കോവിഡ്​ 19 ഇല്ലെന്ന സാക്ഷ്യപത്രമില്ല; ഇറ്റലിയിൽ കുടുങ്ങി മലയാളി സംഘം; -VIDEO

റോം: കോവിഡ്​ 19 രോഗബാധയില്ലെന്ന സാക്ഷ്യപത്രമില്ലാത്തതിനാൽ ഇറ്റലിയിൽ കുടുങ്ങി മലയാളി സംഘം. റോം ​വിമാനത്താ വളത്തിലാണ് 45 അംഗ സംഘം കുടുങ്ങി കിടക്കുന്നത്​. കൊറോണ വൈറസ്​ ബാധയില്ലെന്ന സാക്ഷ്യപത്രം നൽകിയാൽ മാത്രമേ ഇന്ത്യയിലേക്ക്​ മടങ്ങാനാവൂ എന്ന വ്യോമയാനമന്ത്രാലയത്തി​​​​​​​െൻറ ഉത്തരവാണ്​ ഇവരുടെ യാത്ര തടസപ്പെടുത്തിയത്​.

കൊറോണ വൈറസ്​ ബാധയില്ലെന്ന സാക്ഷ്യപത്രം നൽകിയാൽ മാത്രം ഇറ്റലിയിൽനിന്ന്​ യാത്രക്കാ​െര കൊണ്ടു വന്നാൽ മതിയെന്നാണ്​ വിമാനകമ്പനികൾക്ക്​ കേന്ദ്രസർക്കാർ നൽകിയ നിർദേശം. എന്നാൽ, ഇറ്റലിയിൽ ഒരിടത്തും ഇത്തരമൊരു സാക്ഷ്യപത്രം നൽകുന്നില്ല. ഇതോടെയാണ്​ മലയാളി സംഘത്തി​​​​​​​െൻറ യാത്ര മുടങ്ങിയത്​. നാട്ടിലെത്തിയാൽ സർക്കാർ നിർദേശിക്കുന്ന മുൻകരുതലുകൾ എടുക്കാമെന്നാണ്​ ഇവർ വ്യക്​തമാക്കുന്നത്​.

അതേസമയം, പ്രശ്​നം പരിഹരിക്കാൻ മുഖ്യമന്ത്രി പിണറായി വിജയൻ ഇടപ്പെട്ടു. ഇറ്റലിയിൽ കുടുങ്ങി കിടക്കുന്നവരെ ഏത്രയും വേഗം നാട്ടിലെത്തിക്കണമെന്ന്​ ആവശ്യപ്പെട്ട്​ അദ്ദേഹം പ്രധാനമന്ത്രിക്ക്​ കത്തയച്ചു.