കോവിഡ്​ കാല കൊള്ള: പുറത്തുവന്നത്​ ചെറിയ ഭാഗം മാത്രം

തി​രു​വ​ന​ന്ത​പു​രം: കോ​വി​ഡ്​ മ​ഹാ​മാ​രി​യു​ടെ മ​റ​വി​ൽ ആ​രോ​ഗ്യ വ​കു​പ്പി​ലെ​യും മെ​ഡി​ക്ക​ൽ സ​ർ​വി​സ​സ്​ കോ​ർ​പ​​റേ​ഷ​നി​ലെ​യും ലോ​ബി ന​ട​ത്തി​യ കൊ​ള്ള​യു​ടെ ചെ​റി​യ​ഭാ​ഗം മാ​ത്ര​മാ​ണ്​ ഇ​പ്പോ​ൾ പു​റ​ത്തു​വ​ന്ന​ത്. ​ഒ​ന്നാം പി​ണ​റാ​യി സ​ർ​ക്കാ​റി​ന്‍റെ കാ​ല​ത്ത്​ പി.​പി.​ഇ കി​റ്റ്​ വാ​ങ്ങി​യ​തി​ൽ മാ​ത്രം ഒ​തു​ങ്ങു​ന്ന​ത​ല്ല വി​വാ​ദം. ഗ്ലൗ​​സു​ക​ൾ അ​ട​ക്കം വാ​ങ്ങി​യ​തി​ലും​ ആ​ക്ഷേ​പ​മു​ണ്ട്. മു​ൻ ആ​രോ​ഗ്യ മ​ന്ത്രി കെ.​കെ. ശൈ​ല​ജ​യെ ന്യാ​യീ​ക​രി​ക്കു​മ്പോ​ഴും​ ആ​രോ​പ​ണ​ങ്ങ​ൾ സി.​പി.​എ​മ്മും മു​ഖ്യ​മ​ന്ത്രി​യു​ടെ ഓ​ഫി​സും ഗൗ​ര​വ​ത്തോ​ടെ​യാ​ണ്​ കാ​ണു​ന്ന​ത്. ഒ​രു വി​ദേ​ശ ഏ​ജ​ൻ​സി മ​റ്റൊ​രു വി​ദേ​ശ രാ​ജ്യ​ത്തി​ന്​ സം​ഭാ​വ​ന​യാ​യി ന​ൽ​കി​യ ഗ്ലൗ​സ​ട​ക്കം​ അ​ടി​യ​ന്ത​ര സാ​ഹ​ച​ര്യ​ത്തി​ൽ വാ​ങ്ങി​യെ​ന്നാ​ണ്​ ആ​രോ​പ​ണം. ചി​ല ഇ​ട​പാ​ടു​ക​ൾ ഒ​രു കോ​ടി രൂ​പ​യു​ടേ​ത്​ വ​രെ​യാ​യി​രു​ന്നു. 50 ല​ക്ഷം വ​രെ മു​ൻ​കൂ​റാ​യി ന​ൽ​കി. പ​ല​തും കു​റ​ഞ്ഞ ഗു​ണ​നി​ല​വാ​രം മൂ​ലം ഉ​പ​യോ​ഗ​ശൂ​ന്യ​മാ​യെ​ന്നും ക​ണ്ടെ​ത്തി​യി​രു​ന്നു.

