നിസാരമല്ല കാര്യങ്ങൾ; കൈവിട്ടുപോയാൽ കേരളം വലിയ വില കൊ​ടുക്കേണ്ടിവരും - മന്ത്രി ശൈലജ

തിരുവനന്തപുരം: കോവിഡ് 19നെ​ നിസാരമായി കാണരുതെന്ന്​ ആരോഗ്യ മന്ത്രി കെ.കെ. ശൈലജ. കോവിഡി​െൻറ രണ്ടാം തരംഗമാണ് ലോകത്ത്​​ നടക്കുന്നത്​. പലരാജ്യങ്ങളും വീണ്ടും ലോക്​ഡൗണിലേക്ക്​ കടന്നിരിക്കുന്നു. പ്രതിരോധ മരുന്ന്​ കണ്ടുപിടിക്കുന്നതുവരെ വെല്ലുവിളി തുടരുമെന്നും കെ.കെ. ശൈലജ പറഞ്ഞു.

കോവിഡ്​ വ്യാപനത്തി​െൻറ ഗ്രാഫ്​ കുറച്ചുകൊണ്ടുവരാനാണ്​ സർക്കാർ ശ്രമിച്ചത്​. കേരളത്തിൽ മരണ നിരക്കി​​െൻറ കാര്യത്തിൽ ഭീതിതമായ അവസ്ഥയിലല്ല. എന്നാൽ നമ്മൾ അശ്രദ്ധ കാണിച്ചാൽ തൊട്ടടുത്ത സംസ്ഥാനത്തി​െൻറ അവസ്ഥയിലേക്ക്​ കേരളവും എത്തിച്ചേരും. കൈവിട്ടുപോയാൽ കേരളം കൊ​ടുക്കേണ്ടി വരുന്നത്​ വലിയ വിലയായിരിക്കുമെന്നും മന്ത്രി പറഞ്ഞു.

കോവിഡി​െൻറ കാര്യത്തിൽ കേരളത്തിന്​ മാത്രമായി ചില ഭയങ്ങളുണ്ട്​. ഒന്ന്​ പ്രായമുള്ളവരുടെ എണ്ണമാണ്​. ലോകത്തിൽ തന്നെ പ്രായമേറിയവർ കൂടുതലുള്ള ഒരു ഭൂവിഭാഗമാണ്​ കേരളം. രാജ്യത്ത്​ ഏറ്റവും കൂടുതൽ മുതിർന്ന പൗരൻമാരുള്ളത്​ കേരളത്തിലാണ്​. ഏറ്റവും കൂടുതൽ ജനസാന്ദ്രതയുള്ള സംസ്ഥാനമാണ്​ കേരളമെന്നതാണ്​ മറ്റൊന്ന്​. ആയിരക്കണക്കിന്​ മനുഷ്യരുടെ ജീവൻ പണയം വെച്ചുള്ള പ്രയത്​നം കൊണ്ടാണ്​ നമ്മൾ മരണത്തെ പിടിച്ചു നിർത്തുന്നത്​.

ജനങ്ങൾ ഏറെ ശ്രദ്ധിക്കേണ്ടതുണ്ട്​. 72 ശതമാനം മരണവ​ും ​ 60 വയസിനു മുകളിലുള്ളവരാണ്​. എന്നാൽ ചെറുപ്പക്കാർ കോവിഡ്​ ബാധിച്ച്​ മരിക്കില്ലെന്ന ചിന്ത ചിലർക്കുണ്ട്​. അവർ ആരോഗ്യ വകുപ്പി​െൻറ മാനദണ്ഡങ്ങളെ അനുസരിക്കാതെ ഇറങ്ങി നടക്കുകയാണ്​. മരിച്ചവരിൽ 28 ശതമാനം പേരും ചെറുപ്പക്കാരാണ്​. ഏറ്റവും കൂടുതൽ കോവിഡ്​ ബാധിച്ചത്​ 20നും 40നും മധ്യേ പ്രായമുള്ളവർക്കാണ്​. അവർ വഴിയാണ്​ കോവിഡ്​ പരക്കുന്നത്​. ചെറുപ്പക്കാരുമായി ബന്ധപ്പെട്ട്​ നിൽക്കുന്ന പ്രായമുള്ളവർക്ക്​ ചെറുപ്പക്കാരിൽ നിന്ന്​ കോവിഡ്​ കിട്ടിയാൽ അപകടകരമാണ്​ അവസ്ഥയെന്നും മന്ത്രി ഓർമിപ്പിച്ചു.

ലോക്​ഡൗൺ പ്രഖ്യാപിച്ച മാർച്ച്​ 24 മുതൽ മെയ്​ മൂന്ന്​ വരെ ആരോഗ്യ മേഖലയിൽ നല്ല രീതിയിൽ സൗകര്യങ്ങൾ ഒരുക്കാൻ സാധിച്ചു. 29 കോവിഡ്​ ആശുപത്രികൾ സംസ്ഥാനത്തിനുണ്ട്​. ഇൗ ആശുപത്രികളിൽ 9123 കിടക്കകളുണ്ട്​. ഇതിൽ 4521 കിടക്കകൾ ഒഴിഞ്ഞു കിടക്കുകയാണെന്നും മന്ത്രി പറഞ്ഞു. ഭാഗികമായുാം മറ്റും എടുത്തിട്ടുള്ള മറ്റ്​ സർക്കാർ ആശുപത്രികളിൽ 1427 കിടക്കകളുണ്ട്​. ഇതിൽ 803 കിടക്കകൾ ഒഴിഞ്ഞു കിടക്കുകയാണെന്നും മന്ത്രി പറഞ്ഞു.