Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightകോവിഡ്​ പ്രതിസന്ധി:...

കോവിഡ്​ പ്രതിസന്ധി: കോഴിക്കോട്ട്​​ ഓ​ട്ടോഡ്രൈവർമാർ ജീവനൊടുക്കി

text_fields
bookmark_border
കോവിഡ്​ പ്രതിസന്ധി: കോഴിക്കോട്ട്​​ ഓ​ട്ടോഡ്രൈവർമാർ ജീവനൊടുക്കി
cancel
camera_alt

ഹരീഷ് ബാബു, മനോജ്​

വടകര/അത്തോളി: കോവിഡ്​മൂലമുള്ള സാമ്പത്തിക ​പ്രതിസന്ധിയെ തുടർന്ന്​ കോഴിക്കോട്​ ജില്ലയിൽ രണ്ട്​ ഓ​ട്ടോ ഡ്രൈവർമാർ ജീവനൊടുക്കി. വടകരയിൽ വാടക ക്വാർട്ടേഴ്സിൽ കഴിയുന്ന നടക്കുതാഴ സ്വദേശി പാറേമ്മൽ ഹരീഷ് ബാബുവിനെ (58) വടകര മാക്കൂൽ പീടികയിൽ താമസസ്ഥലത്തും അത്തോളി കൂമുള്ളി കോതങ്കലില്‍ കോതങ്കല്‍ പിലാച്ചേരി മനോജി (52) നെ വീടിനോട് ചേര്‍ന്ന ചായ്‌പിലുമാണ്​ തൂങ്ങിമരിച്ച നിലയിൽ കണ്ടത്​.

ഹരീഷ് തനിച്ചാണ്​ ക്വാർട്ടേഴ്സിൽ താമസിച്ചത്. വർഷങ്ങളായി സ്വന്തമായി വീട് ഇല്ലാത്ത ഹരീഷ് പലസ്ഥലങ്ങളിലായി വാടക വീടുകളിലാണ് കഴിയുന്നത്​. മാതാവ്​ ജാനു വർഷങ്ങൾക്കുമുമ്പേ മരിച്ചു. അവിവാഹിതനാണ്. കോവിഡ് തുടങ്ങിയതോടെ സാമ്പത്തികമായി പ്രതിസന്ധിയിലായിരുന്നു. ക്വാർട്ടേഴ്സിന് വാടക നൽകാൻ ബുദ്ധിമുട്ടി ഒഴിഞ്ഞു പോകാനുള്ള തയാറെടുപ്പിലായിരുന്നുവെന്ന് പരിസരവാസികൾ പറഞ്ഞു. വടകര പൊലീസ് ഇൻക്വസ്​റ്റ്​ നടത്തിയ മൃതദേഹം പോസ്​റ്റ്​മോർട്ടത്തിന് വടകര ജില്ല ആശുപത്രിയിലേക്ക് മാറ്റി. കോവിഡ് പരിശോധന ഫലം ലഭിച്ചാൽ ഇൻക്വസ്​റ്റ്​ നടപടി പൂർത്തീകരിച്ച് പോസ്​റ്റ്​മോർട്ടം നടത്തും.

മനോജിനെ വ്യാഴാഴ്ച പുലർച്ചെയാണ്​ മരിച്ച നിലയില്‍ കണ്ടെത്തിയത്. നേരത്തേ ബസ് കണ്ടക്ടറായി ജോലിചെയ്ത മനോജ് രണ്ടുവർഷത്തോളമായി കൂമുള്ളിയിൽ ഓട്ടോ ഡ്രൈവറാണ്​. ഒരുമാസം മുമ്പ് ഡെങ്കിപ്പനി ബാധിച്ച് ചികിത്സയിലായിരുന്നു. പിന്നീട് കോവിഡ് ബാധിച്ചു. കോവിഡ് നിയന്ത്രണങ്ങളെ തുടർന്ന് മാസങ്ങളായി ഓട്ടോ ഓടിക്കാൻ കഴിയാത്തതിനാൽ വായ്പയെടുത്തുവാങ്ങിയ ഓട്ടോയുടെ അടവ്​ തെറ്റി. സാമ്പത്തിക പ്രയാസവും രോഗബാധയെ തുടര്‍ന്നുള്ള മാനസിക സംഘര്‍ഷവുമാണ് ആത്മഹത്യക്ക് കാരണമെന്നാണ് പ്രാഥമിക നിഗമനം. അത്തോളി പൊലീസ് ഇന്‍ക്വസ്​റ്റ്​ നടത്തി. ഭാര്യ ഷിബിത. മക്കള്‍: കൃഷ്ണപ്രിയ, ഹരിഗോവിന്ദ് (പ്ലസ് ടു വിദ്യാര്‍ഥി). മരുമകന്‍: വിജേഷ്. മെഡിക്കൽ കോളജിൽ പോസ്​റ്റ്​ മോർട്ടത്തിന് ശേഷം മൃതദേഹം വീട്ടുവളപ്പിൽ സംസ്​കരിച്ചു.



Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:covid crisisauto driverssuicide
News Summary - covid crisis: auto drivers commit suicide
Next Story