കസ്​റ്റഡി​യി​െലടുത്ത പ്രതിക്ക്​ കോവിഡ്​ സംശയം; പെരുമ്പാവൂർ പൊലീസ്​ സ്​റ്റേഷൻ അടച്ചു

പെരുമ്പാവൂർ: കരുതൽ തടങ്കലിലെടുത്ത പ്രതി​ കോവിഡ്​ രോഗിയുമായി സമ്പർക്കം പുലർത്തിയതായി കണ്ടെത്തിയതിനെ തുടർന്ന്​ പെരുമ്പാവൂർ പൊലീസ്​ സ്​റ്റേഷൻ അടച്ചു. ബുധനാഴ്​ച പ്രതിക​െള കസ്​റ്റഡിയിലെടുത്തവരും സ്​റ്റേഷനിൽ ഡ്യൂട്ടിയിലുണ്ടായിരുന്നവരും നിരീക്ഷണത്തിൽ ​പോയി.

നിലവിൽ തൊട്ടടുത്ത ഡി.വൈ.എസ്​.പി ഒാഫിസിലാണ്​ സ്​റ്റേഷ​െൻറ താൽകാലിക പ്രവർത്തനം. പൊലീസ്​ സ്​റ്റേഷൻ അണുവിമുക്തമാക്കും.

കസ്​റ്റഡിയിലായവർ താമസിച്ചിരുന്ന പ്രദേശത്തെ സ്​ഥാപനങ്ങളും മറ്റും ആരോഗ്യ വകുപ്പി​െൻറ നിർശദേശത്തെ തുടർന്ന്​ അടച്ചു. കസ്​റ്റഡിയിലെടുത്തവരെ കളമശേരി കോവിഡ്​ കെയർ സെൻററി​െലത്തിച്ച്​ പരിശോധനക്കായി സ്രവം ശേഖരിച്ചു.

വെങ്ങോല ഉണ്ണി വധക്കേസിലെ മുഖ്യപ്രതി ഉൾപ്പെടെ രണ്ടുപേരെ ബുധനാഴ്​ച വൈകുന്നേരം കസ്​റ്റഡി​യിലെടുത്തിരുന്നു. ഇവരിലൊരാൾ കോവിഡ്​ രോഗിയുമായി സമ്പർക്കം പുലർത്തിയതായാണ്​ വിവരം.