നെടുമ്പാശേരിയിൽ വന്നിറങ്ങിയ നാല് പേർക്കു കൂടി കോവിഡ്

നെടുമ്പാശേരി: നെടുമ്പാശേരി അന്താരാഷ്​ട്ര വിമാനത്താവളത്തിൽ വന്നിറങ്ങിയ നാല് പേർക്കു കൂടി കോവിഡ് -19 സ്​ഥിരികരിച്ചു. കോവിഡ്​ പുതിയ വകഭേദമായ ഒമിക്രോൺ കഴിഞ്ഞ ദിവസം സംസ്​ഥാനത്ത്​ സ്​ഥിരീകരിച്ചിരുന്നു.

കുവൈത്ത് എയർവേയ്സിൽ നെതർലാൻഡിൽ നിന്നും വന്ന രണ്ട് സ്ത്രീകൾക്കും ഒരു പുരുഷനും, ഫ്‌ളൈ ദുബൈ വിമാനത്തിൽ വന്ന മറ്റൊരാൾക്കുമാണ് കൊറോണ സ്ഥിരികരിച്ചത്. ഇവരുടെ സ്രവങ്ങൾ വീണ്ടും പരിശോധനക്ക്​ അയച്ചിട്ടുണ്ട്​. ഒമിക്രോൺ വകഭേദം ആണോ എന്നറിയാനാണ്​ പരിശോധനക്കയച്ചിരിക്കുന്നത്​.