Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകോവിഡ്​ ഭീതി:...

കോവിഡ്​ ഭീതി: കുഴഞ്ഞുവീഴുന്നവർ റോഡിൽ കിടന്ന്​ മരിക്കുന്നു

text_fields
bookmark_border
കോവിഡ്​ ഭീതി: കുഴഞ്ഞുവീഴുന്നവർ റോഡിൽ കിടന്ന്​ മരിക്കുന്നു
cancel

കോഴിക്കോട്​: റോഡിൽ കുഴഞ്ഞുവീഴുന്നവർ അവിടെ കിടന്ന്​ മരിക്കുന്ന സംഭവങ്ങൾ ആവർത്തിക്കുന്നു. കോഴിക്കോട്​ അടുത്ത ദിവസങ്ങളിലായി നാലുപേരാണ്​ ഇങ്ങനെ മരിച്ചത്​. കോവിഡ്​ ആയതിനാൽ കണ്ടുനിൽക്കുന്നവർ വീണുകിടക്കുന്നവരെ അകലം പാലിച്ച്​ നോക്കിനിൽക്കുന്ന അവസ്ഥയാണ്​​ നിലവിലുള്ളത്​. ആംബുലൻസോ ആരോഗ്യപ്രവർത്തകരോ എത്തു​േമ്പാഴേക്കും കുഴഞ്ഞുവീണയാൾ മരിച്ചിട്ടുണ്ടാവും. ഏറ്റവുമൊടുവിൽ എരഞ്ഞിപ്പാലം മിനിബൈപാസിൽ റോഡിൽ കിടന്ന്​ തളർന്ന്​ മരിച്ചത്​ ദുരന്തമുഖങ്ങളിൽ രക്ഷാപ്രവർത്തകനായി ഒാടിനടക്കുന്ന അഷ്​റഫ്​ കാപ്പാട്​ എന്ന പൊതുപ്രവർത്തകനാണ്​.

കഴിഞ്ഞ ദിവസം അജ്ഞാതൻ ചെറൂട്ടി റോഡ്​ ജങ്​ഷന്​ സമീപം കുഴഞ്ഞുവീണ്​ ഒരു മണിക്കൂറിലേറെയാണ്​ റോഡിൽ കിടന്ന്​ മരിച്ചത്​. മൂഴിക്കൽ സ്വദേശി കഴിഞ്ഞ മാസം അവസാനം മിഠായിതെരുവിൽ കുഴഞ്ഞുവീണ്​ മരിച്ചു. വൈകിയാണ്​ അദ്ദേഹത്തെയും ആശുപത്രിയിൽ എത്തിച്ചത്​. പന്തീരാങ്കാവിലും സമാനസംഭവമുണ്ടായി. 108 ആംബുലൻസിനെ വിളിച്ചാലും എത്താൻ വൈകുന്നു എന്നാണ്​ സംഭവസ്ഥലങ്ങളിലെ നാട്ടുകാർ പറയുന്നത്​. പൊലീസ്​ സ്ഥലത്തെത്തിയാലും ആംബുലൻസിനെ കാത്തുനിൽക്കുന്ന അവസ്ഥയുണ്ട്​.

കോവിഡ്​ പകരുമെന്ന ഭീതിയാണ്​ ഇൗ സാഹചര്യം സൃഷ്​ടിക്കുന്നത്​. അതേസമയം, ഇൗ മാനുഷികപ്രശ്​നം എങ്ങനെ പരിഹരിക്കണമെന്ന്​ സർക്കാർ മാർഗനിർദേശം പുറപ്പെടുവിക്കണമെന്ന ആവശ്യമുയരുന്നുണ്ട്​. അതേസമയം, കരിപ്പൂർ വിമാനദുരന്തമുണ്ടായപ്പോൾ കൊണ്ടോട്ടിയിലെ ജനങ്ങൾ കോവിഡ്​ ഭീതിമറന്ന്​ രക്ഷാപ്രവർത്തനം നടത്തിയതിനാലാണ്​ നൂറുകണക്കിന്​ യാത്രക്കാരെ രക്ഷിക്കാനായത്​.

എരഞ്ഞിപ്പാലം ബൈപാസിൽ റോഡരികിൽ രക്ഷാപ്രവർത്തകൻ തളർന്നുകിടന്നത്​ ആംബുലൻസ്​ സ്​റ്റാൻഡി​െൻറ മുന്നിലായിരുന്നു. തൊട്ടടുത്താണ്​ ബേബി മെമ്മോറിയൽ ആശുപത്രി. നാട്ടുകാർ ചുറ്റും കൂടിനിന്നതല്ലാതെ അഷ്​റഫിനെ ആശുപത്രിയിലെത്തിക്കാൻ നടപടിയുണ്ടായില്ല എന്ന്​ പരാതിയുയർന്നിട്ടുണ്ട്​. അഷ്​റഫിനെ അറിയുന്ന കാപ്പാട്​ സ്വദേശികളായ രണ്ടു പേരാണ്​ ആശുപത്രിയിൽ എത്തിച്ചത്​. കോവിഡ്​ പരി​േശാധനയിൽ അഷ്​റഫിന്​ നെഗറ്റിവ്​ ഫലമാണ്​ ലഭിച്ചത്​.

Show Full Article
TAGS:covid kerala covid death covid 
Next Story