കോവിഡ്​ 19: സാലറി ചലഞ്ചുമായി സർക്കാർ

​തിരുവന്തപുരം: കോവിഡ്​ 19 വൈറസ്​ ബാധയുടെ പശ്​ചാതലത്തിൽ സംസ്ഥാനസർക്കാർ വീണ്ടും സാലറി ചലഞ്ച്​ അവതരിപ്പിക്കുന ്നു. സംസ്ഥാന സർക്കാർ ജീവനക്കാരും അധ്യാപകരും ഒരു മാസത്തെ ശമ്പളം നൽകണമെന്നാണ്​ ആവശ്യം. യൂണിയൻ പ്രതിനിധികളോട്​ ഇക്കാര്യം മുഖ്യമന്ത്രി പിണറായി വിജയൻ ചർച്ച ചെയ്​തു​. വൈകാതെ തന്നെ ഇക്കാര്യത്തിൽ തീരുമാനമാകുമെന്നാണ്​ പ്രതീക്ഷ.

കഴിഞ്ഞ പ്രളയസമയത്താണ്​ മുഖ്യമന്ത്രിയുടെ സാലറി ചലഞ്ച്​ പ്രഖ്യാപിച്ചത്​. ജീവനക്കാരുടെ ഒരു മാസത്തെ ശമ്പളം സംഭാവന ചെയ്യണമെന്നായിരുന്നു ആവശ്യം. മികച്ച പ്രതികരണമാണ്​ അന്ന്​ സാലറി ചലഞ്ചിന്​ ലഭിച്ചത്​.