒഴിവാക്കണം. അടഞ്ഞ സ്ഥലങ്ങളിൽ കൂടാനോ അടുത്ത്​ ഇടപഴകാനോ പാടില്ല. പോലീസോ മറ്റ് സർക്കാർ സംവിധാനങ്ങളോ ഇടപെട്ടില്ലെങ്കിൽ എന്തും ആവാം എന്ന ധാരണയ​ു​ള്ളവർ അത്​ നിർബന്ധമായും തിരുത്താൻ തയാറാവണം.

രോഗവ്യാപന തോത്​ വർധിച്ചു വരുന്ന സാഹചര്യത്തിൽ സ്വകാര്യ ആശുപത്രി പ്രതിനിധികളുമായി ശനിയാഴ്ച ചർച്ച നടത്തിയതായും കോവിഡ്​ ചികിത്സക്കും പ്രതിരോധ പ്രവർത്തനങ്ങൾക്കും സർക്കാർ നടപ്പിലാക്കുന്ന പദ്ധതികൾക്ക്​ പൂർണ സഹകരണം സ്വകാര്യ ആശുപത്രികൾ വാഗ്​ദാനം ചെയ്​തതായും മുഖ്യമന്ത്രി അറിയിച്ചു.

എല്ലാ ആശുപത്രികളും കിടക്കകൾ യു​ദ്ധകാലാടിസ്ഥാനത്തിൽ വർധിപ്പിക്കണമെന്ന്​ ആവശ്യ​പ്പെട്ടിട്ടുണ്ട്​. മൊത്തം കിടക്കകളുടെ 25 ശതമാനമെങ്കിലും ഈ ഘട്ടത്തിൽ കോവിഡ്​ ചികിത്സക്ക്​ മാറ്റി വെക്കണം. ഓരോ ദിവസവും കിടക്കകളുടെ സ്ഥിതിവിവര കണക്ക്​ ജില്ല ആരോഗ്യവകുപ്പ്​ മേധാവിക്ക്​ കൈമാറണം. നിലവിൽ 40-50 ശതമാനം കിടക്കകൾ പല ആശുപത്രികളും മാറ്റി വെച്ചിട്ടുണ്ടെന്നും അദ്ദേഹം പറഞ്ഞു.

ഐ.സി.യുകളും വെന്‍റിലേറ്ററുകളും പൂർണമായും പ്രവർത്തന സജ്ജമായിരിക്കണം. വെന്‍റിലേറ്ററുകൾക്ക്​ അറ്റകുറ്റ പണികൾ ഉണ്ടെങ്കിൽ ഉടനെ തീർക്കണം. ഐ.സി.യു കിടക്കകൾ ഗുരുതരാവസ്ഥയിലുള്ളവർക്കായി മാറ്റി വെക്കണമെന്നും മുഖ്യമന്ത്രി കൂട്ടിച്ചേർത്തു.

Show Full Article
TAGS:covid 19 Covid spread kerala cm 
News Summary - covid spread in every sector; no need to worry said Kerala CM
Next Story