നിരീക്ഷണത്തിൽ കഴിയാതെ കറങ്ങി നടന്ന യുവാവ് പൊലീസ് പിടിയില്‍

കോട്ടയം: നിരീക്ഷണത്തിൽ കഴിയാനുള്ള നിർദേശം ലംഘിച്ച് കറങ്ങി നടന്ന യുവാവ് പൊലീസ് പിടിയില്‍. വാഹന പരിശോധനക്കിടെ രണ്ടുവട്ടം ശ്രദ്ധയില്‍പ്പെട്ട യുവാവിനെ കോട്ടയം പൊലീസ് കസ്റ്റഡിയിലെടുത്തു. സുരക്ഷാ മാനദണ്ഡങ്ങൾ പാലിക്കാത്ത യുവാവിനെ പൊലീസ് ആരോഗ്യ വകുപ്പിന് കൈമാറി.

കഴിഞ്ഞ 22നാണ് ബംഗളൂരുവിൽ നിന്ന് യുവാവ് നാട്ടിലെത്തിയത്. തുടർന്ന് 14 ദിവസം നിരീക്ഷണത്തിൽ കഴിയാൻ ആരോഗ്യ വകുപ്പ് നിര്‍ദേശിച്ചിരുന്നു. എന്നാല്‍, മുന്നറിയിപ്പ് ലംഘിച്ച യുവാവ് കോട്ടയം നഗരത്തിലൂടെ ഇരുചക്ര വാഹനത്തില്‍ കറങ്ങി നടക്കുകയായിരുന്നു.