തിരുവനന്തപുരം: നാഷനൽ സർവിസ് സ്‌കീമിെൻറ ആഭിമുഖ്യത്തിൽ സംസ്ഥാനമൊട്ടാകെ എല്ലാ സ്‌കൂൾ യൂനിറ്റുകളിലും കോവിഡ് പ്രതിരോധ ജാഗ്രതമതിൽ സജ്ജീകരിച്ചു. കോവിഡ് കാലയളവിൽ സമൂഹത്തിെൻറ ജീവിത ശൈലിയിൽ വന്ന മാറ്റം കണക്കിലെടുത്ത് വിദ്യാലയത്തിെൻറ പ്രവേശന കവാടത്തിൽ 'ജീവിത ശൈലീ' 'ആന്റീ ടുബാക്കോ' സന്ദേശങ്ങൾക്ക് പ്രാമുഖ്യം കൊടുത്ത് പെയിൻറ് ചെയ്താണ് കോവിഡ് പ്രതിരോധ ജാഗ്രതമതിൽ തയാറാക്കിയത്.
വി.എച്ച്.എസ്.ഇ എൻ.എസ്.എസ് സെൽ ആരോഗ്യ വകുപ്പ് എൻ.സി.ഡി, എൻ.ടി.സി.പി സെല്ലുകളുമായി സഹകരിച്ച് നടപ്പാക്കുന്ന പദ്ധതിയിൽ വർണ ചിത്രങ്ങളോടുകൂടിയ അവതരണങ്ങൾ വിദ്യാർഥികൾതന്നെയാണ് അധ്യാപക പ്രോഗ്രാം ഓഫിസർമാരുടെ നേതൃത്വത്തിൽ വരച്ച് തയാറാക്കുന്നത്.