വ്യാപാരമേഖല നിർജീവമായി - മുഖ്യമന്ത്രി

തിരുവനന്തപുരം: കോവിഡ്​ വൈറസ്​ വ്യാപനം സാമ്പത്തിക മേഖലയിലടക്കം വലിയ പ്രത്യാഘാതങ്ങൾ ഉണ്ടാക്കുന്നു​ണ്ടെന്നും വ്യാപാരമേഖല നിർജീവമാ​യെന്നും മുഖ്യമന്ത്രി പിണറായി വിജയൻ. കെ.എസ്​.ആർ.ടി.സിയിലടക്കം വലിയ വരുമാന നഷ്​ടമാണുണ്ടാകുന്നത്​. ഈസാഹചര്യത്തിൽ സ്വകാര്യബസുകൾക്ക്​ നികുതി അടക്കാനുള്ള സാവകാശം നീട്ടി നൽകുമെന്നും മുഖ്യമന്ത്രി പറഞ്ഞു.

വായ്​പാ തിരിച്ചടവടവുകൾക്ക്​ സാവകാ​ശം നൽകാൻ ബാങ്കുകളോട്​ ആവശ്യപ്പെടുമെന്നും അദ്ദേഹം പറഞ്ഞു. വിവാഹ ചടങ്ങുകളി​ൽ പ​ങ്കെടുക്കുന്നവരുടെ എണ്ണം പരമാവധി നൂറ്​ എന്ന തരത്തിൽ പരിമിതപ്പെടുത്തണം. ആരാധനാലയ അധികൃതർ കൂടുതൽ നിയന്ത്രണങ്ങളെ കുറിച്ച്​ ആലോചിക്കണമെന്നും മുഖ്യമന്ത്രി പറഞ്ഞു.