Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightപുതുക്കിയ മാർഗനിർദേശം; ...

പുതുക്കിയ മാർഗനിർദേശം; കേരളത്തിലെ കോവിഡ്​ മരണക്കണക്ക്​ കുതിച്ചുയരുന്നു

text_fields
bookmark_border
omicron covid 19
cancel

തിരുവനന്തപുരം: കേരളത്തിലെ കോവിഡ്​ മരണങ്ങളുടെ കണക്ക്​ വർധിക്കുന്നു. ​വ്യാഴാഴ്​ച വരെയുള്ള കണക്ക് ​പ്രകാരം 43,946 കോവിഡ്​ മരണമാണ്​ ഔദ്യോഗികമായി സ്ഥിരീകരിച്ചത്​. ഇതുവരെ ലഭിച്ച 35,152 അപ്പീല്‍ അപേക്ഷകളിൽ 29,223 എണ്ണം തീർപ്പാക്കാനുണ്ട്​. ഇതുകൂടി ഉൾപ്പെടുത്തു​മ്പോൾ ഞെട്ടിക്കുന്ന കണക്കാകും.

ചികിത്സയിലുള്ളവർ കുറയുമ്പോഴും കോവിഡ് മരണങ്ങൾ വർധിക്കുന്നത്​ ആശങ്കയോടെയാണ്​ ആരോഗ്യമേഖല കാണുന്നത്​. കോവിഡിനെ തുടക്കം മുതൽ തളച്ചുവെന്ന കേരളത്തി​െൻറ വാദംകൂടി ഇതുവഴി പൊളിയുകയാണ്​. പുതിയ മാര്‍ഗനിര്‍ദേശമനുസരിച്ച് പരിഗണിച്ച 284 മരണങ്ങളടക്കം വ്യാഴാഴ്​ച മാത്രം 320 മരണമാണ്​ കോവിഡ്​ മരണമെന്ന്​ സ്​ഥിരീകരിച്ചത്​. പഴയ മരണങ്ങൾ കൂടി ചേർത്ത് 10 ദിവസത്തിനിടെ 2019 മരണം റിപ്പോർട്ട് ചെയ്തു. വാക്സിനേഷൻ ഇത്ര മുന്നേറിയിട്ടും ഗൗരവത്തോടെ പരിശോധിക്കേണ്ട നിലയിലാണ് മരണസംഖ്യ.

തിരുവനന്തപുരത്ത് മാത്രം ബുധനാഴ്​ച 57 പേരാണ് മരിച്ചത്. കൊല്ലത്തും എറണാകുളത്തും 13ഉം ഇടുക്കിയിൽ 10ഉം മരണം. ബുധനാഴ്​ച പുതിയ കോവിഡ് രോഗികൾ 4006 മാത്രമാണ്. മാസങ്ങൾക്കുശേഷം ബുധനാഴ്​ചയാണ്​ മരണം 100 കടന്നത്. 125 മരണമാണ്​ അന്ന്​ സ്​ഥിരീകരിച്ചത്​. പ്രതിദിനം ശരാശരി 40ന് മുകളിൽ മരണം ഇപ്പോഴുമുണ്ട്. 10 ദിവസത്തിനിടെ 444 പേരാണ് കോവിഡ് ബാധിച്ച്​ മരിച്ചത്. 1575 പഴയ മരണവും റിപ്പോർട്ട് ചെയ്തു. മൊത്തം മരണസംഖ്യ 43,626 ആയതോടെ മരണക്കണക്കിൽ വൻ കുതിപ്പുണ്ടായി. മരണക്കണക്കിൽ കേരളത്തിന്​ മുകളിൽ മഹാരാഷ്​ട്ര മാത്രമാണുള്ളത്​.

ശേഷിക്കുന്ന അപ്പീൽ കൂടി പരിഗണിക്കുന്നതോടെ മുക്കാൽ ലക്ഷത്തിനടുത്തേക്ക്​ മരണക്കണക്ക്​ കുതിക്കും. ആദ്യ ഡോസ് വാക്സിനേഷൻ 97 ശതമാനവും രണ്ടാം ഡോസ് 72 ശതമാനവും ആയിരിക്കെയാണ് മരണം ഭീതി വിതയ്​ക്കുന്നത്​. വെൻറിലേറ്ററുകളിൽ 223 പേരും ഐ.സി.യുകളിൽ 546 പേരും ഗുരുതരാവസ്ഥയിൽ ചികിത്സയിലാണ്.

Show Full Article
TAGS:covid 19 covid death 
News Summary - Covid death toll in Kerala on the rise
Next Story