എറണാകുളം ജനറൽ ആശുപത്രിയിലെ ഡോക്ടർക്ക് കോവിഡ്

കൊച്ചി: എറണാകുളം ജനറൽ ആശുപത്രിയിലെ ഡോക്ടർക്ക് കോവിഡ് സ്​ഥിരീകരിച്ചു. മാനസികാരോഗ്യ വിഭാഗത്തിലെ ഡോക്ടറാണ്. ചൊവ്വാഴ്​ച രാവിലെയാണ് ഫലം വന്നത്. കോട്ടയം സ്വദേശിയായ ഇദ്ദേഹം കോട്ടയം മെഡിക്കൽ കോളജ്​ ആശുപത്രിയിൽ ചികിത്സയിലാണ്. 

നേരത്തെ എറണാകുളം ജനറൽ ആശുപത്രിയിലെ സ്​റ്റാഫ് നഴ്സിന് രോഗം സ്ഥിരീകരിച്ചിരുന്നു. ജൂലൈ മൂന്നിന് രോഗം സ്ഥിരീകരിച്ച ചെല്ലാനം സ്വദേശിനിയുടെ സമ്പർക്ക പട്ടികയിലുള്ളവരാണിവർ.