Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഅവശ്യ വിഭാഗങ്ങൾ...

അവശ്യ വിഭാഗങ്ങൾ ഒഴിച്ചുള്ള ജീവനക്കാർക്കും അധ്യാപകർക്കും കോവിഡ്​ ഡ്യൂട്ടി

text_fields
bookmark_border
covid 19
cancel

തൃശൂർ: അവശ്യവിഭാഗങ്ങളായി പ്രഖ്യാപിച്ച സർക്കാർ അർധ സർക്കാർ, പൊതുമേഖല സ്​ഥാപനങ്ങളിലെ ജീവനക്കാർ ഒഴികെ ജീവനക്കാരും അധ്യാപകരും കോവിഡ്​ 19 പ്രതിരോധ പ്രവർത്തനങ്ങളിൽ ഏർപ്പെടണമെന്ന്​ ദുരന്ത നിവാരണ വകുപ്പ്​ ഉത്തരവിട്ടു. ആരോഗ്യ കാരണങ്ങളാൽ ജോലിക്ക്​ ഹാജരാകാതിരുന്ന ജീവനക്കാരെ കോവിഡ്​ പ്രതിരോധ പ്രവർത്തനങ്ങളിൽ നിന്ന്​ ഒഴിവാക്കിയിട്ടുണ്ട്​. ജോലിക്ക്​ ഹാജരാകുന്നതിൽ നിന്ന്​ ഒഴിവാക്കിയ ജീവനക്കാരുടെയും അധ്യാപകരുടെയും പട്ടിക അതത്​ ജില്ല കലക്​ടർമാർക്ക്​ രണ്ട്​ ദിവസത്തിനകം വകുപ്പുകൾ കൈമാറണമെന്ന്​ ദുരന്ത നിവാരണ വകുപ്പ്​ ആവശ്യപ്പെട്ടു.

ലഭ്യമായ ജീവനക്കാരെയും അധ്യാപകരെയും ജില്ല കലക്​ടർമാർ ആവശ്യാനുസരണം വിവിധ തദ്ദേശ സ്വയംഭരണ സ്​ഥാപനങ്ങളിലും കലക്​ടറേറ്റിലും നിയോഗിക്കും. ജീവനക്കാരുടെ, അധ്യാപകരുടെ തസ്​തികക്ക്​ അനുസൃതമായ ജോലികളിൽ ഇവരെ നിയോഗിക്കാൻ കലക്​ടർമാരും തദ്ദേശ മേധാവികളും പ്രത്യേകം ശ്രദ്ധിക്കണമെന്നും ഉത്തരവിലുണ്ട്​.

കോവിഡ്​ പ്രതിരോധ ജോലികൾ ഏറ്റെടുക്കാൻ സന്നദ്ധരാകാത്ത ജീവനക്കാർ ഉണ്ടെങ്കിൽ കലക്​ടർമാർ വിശദാംശങ്ങൾ ബന്ധപ്പെട്ട വകുപ്പുമേധാവികൾക്ക് ​നൽകണമെന്ന്​ അഡിഷണൽ ചീഫ്​ സെക്രട്ടറി ഡോ. എ. ജയതിലക്​ ബുധനാഴ്​ച ഇറക്കിയ ഉത്തരവിൽ പറയുന്നു.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:covid duty​Covid 19
News Summary - covid duty to staff and teachers except essential departments
Next Story