മു​മ്പ്​ ഉ​യ​ർ​ന്ന ത​സ്തി​ക​യി​ലു​ണ്ടാ​യി​രു​ന്ന ഉ​ദ്യോ​ഗ​സ്ഥ​ൻ വി​ര​മി​ച്ച​ശേ​ഷ​വും ക​ഴി​ഞ്ഞ സ​ർ​ക്കാ​റി​ന്‍റെ കാ​ല​ത്ത്​ ആ​രോ​ഗ്യ വ​കു​പ്പി​ൽ സ്വാ​ധീ​നം ചെ​ലു​ത്തി​യി​രു​ന്നു. ഇ​ദ്ദേ​ഹ​വും അ​ന്ന്​ മ​ന്ത്രി​യു​ടെ ഓ​ഫി​സു​മാ​യി ബ​ന്ധ​പ്പെ​ട്ട ചി​ല​രും മെ​ഡി​ക്ക​ൽ സ​ർ​വി​സ്​ കോ​ർ​പ​റേ​ഷ​നി​ലെ ഉ​ന്ന​ത​രും ഇ​ട​പാ​ടി​ൽ പ​ങ്കാ​ളി​ക​ളാ​ണെ​ന്ന ആ​ക്ഷേ​പം നേ​ര​ത്തേ ഉ​യ​ർ​ന്നി​രു​ന്നു. ചി​ല ചാ​ന​ലു​ക​ൾ വ​ഴി അ​ത്യാ​വ​ശ്യ മെ​ഡി​ക്ക​ൽ ഉ​പ​ക​ര​ണ​ങ്ങ​ളു​ടെ ദൗ​ർ​ല​ഭ്യ​ത്തെ​ക്കു​റി​ച്ച്​ വാ​ർ​ത്ത വ​രു​ത്ത​ലാ​ണ്​ ഇ​ട​നി​ല​ക്കാ​രു​ടെ ആ​ദ്യ ന​ട​പ​ടി. തു​ട​ർ​ന്നാ​ണ്​ അ​ടി​യ​ന്ത​ര സാ​ഹ​ച​ര്യം ചൂ​ണ്ടി​ക്കാ​ട്ടി ഉ​പ​ക​ര​ണ​ങ്ങ​ൾ വാ​ങ്ങു​ന്ന​തി​ലേ​ക്ക്​ നീ​ക്കം ന​ട​ത്തി​യ​ത്. ടെ​ൻ​ഡ​ർ വി​ളി​ക്കു​ക​യോ വാ​ങ്ങു​ന്ന​വ​യു​ടെ ഉ​പ​യോ​ഗ​ക്ഷ​മ​ത പ​രി​ശോ​ധി​ക്കു​ക​യോ ഉ​ണ്ടാ​യി​ല്ല.

വാ​ങ്ങി​യ ശേ​ഷം അ​ത്​ ഉ​പ​യോ​ഗി​ച്ചോ എ​ന്നും അ​ന്വേ​ഷി​ച്ചി​ല്ല. മു​ഖ്യ​മ​ന്ത്രി​യു​ടെ അം​ഗീ​കാ​ര​ത്തോ​ടെ​യാ​ണ്​ എ​ല്ലാം ന​ട​ന്ന​തെ​ന്ന വാ​ദം അ​ദ്ദേ​ഹ​ത്തെ​യും ഓ​ഫി​സി​നെ​യും അ​നാ​വ​ശ്യ വി​വാ​ദ​ത്തി​ലേ​ക്ക്​ വ​ലി​ച്ചി​ഴ​ച്ചെ​ന്ന്​ സി.​പി.​എം ക​രു​തു​ന്നു. കോ​വി​ഡ്​ കാ​ല ഉ​ന്ന​ത​ത​ല യോ​ഗ​ങ്ങ​ളി​ൽ ഉ​പ​ക​ര​ണ ക്ഷാ​മ​മു​ണ്ട്,​ ഓ​ർ​ഡ​ർ ന​ൽ​ക​ട്ടേ എ​ന്ന ചോ​ദ്യ​മാ​ണ്​ വ​കു​പ്പി​ൽ​നി​ന്നു​ണ്ടാ​യ​ത്. മു​ഖ്യ​മ​ന്ത്രി​യു​ടെ 'വേ​ണ്ട​ത്​ ചെ​യ്യൂ'​വെ​ന്ന മ​റു​പ​ടി​യാ​ണ്​ എ​ല്ലാം പി​ണ​റാ​യി വി​ജ​യ​ൻ അ​റി​ഞ്ഞെ​ന്ന വ്യാ​ഖ്യാ​ന​ത്തി​ന്​ കാ​ര​ണ​മെ​ന്ന്​ നേ​താ​ക്ക​ൾ ചൂ​ണ്ടി​ക്കാ​ട്ടു​ന്നു.