You are here

സെക്രട്ടറിയേറ്റിന്​ മുന്നിൽ സമരത്തിന്​ നിയന്ത്രണം

08:00 AM
21/06/2020

തിരുവനന്തപുരം: നഗരത്തിൽ സമ്പർക്കത്തിലൂടെ കോവിഡ്​ ബാധ സ്​ഥിരീകരിക്കുന്ന സാഹചര്യത്തിൽ സെക്രട്ടറിയേറ്റിന്​ മുന്നിൽ സമരത്തിന്​ നിയന്ത്രണം ഏർപ്പെടുത്തി പൊലീസ്. സാമൂഹിക അകലം ലംഘിച്ചാൽ കർശന നടപടി സ്വീകരിക്കുമെന്നും പൊലീസ്​ അറിയിച്ചു. 

കഴിഞ്ഞ ദിവസങ്ങളിൽ രോഗം സ്​ഥിരീകരിച്ച കെ.എസ്​.ആർ.ടി.സി, ഓ​ട്ടോ ഡ്രൈവർമാർക്കും മൊബൈൽ ഷോപ്പ്​ ഉടമക്കും മരിച്ച വഞ്ചിയൂർ സ്വദേശിക്കും എവിടെനിന്നാണ്​ രോഗം ബാധിച്ചതെന്ന കാര്യം വ്യക്തമല്ല. ഇതിനെ തുടർന്നാണ്​ നഗരത്തിൽ ഇന്നുമുതൽ കർശന നിയന്ത്രണം ഏർപ്പെടുത്താൻ തീരുമാനം. 

ഓ​ട്ടോ- ടാക്​സി​ ഡ്രൈവർമാർ യാത്രക്കാരുടെ വിവരം സൂക്ഷിക്കണം. കണ്ടെയ്​മ​െൻറ്​ സോണുകളിലെ ഇട​റോഡുകൾ അടച്ചിടും. കോവിഡ്​ മാനദണ്ഡം പാലിക്കാത്ത കടകൾ അടപ്പിക്കും. സമാന്തര ചന്തകൾ ജില്ലയിൽ അനുവദിക്കില്ല. വിവാഹ, മരണ ചടങ്ങുകളിൽ കൂടുതൽ പേരെ പ​​ങ്കെടുപ്പിച്ചാലും നടപടിയുണ്ടാകുമെന്ന്​ മന്ത്രി കടകംപള്ളി സു​േ​രന്ദ്രൻ കഴിഞ്ഞദിവസം അറിയിച്ചിരുന്നു. 

കാലടി, ആറ്റുകാൽ, മണക്കാട്​, ചിറമുക്ക്​ കാലടി റോഡ്​, ഐരാണിമുട്ടം എന്നിവിടങ്ങളാണ്​ നിലവിൽ കണ്ടെയ്​ൻമ​​​െൻറ്​ സോൺ. നഗരമാകെ ​ക​ണ്ടെയ്​ൻമ​​​െൻറ്​ സോണാക്കിയില്ലെങ്കിലും സമരങ്ങൾക്ക്​ നിയന്ത്രണം ഏർപ്പെടുത്തുമെന്നും മന്ത്രി വ്യക്തമാക്കി. 

Loading...
COMMENTS