കോവിഡ്​ പ്രതിരോധം; സംസ്ഥാന സർക്കാറിന്​ പൂർണ പിന്തുണയെന്ന്​ -പി.കെ കുഞ്ഞാലിക്കുട്ടി

മലപ്പുറം: കോവിഡിനെ പ്രതിരോധിക്കാൻ എല്ലാവരും ഒത്തൊരുമിക്കണമെന്നാണ്​ യു.ഡി.എഫി​െൻറയും മുസ്‌ലിം ലീഗി​െൻറയും നയമെന്ന്​ പി.​െക. കുഞ്ഞാലിക്കുട്ടി. എന്നാൽ, സർക്കാറുകൾ കൃത്യമായ ഉത്തരവാദിത്തം കാണിക്കണം. കേന്ദ്ര സർക്കാർ രാഷ്​ട്രീയ പേരെടുക്കലിനാണ് ആദ്യഘട്ടത്തിൽ ശ്രമിച്ചത്​. ലോക രാജ്യങ്ങൾ അവരുടെ പൗരന്മാരെ സംരക്ഷിക്കാൻ ശ്രമിച്ചപ്പോൾ കേന്ദ്ര സർക്കാർ 'പൊളിറ്റിക്കൽ മൈലേജി'ൽ മാത്രമാണ് ശ്രദ്ധ കേന്ദ്രീകരിച്ചത്​. ധാരാളം വീഴ്ചകൾ ഇക്കാര്യത്തിൽ അവരുടെ ഭാഗത്തുണ്ടായി. കേരള സർക്കാറും ഇത് ആവർത്തിക്കരുതെന്ന്​ കുഞ്ഞാലിക്കുട്ടി പറഞ്ഞു.

പ്രതിദിന ടെസ്​റ്റ്​ പോസിറ്റിവ് നിരക്ക് ക്രമാതീതമായി ഉയരുന്ന ഈ സമയത്ത് സന്ദർഭത്തിനനുസരിച്ച്​ ഉണർന്ന് പ്രവർത്തിക്കണം. ഈ പ്രതിസന്ധിയെ കുറ്റമറ്റ രീതിയിൽ കൈകാര്യം ചെയ്യണം. അതിന് പ്രതിപക്ഷത്തി​െൻറ പൂർണ പിന്തുണയുണ്ടാവും. മുഖ്യമന്ത്രിയുടെ ദുരിതാശ്വാസ നിധി പൊതുഫണ്ട് ആണെന്നും അതിലേക്ക് സംഭാവനകൾ നൽകുന്നത് നല്ലകാര്യമാണെന്നും കുഞ്ഞാലിക്കുട്ടി അഭിപ്രായപ്പെട്ടു.