സംസ്ഥാനത്ത്​ കോവിഡ്​ മരണം വർധിക്കുന്നു; ഒരു ജില്ലയിൽ മാത്രം 3000 ലേറെ മരണം

കോവിഡ്​ ബാധിതരുടെ എണ്ണം സംസ്ഥാനത്ത്​ വീണ്ടും വർധിക്കു​കയാണ്​. ഒരിടവേളക്ക്​ ശേഷം കോവിഡ്​ ബാധിതരുടെ എണ്ണം തുടർച്ചായി ഇരുപതിനായിരത്തിന്​ മുകളിലേക്ക്​ പോയതും ആശങ്കയോടൊയാണ്​ സംസ്ഥാനം നോക്കിക്കാണുന്നത്​.

എന്നാൽ മരണസംഖ്യയിൽ ഉണ്ടാകുന്ന വർധനയും ആശങ്കയുയർത്തുന്ന ഒന്നാണ്​. ജൂലൈ മാസം 28 ദിവസം പിന്നിടു​േമ്പാൾ ഏഴ്​ ദിവസം മാത്രമാണ്​ പ്രതിദിന ​മരണനിരക്ക്​ 100 ൽ താഴെ പോയത്​. കഴിഞ്ഞ ദിവസം 156 മരണമാണ്​ സംസ്ഥാനത്ത്​ റിപ്പോർട്ട്​ ചെയ്​തത്​. ജൂലൈയിലെ ഏറ്റവും കൂടിയ മരണ സംഖ്യയാണിത്​.

കേരളത്തിൽ കോവിഡ്​ ബാധിച്ചവരുടെ മരണ സംഖ്യ 16,457 ലെത്തു​േമ്പാൾ മരിച്ചവരുടെ പ്രായനിരക്കുകൾ ഇങ്ങനെയാണ്​. 17 വയസ്​വരെ പ്രായമുള്ളവരിൽ 25 പേരാണ്​ ഇതുവരെ മരിച്ചതെന്നാണ്​ കണക്കുകൾ. 18 നും 40 നും ഇടയിൽ 679 പേർക്കാണ്​ ജീവൻ നഷ്​ടപ്പെട്ടത്​. 41 നും 59 നും ഇടയിൽ 3771 പേരാണ്​ മരിച്ചത്​. അറുപത്​ വയസിനുമുകളിലുള്ള 11851 പേർ മരിച്ചെന്നാണ്​ ജൂലൈ 27 വരെയുള്ള കണക്കുകൾ സൂചിപ്പിക്കുന്നത്​.

കോവിഡ് ബാധിച്ചു മരിച്ചവരുടെ എണ്ണത്തിൽ തിരുവനന്തപുരം ജില്ലയാണ് മുന്നിൽ. 3200 പേരാണ് കോവിഡ് മൂലം ജില്ലയിൽ മാത്രം മരിച്ചത്. 1731 പേർ മരിച്ച തൃശൂർ ആണ് രണ്ടാമത്.കോഴിക്കോട് - 1664, എറണാകുളം 1657, പാലക്കാട്‌ 1458,മലപ്പുറം- 1285,കൊല്ലം - 1204, ആലപ്പുഴ -1107,കണ്ണൂർ -1052, കോട്ടയം - 661, പത്തനംതിട്ട - 504, കാസറഗോഡ് - 334, വയനാട് - 276, ഇടുക്കി - 193 എന്നിങ്ങനെയാണ് ജില്ല തിരിച്ചുള്ള മരണ നിരക്ക്.