കോവിഡ് ബാധിതരെ ശുശ്രൂഷിച്ച നഴ്സുമാരെ വാടകവീട്ടിൽനിന്ന് ഇറക്കിവിട്ടു

കോട്ടയം: കോവിഡ്-19 വൈറസ് ബാധിതരെ ശുശ്രൂഷിക്കുന്നതിന്‍റെ പേരിൽ നഴ്സുമാരെ വാടക വീട്ടിൽനിന്ന് ഇറക്കിവിട്ടതായി പരാതി. കോട്ടയം മെഡിക്കൽ കോളജിലെ മൂന്ന് പുരുഷ നഴ്സുമാരെയാണ് പുറത്താക്കിയത്.

രോഗം പകരാൻ സാധ്യതയുണ്ടെന്ന് വീട്ടുടമസ്ഥൻ പറഞ്ഞതായി നഴ്സുമാർ ആരോപിക്കുന്നു.

സംഭവം സർക്കാറിനെ അറിയിക്കുമെന്ന് കോട്ടയം മെഡിക്കൽ കോളേജ് ആശുപത്രി അധികൃതർ അറിയിച്ചു.