Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസംസ്ഥാനത്ത് 1167​...

സംസ്ഥാനത്ത് 1167​ പേർക്ക്​ കോവിഡ്​; 888 സമ്പർക്ക രോഗികൾ

text_fields
bookmark_border
pinarayi vijayan
cancel

തിരുവനന്തപുരം: സംസ്ഥാനത്ത് 1167​​ പേർക്ക്​ കോവിഡ്​ സ്ഥിരീകരിച്ചു. 888 പേർക്ക്​ സമ്പർക്കത്തിലൂടെയാണ്​ രോഗബാധ. ഇതിൽ 55 പേരുടെ ഉറവിടമറിയില്ല. വിദേശത്ത്​ നിന്ന്​ എത്തിയ 122  പേർക്കും​ അന്യസംസ്ഥാനങ്ങളിൽ നിന്നെത്തിയ 96 പേർക്കും രോഗബാധ സ്ഥിരീകരിച്ചിട്ടുണ്ട്​. രോഗബാധിതരിൽ 33 ആരോഗ്യപ്രവർത്തകരും ഉൾപ്പെടുന്നു.  679 പേർ രോഗമുക്​തി നേടി. നാല്​ പേർ കോവിഡ്​ ബാധിച്ച്​ മരിച്ചു.

തിരുവനന്തപുരം 227 , കൊല്ലം 95 , പത്തനംതിട്ട 63 , ഇടുക്കി 07 , കോട്ടയം 118 , ആലപ്പുഴ 84 , എറണാകുളം 70 , തൃശൂർ 109 , പാലക്കാട് 86​ , മലപ്പുറം 112 , കോഴിക്കോട്​ 67​ , വയനാട് 53​ , കണ്ണൂർ 43 , കാസർകോട്​ 38 എന്നിങ്ങനെയാണ്​ വിവിധ ജില്ലകളിൽ രോഗം സ്ഥിരീകരിച്ചവരുടെ എണ്ണം.

തിരുവനന്തപുരം 170, കൊല്ലം 70, പത്തനംതിട്ട 28, ആലപ്പുഴ 80, കോട്ടയം 20, ഇടുക്കി 27, എറണാകുളം 83, തൃശ്ശൂര്‍ 45, പാലക്കാട് 40, മലപ്പുറം 34, കോഴിക്കോട് 13, വയനാട്​ 18, കണ്ണൂർ 15, കാസർകോട്​ 36 എന്നിങ്ങനെയാണ്​ നെഗറ്റീവായവരുടെ എണ്ണം.

സംസ്ഥാനത്ത്​ 486 ഹോട്ട്​സ്​പോട്ടുകളാണ്​ ഉള്ളത്​. പെരുന്നാളിന്​ 100 പേർക്കാണ്​ പ്രാർഥന നടത്താൻ അനുമതിയുള്ളത്​. പള്ളികളിലെ സൗകര്യമനുസരിച്ച്​ എണ്ണം ക്രമീകരിക്കും. തിരുവനന്തപുരത്ത്​ വലിയ രീതിയിൽ രോഗബാധയുണ്ട്​. പലയിടത്തും 18 പേരെ പരിശോധിച്ചാൽ ഒരാൾ പോസിറ്റീവാകുന്ന സാഹചര്യമുണ്ട്​. ക്ലസ്​റ്ററുകൾ രോഗബാധ കുറയുന്നില്ല. തൃശൂരിൽ പട്ടാമ്പി ക്ലസ്​റ്ററിൽ നിന്നുള്ള രോഗികളുടെ എണ്ണം കൂടുന്നു. മലപ്പുറത്ത്​ രോഗികളിൽ കൂടുതലും കൊണ്ടോട്ടിയിലാണ്​. വിവാഹചടങ്ങുകൾ രോഗബാധയുടെ കേന്ദ്രമായി മാറുന്നുവെന്നും അദ്ദേഹം കൂട്ടിച്ചേർത്തു.

മുഖ്യമന്ത്രിയുടെ സംരഭകത്വ വികസന പദ്ധതി​​

കേരള ഫിനാഷ്യൽ സർവീസ്​ കോർപ്പറേഷനുമായി സഹകരിച്ച്​ സംരംഭകർക്കായി സംരഭകത്വ വികസന പദ്ധതി. പ്രതിവർഷം 1000 സംരംഭകരെന്ന തോതിൽ 5000 പേർക്ക് അഞ്ച്​ വർഷം കൊണ്ട്​​ വായ്​പ നൽകും. പരമാവധി 50 ലക്ഷം രൂപയാണ്​ വായ്​പയായി നൽകുക. പ്രൊജക്​ടി​​​​​​െൻറ 90 ശതമാനം വരെ വായ്​പയായി ലഭിക്കും. 10 ശതമാനമായിരുക്കും പലിശനിരക്ക്​. ഇതിൽ മൂന്ന്​ ശതമാനം സർക്കാർ വഹിക്കും. ഏഴ്​ ശതമാനമായിരിക്കും ഫലത്തിൽ വായ്​പ പലിശ നിരക്ക്​. സ്​റ്റാർട്ട്​ അപുകൾക്ക്​ 10 കോടി വരെ പ്രവർത്തന മൂലധന വായ്​പയായി നൽകുമെന്നും മുഖ്യമന്ത്രി അറിയിച്ചു.

 

Show Full Article
TAGS:covid kerala covid 19 covid death kerala news 
News Summary - Covid 19 updates-Kerala news
Next Story