സമയം അത്ര ശരിയല്ല; ജ്യോതിഷിക്ക് കോവിഡ്

എടപ്പാൾ (മലപ്പുറം): കുറ്റിപ്പുറം റോഡിൽ ജ്യോതിഷ പണ്ഡിതനായ 42കാരന് കോവിഡ് സ്ഥിരീകരിച്ചു. 50ഓളം പേർ നിരീക്ഷണത്തിൽ. ജൂലൈ 14 മുതൽ ഭാവിയറിയാൻ ഇദ്ദേഹത്തെ സമീപിച്ചവരോടാണ്​ നിരീക്ഷണത്തിൽ കഴിയാൻ ആരോഗ്യ വകുപ്പ് നിർദേശം നൽകിയത്.

നേരത്തെ വൃക്ക മാറ്റിവെക്കൽ ശസ്ത്രക്രിയക്ക് വിധേയനായിരുന്നു. ഇദ്ദേഹത്തെ വീണ്ടും ചികിത്സക്ക് ആശുപത്രിയിലേക്ക് കൊണ്ടുപോകും മുമ്പ്​ നടത്തിയ പരിശോധനയിലാണ് രോഗം സ്ഥിരീകരിച്ചത്.