കോവിഡ്​ പ്രതിരോധം: കേരളത്തിന്​ ഇന്ത്യ ടുഡെ അവാർഡ്

തിരുവനന്തപുരം: രാജ്യത്തെ ഏറ്റവും മികച്ച കോവിഡ്‌ പ്രതിരോധ പ്രവർത്തനങ്ങൾക്കുള്ള ഇന്ത്യ ടുഡെ അവാർഡ് കേരളത്തിന്. സംസ്ഥാന വിഭാഗത്തിലെ ഇന്ത്യ ടുഡെ ഹെൽത്ത് ഗിരി അവാർഡാണ് കേരളത്തിന് ലഭിച്ചത്.

കേന്ദ്ര ആരോഗ്യവകുപ്പ് മന്ത്രി ഡോ. ഹർഷവർധനിൽ നിന്നും അവാർഡ് ഏറ്റുവാങ്ങി. ഡൽഹി, ഒഡീഷ, മഹാരാഷ്​ട്ര, ഉത്തർപ്രദേശ് എന്നീ സംസ്ഥാനങ്ങളെ പിന്തള്ളിയാണ് മികച്ച കോവിഡ്‌ പ്രതിരോധ പ്രവർത്തനങ്ങൾക്കുള്ള അവാർഡ് കേരളം സ്വന്തമാക്കിയത്. നൂറിൽ 94.2 സ്കോർ നേടിയാണ്​ അവാർഡ്​ നേട്ടം.

ട്രസ്​റ്റിങ്​, ഐസൊലേഷൻ വാർഡുകളുടെ പ്രവർത്തനം, ഫണ്ട് അനുവദിക്കുന്നതിലും ചിലവഴിക്കുന്നതിലും നടത്തിയ കൃത്യത, മരണ നിരക്ക് കുറക്കുന്നതിലെ ശ്രദ്ധ, മികച്ച ചികിത്സ, സംസ്ഥാന സർക്കാറി​െൻറ പ്രവർത്തനം എന്നിവ പരിഗണിച്ചാണ് അവാർഡ്.